மோடி பல போராட்டங்களால் புடம்போடப்பட்டவர்

பிரதமர் நரேந்திர மோடி, மக்கள் பிரதிநிதியாகத் தன் தொடர்ச்சியான 25 ஆண்டுகாலப் பணியை நிறைவு செய்கிறார்—அரசியல் வரலாற்றில் இது ஓர் அரிய மைல்கல். அக்டோபர் 7, 2001 முதல் மே 21, 2014 வரை குஜராத் முதலமைச்சராகவும், மே 26, 2014 முதல் இந்தியப் பிரதமராகவும் அவர் ஆற்றிய பணி, ஜனநாயக அமைப்பில் எவரும் எளிதில் எட்ட முடியாத வரலாற்றுச் சாதனையாகும்.
சிங்கப்பூரின் லீ குவான் யூ (31 ஆண்டுகள்), ரஷ்யாவின் விளாடிமிர் புடின் (27+ ஆண்டுகள்), பெலாரசின் அலெக்சாண்டர் லுகாஷென்கோ (31+ ஆண்டுகள்), ருவாண்டாவின் பால் ககாமி (26+ ஆண்டுகள்) போன்ற தலைவர்கள் நீண்ட காலம் ஆட்சி செய்திருந்தாலும், அவை இந்திய ஜனநாயகத்தின் பிரம்மாண்டத்துடனும் இயல்புடனும் ஒப்பிடக்கூடியவை அல்ல. இந்தியாவிற்குள் பவன் சாம்லிங் (சிக்கிம் – 24 ஆண்டுகள் 165 நாட்கள்), நவீன் பட்நாயக் (ஒடிசா – 24 ஆண்டுகள் 99 நாட்கள்), ஜோதி பாசு (மேற்கு வங்கம் – 23 ஆண்டுகள் 137 நாட்கள்), கெகாங் அபாங் (அருணாச்சலப் பிரதேசம் – 22 ஆண்டுகள் 250 நாட்கள்), லால் தன்ஹாவ்லா (மிசோரம் – 22 ஆண்டுகள் 60 நாட்கள்) மற்றும் மாணிக் சர்க்கார் (திரிபுரா – 20 ஆண்டுகள்) ஆகியோர் நீண்ட காலம் முதலமைச்சர்களாக இருந்திருக்கிறார்கள். ஆனால், மாநில அளவிலும் தேசிய அளவிலும் தொடர்ச்சியாக இத்தகைய வெற்றிகளைக் குவித்து மோடி படைத்துள்ள சாதனை தனித்துவமானது.
வாரிசு அரசியலின் மூலம் அதிகாரத்திற்கு வந்த நேரு, இந்திரா, ராஜீவ் போன்ற தலைவர்களைப் போலன்றி, நரேந்திர மோடி அடித்தள நிலையில் இருந்து மக்கள் தலைவராகப் போராடி வளர்ந்தவர். நேரு 1952, 1957, 1962 ஆகிய மூன்று தேர்தல்களில் வென்றார்; இந்திரா காந்தி 1967, 1971 ஆகிய தேர்தல்களில் வென்றார். 1984-இல் ஆட்சிக்கு வந்த ராஜீவ் காந்தியால் 1989-இல் ஆட்சியைக் தக்கவைக்க முடியவில்லை. வாஜ்பாய் 1998, 1999 ஆகிய தேர்தல்களில் வென்றாலும் 2004-இல் தோல்வியைத் தழுவினார். மன்மோகன் சிங்கும் 2004, 2009 ஆகிய தேர்தல்களில் வென்ற பிறகு 2014-இல் தோல்வியடைந்தார்.
ஆனால், நரேந்திர மோடியின் அரசியல் பயணமோ முற்றிலும் வேறுபட்டது.
குஜராத் சட்டமன்றத் தேர்தல்களில் 2002, 2007, 2012 என மூன்று முறை தொடர்ச்சியாக வெற்றி பெற்ற அவர், அதன்பின் 2014, 2019, 2024 ஆகிய மூன்று நாடாளுமன்றப் பொதுத்தேர்தல்களிலும் பாஜகவை வெற்றிப் பாதையில் அழைத்துச் சென்று பிரதமரானார். அதே நேரத்தில், அவருடைய சொந்த மாநிலமான குஜராத்தில் 1995 முதல் பாஜக தொடர்ந்து ஆட்சியைத் தக்கவைத்து, 2017 மற்றும் 2022 தேர்தல்களிலும் வெற்றி பெற்று முப்பதாண்டுகளுக்கும் மேலாகப் பலம் வாய்ந்த கோட்டையாகத் திகழ்கிறது.
இந்த 25 ஆண்டுகாலப் பயணம் மோடிக்கு எளிதான ஒன்றாக இருக்கவில்லை. 1995 குஜராத் சட்டமன்றத் தேர்தலில் பாஜகவின் வரலாற்றுச் சிறப்புமிக்க வெற்றிக்கு அவரே முக்கியப் பின்னணியாக இருந்தார். அதற்கு முன்பே, எல்.கே. அத்வானியின் ரத யாத்திரை (1990) மற்றும் முரளி மனோகர் ஜோஷியின் ஏக்தா யாத்திரை (1992-93) ஆகியவற்றை வெற்றிகரமாக ஒருங்கிணைத்துத் தன் தொலைநோக்குத் திறனை நிரூபித்திருந்தார். பயங்கரவாத அச்சுறுத்தல்களுக்கு இடையே, ஜனவரி 26, 1993 அன்று ஸ்ரீநகரின் லால் சௌக்கில் ஜோஷி-மோடி இணையர் தேசியக் கொடியை ஏற்றிய காட்சி மக்கள் மனதில் நீங்காத இடம் பிடித்தது. 1997-இல் தேசிய அரசியலுக்குச் சென்ற அவர், 2001-இல் குஜராத் பாஜகவின் செல்வாக்கை மீண்டும் உயர்த்த முதலமைச்சராகத் திரும்பினார்.
