புதுவை திமுக சட்டமன்றக்கட்சி தலைவர் சிவா மற்றும் ‘இலக்கியவாதி’, ‘தமிழ் பற்றாளர்’ என தம்பட்டம் அடித்துக் கொள்ளும் சுப.வீரபாண்டியன் ஆகியோர் அரசியல் வரம்புமீறி அநாகரிகத்தோடு தேசியஜனநாயக கூட்டணியின் முதல்வர் ரங்கசாமியை பற்றியும், பாஜகவைப் பற்றியும் தரம்தாழ்ந்து தொடர்ந்து விமர்சித்து வருவது கண்டனத்துக் குரியது.

புதுச்சேரியில் காங்கிரஸ்- திமுக கூட்டணியை தேர்தல்மூலம் புதுச்சேரி மக்கள் விரட்டியடித்த பிறகும், தொடர்ந்து வீண் விதண்டாவாதம் பேசி, இருவரும் தரம்தாழ்ந்து அரசியல் விமர்சனம் செய்வதை நிறுத்திக்கொள்ள வேண்டும்.

356வது சட்டப்பிரிவின் மூலம், ஆளுநர் மூலம், சபாநாயகர் மூலம், ஆட்சியைக் கவிழ்ப்பதில் அகில இந்தியளவில் கின்னஸ் சாதனைபுரிந்த காங்கிரஸ் கட்சியுடன் கைகோர்த்துக் கொண்டு, ஜனநாயகத்தைப் பற்றி திமுக பேசுவது கேலிக் கூத்தாக உள்ளது. 1990 ம் ஆண்டு ஆட்சியமைக்க பெரும்பான்மை இல்லாமல் அல்லாடிக் கொண்டிருந்த திமுக கூட்டணி, நள்ளிரவில் நியமன சட்டமன்ற உறுப்பினர்களை பதவியேற்கவைத்து, ஆட்சி அதிகாரப்பசியை குறுக்கு வழியில் தீர்த்துக்கொண்டதை மக்கள் மறக்கவில்லை.

தேசிய ஜனநாயக கூட்டணியின் முதல்வர் ரங்கசாமி மக்கள் நலத்திட்டங்களை தொய்வில்லாமல் தொடர்ந்து செய்துவருகிறார். அமைச்சரவை விரிவாக்கம் சம்பந்தமாக நடைபெறும் எங்கள் கூட்டணியின் பேச்சு வார்த்தையில் தேவையில்லாமல் திமுக மூக்கை நுழைக்கிறது.

தேசிய ஜனநாயக கூட்டணிமீது அபாண்டமாக குற்றம் சுமத்தி, குறுக்கு வழியில் பதவி பெறலாம் என்கிற குறுகிய எண்ணத்தோடு முதல்வரையும், பாஜகவையும் விமர்சனம்செய்கிற சிவாவின் பகல் கனவு என்றும் பலிக்காது என்று குறிப்பிட்டுள்ளார்.

Comments are closed.