கேரளாவில் இரண்டு மீனவர்கள் கொல்லபட்ட வழக்கில் ஒருகோடியை நிவாரணமாக கொடுத்து சட்டத்தை வளைப்பதற்கு இத்தாலி நாட்டினர் முயல்கின்றனர் . இது பெரும் கண்டனதிற்குரியது, இந்திய அரசியலமைப்பு சட்டத்துடன் விளையாட வேண்டாம் என்று இதுதொடர்பான வழக்கை விசாரித்த நீதிபதிகள் தெரிவித்துள்ளனர் .

சில மாதங்களுக்கு முன்னர்_கொல்லம் அருகே கடல்பகுதியில் 2 மீனவர்களை இத்தாலி கப்பலில் வந்த படையினர் சுட்டுகொன்றனர். இதனையடுத்து கொலைவழக்கு பதிவு செய்து இரு இத்தாலியினர் கைதுசெய்யப்பட்டு சிறையில் அடைக்கபட்டனர். இத்தாலியர்களை மீட்க அந்நாட்டு அரசு கடும்முயற்சி மேற்கொண்டது . பலியான மீனவர் குடும்பத்துக்கு தலா ஒருகோடி வழங்குவதாக பேரம் பேசி முடிக்கபட்டது. இதில் முதல் கட்டமாக 30லட்சம் வரை வழங்கப்பட்டு விட்டது.

இந்த வழக்கு இன்று சுப்ரீம்கோர்ட்டில் விசாரணைக்கு வந்தது. வழக்கை விசாரனை செய்த நீதிபதிகள் இது தங்களுக்கு மனவேதனையை தருகிறது , இதை அனுமதிக்க முடியாது இதை போன்ற புதிய நடைமுறையை நிறை வேற்றுவது தவறானது. இந்திய சட்ட மைப்புகளுடன் இத்தாலி விளையாடவேண்டாம் , கேரளஅரசு இதனை எப்படி ஏற்று கொண்டது என கேள்வி எழுப்பினர். இந்த மனுமீதான உத்தரவு நாளை அறிவிக்கபடும் என தெரிவித்தனர். இதனால் இத்தாலியினர் விடுதலை செய்யபடுவதில் சிக்கல் ஏற்பட்டுள்ளது.

Tags:

Leave a Reply