பொறுப்பேற்ற உடனேயே, 2001-ஆம் ஆண்டின் பேரழிவை ஏற்படுத்திய பூகம்பத்திற்குப் பிந்தைய பிரம்மாண்டமான மறுசீரமைப்புப் பணிகள் அவர் முன் நின்றன. அதைத் தொடர்ந்து கோத்ரா ரயில் எரிப்பும், அதன் தொடர்ச்சியாக நடந்த கலவரங்களும் உலகம் முழுவதும் பெரும் எதிர்மறைப் பிரச்சாரங்களை உருவாக்கின. மோடியின் பதவி விலகலை வலியுறுத்தி உள்நாட்டிலும் வெளிநாட்டிலும் எழுந்த கடும் அழுத்தங்களை அன்றைய பிரதமர் வாஜ்பாயும் அத்வானியும் எதிர்கொள்ள வேண்டியிருந்தது.
ஆனால், இந்த எதிர்ப்புகளுக்கும் அவதூறுகளுக்கும் மோடி அளித்த பதில்—நல்லாட்சியும், விரைவான வளர்ச்சிப் பணிகளுமே ஆகும். மிக விரைவிலேயே அவர் “விகாஸ் புருஷ்” (வளர்ச்சி நாயகன்) என்று போற்றப்பட்டார். அவரது ஆட்சியில் குஜராத்தின் உள்நாட்டு உற்பத்தி (GDP) தொடர்ந்து 10 சதவீத வளர்ச்சியைக் கண்டது. 2000-ஆம் ஆண்டில் 10 பில்லியன் டாலராக இருந்த மாநிலத்தின் பொருளாதாரம் 2014-இல் 151 பில்லியன் டாலராக உயர்ந்தது. இதன் காரணமாகவே 2007, 2012 தேர்தல்களில் அவர் கூடுதல் இடங்களைக் கைப்பற்றி அபார வெற்றி பெற்றார். மோடி மீதான தனிப்பட்ட தாக்குதல்களைக் குறித்துக் குறிப்பிட்ட அத்வானி, “நேர்மையும், துணிச்சலும், திறமையும் கொண்ட ஒரு தலைவர் மக்கள் ஆதரவுடன் எத்தகைய அவதூறுகளையும் முறியடிக்க முடியும் என்பதற்கு மோடியே சான்று” என்று பாராட்டியிருந்தார்.
அவர் பிரதமரான பிறகும் இந்த அவதூறுகள் குறைந்தபாடில்லை. ஆனால், மீண்டும் நல்லாட்சியின் மூலமே அதற்குப் பதிலளித்த மோடி, 2014-இல் 2 டிரில்லியன் டாலராக இருந்த இந்தியாவின் பொருளாதாரத்தை இன்று 4.3 டிரில்லியன் டாலராக உயர்த்தியுள்ளார்.
மக்களின் நம்பிக்கையைப் பெற்ற சுயசார்பு மிக்கத் தலைவரான மோடியை எதிர்கொள்ள இயலாமல், எதிர்க்கட்சிகள் வாக்குப்பதிவு முறையின் மீது ‘வாக்குத் திருட்டு’ போன்ற குற்றச்சாட்டுகளைச் சுமத்தி வருகின்றன. ஆனால், வரலாற்றுப் பக்கங்களை அவர்கள் மறந்துவிடுகிறார்கள். 1975-இல் இந்திரா காந்தி தேர்தல் முறைகேடுகளுக்காகக் குற்றவாளியாக அறிவிக்கப்பட்டவர். 1993-இல் நரசிம்ம ராவ் நம்பிக்கையில்லா வாக்கெடுப்பில் வெல்ல எம்பிக்களுக்குப் பணம் கொடுத்ததாகக் குற்றம் சாட்டப்பட்டார்.
அவசரநிலைக் காலத்தில் தவறாக நடந்துகொண்டதற்காக ஷா ஆணையத்தால் “எந்தப் பொதுப் பதவியையும் வகிக்கத் தகுதியற்றவர்” என்று அறிவிக்கப்பட்ட நவீன் சாவ்லாவை, மன்மோகன் சிங் அரசு தேர்தல் ஆணையராக நியமித்தது. அவர் காங்கிரஸ் கட்சிக்கு சாதகமாகச் செயல்பட்டதாக அப்போதைய தலைமைத் தேர்தல் ஆணையர் கோபாலசுவாமி, குடியரசுத் தலைவர் பிரதீபா பாடிலுக்கு 92 பக்க ரகசியக் குறிப்பை அனுப்பி 12 ஆதாரங்களைச் சுட்டிக்காட்டினார். ஆனால், UPA அரசு அவரைத் தலைமைத் தேர்தல் ஆணையராகவே உயர்த்தியது. இப்படிப்பட்ட பின்னணி கொண்டவர்கள் இன்று குற்றம் சாட்டுவது நகைப்பிற்குரியது.
எதிர்க்கட்சிகளின் இலக்கு நரேந்திர மோடி மட்டுமே. ஆனால், பல போராட்டங்களில் புடம்போடப்பட்ட தலைவர் அவர் என்பதை அவர்கள் மறக்கிறார்கள். இத்தகைய தந்திரங்கள் அனைத்தும் “அனுமனின் முன்னால் வாலை ஆட்டுவதற்குச் சமமானவை.”
நன்றி ராம் மாதவ் 
பாஜக தேசிய பொது செயலர்

