கேரளா கடன் 10 ஆண்டுகளில் 3 மடங்கு உயர்ந்தது என பிரதமர் நரேந்திர மோடி பாலக்காட்டில் குற்றச்சாட்டு. “ஒருவர் ஊழல்வாதி என்றால், மற்றொருவர் மகா ஊழல்வாதி; ஒருவர் வகுப்புவாதி என்றால், மற்றொருவர் மகா வகுப்புவாதி” என்று அவர் விமர்சித்தார்.

கேரளா கடந்த பல தசாப்தங்களாக இடதுசாரி முன்னணி, காங்கிரஸ் கூட்டணி ஆகிய இரு சுயநல அரசியல்வாதிகளுக்கு இடையே சிக்கித் தவிப்பதாக பிரதமர் நரேந்திர மோடி குற்றஞ்சாட்டினார்.
சட்டமன்றத் தேர்தலையொட்டி, கேரளாவின் பாலக்காட்டில் நடைபெற்ற தேசிய ஜனநாயக கூட்டணியின் பொதுக்கூட்டத்தில் கலந்துகொண்டு பேசிய அவர், வளைகுடா நாடுகளில் நிலவும் அசாதாரண சூழலை அரசியல் ஆதாயத்துக்கு காங்கிரஸ் பயன்படுத்துவதாக விமர்சித்தார்.

“ஒருவர் ஊழல்வாதி என்றால், மற்றொருவர் மகா ஊழல்வாதி; ஒருவர் வகுப்புவாதி என்றால், மற்றொருவர் மகா வகுப்புவாதி” என்று அவர் விமர்சித்தார். மேலும், கேரளாவின் கடன் கடந்த பத்து ஆண்டுகளில் மூன்று மடங்கு அதிகரித்து, தற்போது 5 லட்சம் கோடி ரூபாயைக் கடந்துள்ளதாக பிரதமர் சுட்டிக்காட்டினார்.

அதேபோல் வெளிநாட்டில் வசிக்கும் சுமார் 1 கோடி இந்தியர்களின் உயிரைப் பணயம் வைத்து, காங்கிரஸ் கட்சி ஆபத்தான கருத்துக்களைக் கூறி அரசியல் ஆதாயம் தேட முயல்கிறது. முன்னதாக, கேரளாவின் பாரம்பரிய இசைக்கருவியான ‘செண்டை மேளம்’ கொட்டி பிரதமர் மோடி தொண்டர்களை உற்சாகப்படுத்தினார். மேலும், ரோட் ஷோ சென்ற பிரதமர் மோடிக்கு வழிநெடுகிலும் உற்சாக வரவேற்பு அளிக்கப்பட்டது.