உள்நாட்டு பொருட்களை மட்டுமே வாங்க வேண்டும்: பிரதமர் நரேந்திர மோடி வலியுறுத்தல்

உத்தர பிரதேசத்​தின் வாராணசி​யில் நேற்று நடை​பெற்ற அரசு நலத்​திட்ட விழா​வில் பிரதமர் நரேந்​திர மோடி பங்​கேற்​றார். அப்​போது ரூ.2,200 கோடி மதிப்​பிலான பல்​வேறு திட்​டங்​களை அவர் தொடங்​கி​ வைத்​தார்.

விழா​வில் அவர் பேசி​ய​தாவது: இன்​றைய தினம் பிரதமரின் கிசான் சம்​மான் நிதி திட்​டத்​தின் மூலம் நாடு முழு​வதும் 10 கோடி விவ​சா​யிகளின் வங்​கிக் கணக்​கு​களில் ரூ.20,500 கோடி செலுத்​தப்​பட்டு உள்​ளது. விவ​சா​யிகளுக்​கான நிதி​யுதவி திட்​டம் விரை​வில் நிறுத்​தப்​படும் என்று காங்​கிரஸ், சமாஜ்​வாதி உள்​ளிட்ட கட்​சிகள் விமர்​சனம் செய்​தன. ஆனால் இந்த திட்​டம் இன்​று​வரை வெற்​றிகர​மாக செயல்​படுத்​தப்​பட்டு வரு​கிறது.

விவ​சா​யிகளின் நலன் கருதி தன்​-தன்யா கிரிஷி யோஜனா என்ற புதிய திட்​டம் தொடங்​கப்​பட்டு உள்​ளது. இதன்​மூலம் பின்​தங்​கிய மாவட்​டங்​களில் வேளாண் உற்​பத்தி அதி​கரிக்​கப்​படும். இந்​தத் திட்​டத்​துக்​காக ரூ.24,000 கோடி செல​விடப்​படும். வேளாண்மை சார்ந்த பொருளா​தா​ரத்​தில் பெண்​களின் பங்​களிப்பை அதி​கரிக்க லட்​சா​திபதி சகோ​தரி​கள் திட்​டத்தை மத்​திய அரசு செயல்​படுத்தி வரு​கிறது. இதன்​மூலம் 3 கோடி லட்​சா​திபதி பெண்​களை உரு​வாக்க இலக்கு நிர்​ண​யிக்​கப்​பட்டு உள்​ளது.

நாம் வெகு​விரை​வில் உலகின் 3-வது பெரிய பொருளா​தார நாடு என்ற பெரு​மையை எட்ட உள்​ளோம். இந்த நேரத்​தில் நமது இளைஞர்​களின் வேலை​வாய்ப்பு மிக​வும் முக்​கிய​மானவை. இதை கருத்​தில் கொண்டு மத்​திய அரசு செயல்​பட்டு வரு​கிறது. நாட்​டின் மக்​களுக்​கும் சில கடமை​கள், பொறுப்​பு​கள் உள்​ளன. அதாவது நாடு முழு​வதும் உள்​ளூர் பொருட்​களை மட்​டுமே விற்க வேண்​டும். உள்​ளூர் பொருட்​களை மட்​டுமே வாங்க வேண்​டும் என்று மக்​கள் உறு​தி​யேற்க வேண்​டும். நமது வீட்​டுக்​காக எந்த பொருளை வாங்​கி​னாலும் அது உள்​நாட்டு தயாரிப்​பாக மட்​டுமே இருக்க வேண்​டும். இந்​திய தொழிலா​ளர்​களின் வியர்​வைக்கு மதிப்​பளிக்க வேண்​டும்.

இந்த நேரத்​தில் இந்​திய வணி​கர்​களிடம் சிறப்பு வேண்​டு​கோளை முன்​வைக்​கிறேன். இப்​போது நிலை​யற்ற சூழலைக் கடந்து சென்று கொண்​டிருக்​கிறோம். எனவே சிறிய கடை முதல் பெரிய நிறு​வனங்​கள் வரை உள்​நாட்டு பொருட்​களை மட்​டுமே விற்​பனை செய்ய வேண்​டும். அடுத்து வரும் மாதங்​கள் பண்​டிகை காலம் ஆகும். குறிப்​பாக வரும் அக்​டோபரில் தீபாவளியை கொண்​டாட உள்​ளோம். திருமண சீசனும் வரு​கிறது. பண்​டிகை மற்​றும் திருமண சீசனில் உள்​நாட்டு பொருட்​களை மட்​டுமே வாங்க வேண்​டும்.

