கும்பகோணத்தில் இருந்து மூன்று கிலோ மீட்டர் தொலைவில் உள்ளதே தரசுராம் என்ற சிறிய தாலுக்கா. அந்த சிறிய ஊரில் உள்ளதே ஐராவதம் என்ற ஆலயம். இந்திரனின் ஐராவதம் அதாவது யானை இந்த ஆலயத்தில் வந்து சிவனை வழிபட்டு தமக்கு துர்வாச முனிவரினால் ஏற்பட்ட சாபத்தைப் போக்கிக் கொண்டதாம்.

அதன் நிறமே அவரது சாபத்தினால் மாறிவிட தனக்கு தன்னுடைய உண்மையான நிறம் மீண்டும் கிடைக்க வேண்டும் என பிரார்தனை செய்ததாம். தேவ லோகத்தில் இருந்து வந்து லிங்க வடிவில் இருந்த சிவபெருமானை அந்த யானை வழிபட்டு வணங்கியதினால் அந்த சிவலிங்கம் ஐராவதர் பெயரிலேயே அமைந்ததாம்.

அது மட்டும் அல்ல யமதர்மராஜர் ஒரு ரிஷியின் சாபம் பெற்றார். அதன் விளைவாக அவருடைய உடம்பு முழுவதும் நெருப்புப் போல எரியத் துவங்க அவர் ஐராவதத்தின் ஆலோசனையின் பேரில் இந்த ஆலயத்திற்கு வந்து அங்குள்ள குளத்தில் முழுகி குளித்தவுடன் அந்த எரிச்சல் நின்றதாம். ஆலயம் பன்னிரண்டாம் நூற்றாண்டைச் சேர்ந்த சோழர்கள் காலத்தைச் சேர்ந்தது. அந்த ஆலயத்தில் கரிகால சோழனும், மற்ற சோழ அரசர்களும் வந்து சிவபூஜை செய்து அவரை வழிபட்டனராம்.

காவிரி ஆற்றில் இருந்து வரும் தண்ணீரினால் நிறப்பப்படும் ஆலயக் குளத்தில் நீராடினால் சர்வ தோஷங்களும் ரோக சம்மந்தமான நோய்கள் தீரும் எனவும், மரண பயம் மனதைவிட்டு விலகும் எனவும் சில பண்டிதர்கள் கூறுகின்றனர். அவர்கள் மேலும் கூறுகையில் அதற்குக் காரணம் ஐராவதம் அருகில் இருந்த காவிரி ஆற்றில் இருந்து தண்ணீரை தன் துதிக்கையில் கொண்டு வந்து சிவலிங்கத்தின் மீது அபிஷேகம் செய்ய அந்த புனித நீர் அருகில் இருந்த குளத்தில் சென்று விழுந்ததாம். அங்குதான் யமதீர்த்தம் எனப்படும் குளம் தற்போது உள்ளதாம்.

இது நம்பிக்கையில் வந்துள்ள கிராமியக் கதையாகவே இருக்க வேண்டும், ஏன் எனில் கல்வெட்டுக்களில் அத்தகைய விவரங்கள் காணப்படவில்லை. ஆனால் அற்புதமான கலையழகில் கட்டப்பட்டு உள்ள ஆலயம் காரணம் இன்றி அத்தனை நேர்த்தியாகக் கட்டப்பட்டு இருக்க முடியாது. ஆலயத்தில் பார்வதி தேவி பெரியநாயகி அம்மன் என்ற பெயரில் தனி சன்னதியில் காட்சி தருகிறார். சிவன் சன்னதியை குதிரைகள் ஒரு இரதத்தில் இழுத்துச் செல்வது போல காணப்படுகின்றது.

Tags; சிவன் கோவில்களில், சிவன் கோவில் , சிவன் கோவிலில் , கோவிலுக்கு, சிவன் கோயில்

நன்றி சாந்திப்பிரியா 

Leave a Reply