தவெக விஜய் பாஜக கூட்​ட​ணி​யில் இணை​வார் என்ற தமிழக சட்​டப்பேர​வைத் தலை​வரின் ஆசை நிறைவேறும் என்று பாஜக மாநிலத்தலை​வர் நயி​னார் நாகேந்​திரன் கூறி​னார்.

சுதந்​திரப் போராட்ட வீரர் வ.உ.சிதம்​பர​னாரின் 89-வது நினைவு தினத்​தையொட்​டி, நெல்​லை​யில் உள்ள அவரது மணிமண்​டபத்​தில் வஉசி சிலைக்கு மாலைஅணி​வித்து மரி​யாதை செலுத்​திய நயி​னார் நாகேந்​திரன், பின்​னர் செய்​தி​யாளர்​களிடம் கூறிய​தாவது: சுதந்​திரப்போராட்ட வீரர்​களை கவுர​வப்​படுத்​து​வ​தில் பிரதமர் மோடி முதல் நபராக உள்​ளார்.

அறி​வுத் திரு​விழா என்ற பெயரில் நிகழ்ச்​சியை நடத்​தி​விட்​டு, அதற்கு எதி​ராகவே திமுக​வினர் பேசி​யிருக்​கிறார்​கள். நாட்டு மக்​கள் நலனுக்​காக திமுக​வினர் உச்சநீதி​மன்​றம் செல்​வ​தில்​லை.

கடந்த 5 ஆண்​டு​களாகவே மத்​திய அரசுக்கு எதி​ராக தமிழக அரசு போராடி கொண்​டிருக்​கிறது. வாக்​காளர்பட்​டியல் திருத்​தப் பணி​களை எதிர்த்து வரு​வாய்துறை​யினர் தமிழகத்​தில் போராட்​டம் நடத்​துகிறார்​கள்.

இந்​தப் போராட்​டத்தை திமுக அரசு​தான் தூண்​டி​விட்​டுள்​ளது. ஆர்​எஸ்​எஸ் சித்​தாந்​தத்​துடன் செயல்​படும் விஜய், பாஜக கூட்​ட​ணி​யில் இணை​வார் என்று சட்​டப் ​பேர​வைத் தலை​வர் தெரி​வித்​துள்​ளார். அவரது விருப்​பம் நிறைவேறும். தேசிய ஜனநாயக கூட்​ட​ணி​யில் மற்ற கட்​சிகளைசேர்ப்​பது தொடர்​பாக ஜனவரி​யில் பேசி முடிவு எடுக்​கப்​படும்.

பலமான கூட்​ட​ணி​யால் மட்​டுமே ஆட்​சியை பிடித்​து​விடமுடி​யாது. இதற்கு முந்​தைய கால​கட்​டங்​களில் வலு​வான கூட்​டணி அமைத்​திருந்த கட்​சிகள்​கூட தோல்​வியை சந்​தித்​துள்​ளன. மக்​கள்நலனில் திமுக அரசுக்கு அக்​கறை​யில்​லை. துணை முதல்​வர் உதயநி​தியை முதல்​வர் ஆக்​கு​வதற்கு திமுக முயற்சிசெய்து கொண்​டிருக்​கிறது. இவ்​வாறு நயி​னார் நாகேந்​திரன் கூறி​னார்​.