குறைவாக பேசுங்கள், அதிகமாக வேலை செய்யுங்கள், மேற்கு வங்காள முதல்வர் சுவேந்து அதிகாரியின் முதல் செய்தி இது.

மேற்கு வங்கத்தின் முதல் பாஜக முதல்வராக சுவேந்து அதிகாரி பதவியேற்றார்.
கொல்கத்தாவில் நடைபெற்ற செய்தியாளர் சந்திப்பில் சுவேந்து அதிகாரியை முதல்வராக உள்துறை அமைச்சர் அமித் ஷா அறிவித்தார்.

மம்தா பானர்ஜியை அவரது சொந்த தொகுதியான பவானிபூரில் 15,000 வாக்குகள் வித்தியாசத்தில் தோற்கடித்து சுவேந்து தலைமையிலான பாஜக வங்காளத்தில் ஆட்சியைக் கைப்பற்றியது.

வங்காளத்தின் புதிய முதலமைச்சராக பதவியேற்ற பிறகு, தனது பாஜக அரசு குறைவாகப் பேசும், அதிகமாக செயல்படும் என்று சுவேந்துஅதிகாரி கூறியுள்ளார்.மேற்குவங்க மக்களின் கனவுகளை நிறைவேற்ற புதிய பாஜக அரசு கடுமையாக உழைக்கும் என்றார் அவர்.

சுவேந்து 1970 ஆம் ஆண்டு டிசம்பர் 15 ஆம் தேதி புர்பா மேதினிபூரின் கார்குலி கிராமத்தில் பிறந்தார்.

வங்காள அரசியலைக் கட்டுப்படுத்தும் சக்திவாய்ந்த அதிகாரிகுடும்பத்தின் வழித்தோன்றல் அவர்.தந்தை சிசிர் அதிகாரி முன்னாள் மத்திய அமைச்சராக இருந்தவர். சகோதரர்களும் அரசியலில் தீவிரமாகஉள்ளனர். ஆனால் சுவேந்துவுக்குக் கிடைத்தது பரம்பரைநாற்காலி அல்ல, கஷ்டப்பட்டு சம்பாதித்த பதவிகள்.

சுவேந்துவின் அரசியல்வாழ்க்கை 1995 இல் காங்கிரஸ் கவுன்சிலராக தொடங்கியது. பின்னர் 1998ல் திரிணாமுல் காங்கிரசில் சேர்ந்தார். மம்தா பானர்ஜியின் நம்பிக்கைக்குரிய தளபதியாக இருந்தார்.

சுவேந்து 2007 ல் வரலாற்று சிறப்பு மிக்க நந்திகிராம் பூமி கையகப்படுத்துதல் எதிர்ப்பு இயக்கத்தின் முக்கிய சூத்திரதாரியாக இருந்தார்.

அன்று மம்தாவை ஆட்சிக்கு கொண்டுவர சுவேந்து ஊர் ஊராக அலைந்தார். சுவேந்துவை மம்தாவின் வாரிசாக அனைவரும் பார்த்தனர்.

ஆனால் அவரது மருமகன் அபிஷேக் பானர்ஜி கட்சியை கைப்பற்றியபோது சுவேந்து தனது தளத்தை இழந்தார்.

விரக்தியடைந்த போராளி அன்றே சபதம் செய்தார்: “மம்தா பானர்ஜியை முன்னாள் முதல்வராக்குவேன்!” என்று ..2020 டிசம்பரில் பாஜகவில் சேர்ந்தார். அவர் 2021 சட்டமன்றத் தேர்தலில் நந்திகிராமில் தனது முன்னாள் வழிகாட்டியான மம்தா பானர்ஜியை எதிர்த்துப் போட்டியிட்டார்.

வாக்கு எண்ணிக்கை நாளில் கடைசி நிமிடம் வரை நீடித்த பரபரப்பான காட்சிகளின் முடிவில் 1,956 வாக்குகள் வித்தியாசத்தில் மம்தாவை தோற்கடித்தார். வங்காளத்தில் திரிணாமுல் காங்கிரஸ் அலை வீசியபோதும், சுவேந்துவின் வெற்றி பாஜகவுக்கு பெரும் நிம்மதியை அளித்தது.

இந்த வெற்றியின் மூலம், அவர் மே 2021 இல் வங்காள சட்டமன்றத்தின் எதிர்க்கட்சித் தலைவராகப் பொறுப்பேற்றார். சுவேந்துவின் நந்திகிராம் வெற்றியை கேள்விக்குட்படுத்தி கல்கத்தா உயர்நீதிமன்றத்தில் மம்தா பானர்ஜி மனு தாக்கல் செய்தார்.

அவர் எதிர்க்கட்சித் தலைவராக இருந்த காலத்தில் பலமுறை தாக்கப்பட்டார். தலைமை தேர்தல் அதிகாரி அலுவலகத்திற்குள் நுழையும்போது புனைப்பெயர் வைக்கப்பட்ட சம்பவம் கல்கத்தா உயர் நீதிமன்றத்தின் தலையீட்டிற்குகூட வழிவகுத்தது.

திரிணாமுல் தலைவர்கள் சம்பந்தப்பட்ட சாரதாசிட்டி நிதி வழக்கு உள்ளிட்ட ஊழல்களுக்கு எதிராக அவர் தொடர்ந்து குரல் எழுப்பி வந்தார். வாக்காளர் பட்டியலில் உள்ள முறைகேடுகளுக்கு எதிராகவும் அவர்உறுதியாக இருந்தார்
2026 சட்டமன்றத் தேர்தலில், சுவேந்து இரண்டு தொகுதிகளில் போட்டியிட்டார் – அவரது சொந்ததொகுதியான நந்திகிராம் மற்றும் மம்தாவின் சிட்டிங் சீட்டான பவானிபூரிலும்..அவர் மம்தாவின் பாதுகாப்பான தொகுதியாக கருதப்படும் பவானிபூரில் 15,105 வாக்குகள் வித்தியாசத்தில் தோற்கடித்தார்.

நந்திகிராமில் தனது முன்னாள் உதவியாளர் பவித்ரா கரை 9,665 வாக்குகள் வித்தியாசத்தில் தோற்கடித்து தொகுதியைத் தக்கவைத்துக் கொண்டார். வங்காளத்தில் மொத்தமுள்ள 293 இடங்களில் 206 இடங்களை பாஜக கைப்பற்றி வரலாற்றுச் சிறப்புமிக்க வெற்றியைப் பெற்றுள்ள நிலையில், அந்த வெற்றியின் முகமாக சுவேந்து அதிகாரி பார்க்கப்படுகிறார்.