வெளி​நாடு​களுக்கு சென்று திரு​மணம் செய்து நமது நாட்​டின் செல்​வத்தை வீணடிக்க வேண்​டாம் என்று அறி​வுறுத்​தினேன். எனது அறி​வுரையை ஏற்று பலரும் உள்​நாட்​டிலேயே திருமண விழாக்​களை நடத்​துகின்​றனர். இது மிகுந்த மகிழ்ச்சி அளிக்​கிறது. தேசத்​தந்தை மகாத்மா காந்​தி​யின் சுதேசி இயக்​கம், சுதந்​திர போராட்​டத்​தில் மிக முக்​கிய பங்கு வகித்​தது. சுதேசி இயக்​கத்​தின்​படி உள்​நாட்டு பொருட்​களை வாங்​கு​வது காந்​தி​யடிகளுக்கு நாம் செலுத்​தும் மரி​யாதை ஆகும். அனை​வரும் ஒன்​று​பட்டு உழைத்​தால் மட்​டுமே வளர்ந்த இந்​தியா என்ற லட்​சி​யத்தை நிச்​சய​மாக எட்ட முடி​யும். இவ்​வாறு பிரதமர் நரேந்​திர மோடி பேசி​னார்.

இந்​திய பொருட்​கள் மீது அமெரிக்க அதிபர் டொனால்டு ட்ரம்ப் 25 சதவீத வரியை விதித்​துள்​ளார். இந்த சூழலில் உள்​நாட்​டில் தயாரிக்​கப்​படும் பொருட்​களை மட்​டுமே வாங்க வேண்​டும் என்று பிரதமர் மோடி அழைப்பு விடுத்​திருப்​பது மிகுந்த முக்​கி​யத்​து​வம் பெற்​றுள்​ளது.

Comments are closed.

Tamilthamarai

தற்போதைய செய்திகள்

அமைதி போராட்டத்திற்கும்,சட்டங௠...

அமைதி போராட்டத்திற்கும்,சட்டங்களை மீறுபவர்களுக்கும் வித்தியாசம் உண்டு அண்ணாமலை அவர்களின் கேள்விகள், அமைதியான போராட்டத்திற்கும், திட்டமிட்ட ரீதியில் ...

இந்​தி​யா​வுக்கு எதிரான சக்​தà® ...

இந்​தி​யா​வுக்கு எதிரான சக்​தி​களை தோற்​கடிக்க வேண்​டும் இந்தியாவுக்கு எதிரான சக்திகளை தோற்கடிக்கவேண்டும் என்று பிரதமர் நரேந்திர ...

கருத்து வேறுபாட்டிற்கும் அராஜà® ...

கருத்து வேறுபாட்டிற்கும் அராஜகத்திற்கும் இடையிலான வேறுபாடு ஒரு ஜனநாயகத்தில் கருத்து வேறுபாட்டை வெளிப்படுத்தலாம், ஆனால் அந்தக் ...

விரத நாட்களின் பலன்கள்

விரத நாட்களின் பலன்கள் ஒரு நாள், மூன்று நாட்கள், ஐந்து நாட்கள், ஏழு ...

கலசத்திற்கு எந்த உலோகத்தைப் பயà ...

கலசத்திற்கு எந்த உலோகத்தைப் பயன்படுத்த வேண்டும்?   கலச ஸ்தாபன விதிகள்: நவராத்திரியில் கவனிக்க வேண்டிய 6 ...

கலச ஸ்தாபனம் எப்போது செய்ய வேண் ...

கலச ஸ்தாபனம் எப்போது செய்ய வேண்டும்? பிரபல ஜோதிடர் ஸ்ரீ விமல் ஜெயின் கூறுகையில்: அதிகாலை ...

மருத்துவ செய்திகள்

அரச இலையின் மருத்துவக் குணம்

அரச இலைக் கொழுந்தை விழுதாக அரைத்து நெல்லிக்காய் அளவும் பாலில் கரைத்து, காலையில் ...

வெந்தயத்தின் மருத்துவ குணங்கள்

வெந்தயத்தைத் தோசையாய் செய்து சாப்பிடலாம். இதனால் உடல் வலுவாகும். மெலிந்திருப் பவர்கள் பருமனாகலாம். ...

இலவங்கப் பத்திரி மூலம் நாம் பெறும் மருத்துவம்

இலவங்கப்பத்திரி மூலம் பிரமேகம், கடுமையான காய்ச்சல், குளிர்சுரம், ஆஷ்துமா போன்றவைகளைக் குணப்படுத்தலாம். பெண்களுக்கு ...