கேரள மாநிலத்தில் பா.ஜனதா சார்பாக கேரள பாதுகாப்பு பாதயாத்திரை நிகழ்ச்சி நடைபெற்றது .கேரள மாநிலம் முழுவதும் சென்று வந்த பாதயாத்திரை நேற்று திருவனந்தபுரத்தில் முடிவடைந்தது. இதில் சிறப்பு அழைப்பாளராக கலந்துகொண்ட சுஷ்மா சுவராஜ் பேசியதாவது :-

கேரளாவில் மாறிமாறி ஆட்சி செய்து வரும் கம்யூனிஸ்டுகளும், காங்கிரசும் மக்களுக்கு எதையும் செய்யவில்லை. இவர்களை-விட்டால் வேறு எந்த கட்சியும் இல்லை என்கிற மாயை உருவாக்கபட்டுள்ளது.

இதனை உடைத்து எறிய வேண்டும். இந்த-இரண்டு கட்சிகளின் ஆட்சி காலத்தில் கேரளா சுரண்டப்பட்டு இருக்கிறது . பொறுப்பில் உள்ளவர்களே ஊழல் புகார்களில் மாட்டுகிறார்கள் . தங்களை நிரபராதி என நிரூபிக்க அவர்களால் முடியவில்லை., பாலியல் மற்றும் கறுப்பு பண விவகாரங்களில் , கம்யூனிஸ்டு ,காங்கிரஸ் கட்சியை சேர்ந்தவர்களின் பெயர்கள் இடம்பெற்று இருக்கிறது .

வருகிற தேர்தலில் பாரதிய .ஜனதா வெற்றிபெற்று கேரள சட்டசபைக்குள் நுழையும். அங்கு நமது குரல் ஒலிக்கும். மக்கள் நலனுக்காக பாரதிய ஜனதா இன்னும் பல போராட்டங்களை முழுவீச்சுடன் நடத்தும் என்று அவர் பேசினார்.

Leave a Reply

Your email address will not be published.

This site uses Akismet to reduce spam. Learn how your comment data is processed.