அமெரிக்காவில் பிரதிநிதிகள் சபையுடன் சேர்ந்து 37 மாகாண கவர்னர் தேர்தல் நடந்தது. இதில் தெற்கு கரோலினா மாகாண கவர்னர் பதவிக்கு இந்திய வம்சா வழியை சேர்ந்த நிக்கி ஹேலே குடியரசு கட்சி சார்பில் போட்டியிட்டு வெற்றி பெற்றுள்ளார்
அவர் 52 சதவீத வாக்குகள் பெற்றுள்ளார். அவரை எதிர்த்து போட்டியிட்ட ஜனநாயக கட்சி வேட்பாளர் வின்சென்ட் ஷேகாலுக்கு 47 சதவீத ஓட்டுகள் கிடைத்தன.
இந்திய வம்சாவழியை சேர்ந்த பாப்பிஜிந்தால் ஏற்கனவே லூசியானா மாநில கவர்னராக இருக்கிறார். பஞ்சாப் மாநிலத்தை சேர்ந்த இவர் அமெரிக்காவில் கவர்னர் பதவியை பிடித்துள்ள 2-வது இந்தியர் ஆவார்.

இந்த வெற்றி குறித்து நிக்கி ஹேலே பேசியதாவது , “எனது வெற்றி மக்களின் உரிமை குரலுக்குக் கிடைத்த வெற்றி. எங்களுகாக உழைக்கும் அரசுதான் எங்களுக்கு வேண்டும் என மக்கள் கூறினார்கள். அவர்கள் தேவையை பூர்த்தி செய்ய நான் உழைப்பேன்.
மக்களுக்கு புதிய புதிய வேலைவாய்ப்புகளை ஏற்படுத்தி கொடுப்பேன். வளர்ச்சி திட்டங்களை உருவாக்கி தெற்கு கரோலினாவை முதல் மாநிலமாக மாற்றுவேன்.
எனது வெற்றி பெண்களுக்கு கிடைத்த பெருமையாகவும், அமெரிக்காவில் உள்ள இந்தியர்களுக்கு கிடைத்த பெருமையாகவும் கருதுகிறேன்” என்று கூறியுள்ளார்.

இதேபோன்று பிரதிநிதிகள் சபைக்கு (எம்.பி.) போட்டியிட்ட இந்தியர் மனான்திரிவேதியும், வெற்றி பெறும் நிலையில் இருக்கின்றார். இவர்கள் தவிர இன்னும் நான்கு இந்தியர்களும் பிரதிநிதிகள் சபைக்கு போட்டியிட்டனர். ஆனால் அவர்கள் தோல்வி பெறும் நிலையில் உள்ளனர்.

Tags:

Leave a Reply