Comments are closed.

Tamilthamarai

தற்போதைய செய்திகள்

அமைதி போராட்டத்திற்கும்,சட்டங௠...

அமைதி போராட்டத்திற்கும்,சட்டங்களை மீறுபவர்களுக்கும் வித்தியாசம் உண்டு அண்ணாமலை அவர்களின் கேள்விகள், அமைதியான போராட்டத்திற்கும், திட்டமிட்ட ரீதியில் ...

இந்​தி​யா​வுக்கு எதிரான சக்​தà® ...

இந்​தி​யா​வுக்கு எதிரான சக்​தி​களை தோற்​கடிக்க வேண்​டும் இந்தியாவுக்கு எதிரான சக்திகளை தோற்கடிக்கவேண்டும் என்று பிரதமர் நரேந்திர ...

கருத்து வேறுபாட்டிற்கும் அராஜà® ...

கருத்து வேறுபாட்டிற்கும் அராஜகத்திற்கும் இடையிலான வேறுபாடு ஒரு ஜனநாயகத்தில் கருத்து வேறுபாட்டை வெளிப்படுத்தலாம், ஆனால் அந்தக் ...

விரத நாட்களின் பலன்கள்

விரத நாட்களின் பலன்கள் ஒரு நாள், மூன்று நாட்கள், ஐந்து நாட்கள், ஏழு ...

கலசத்திற்கு எந்த உலோகத்தைப் பயà ...

கலசத்திற்கு எந்த உலோகத்தைப் பயன்படுத்த வேண்டும்?   கலச ஸ்தாபன விதிகள்: நவராத்திரியில் கவனிக்க வேண்டிய 6 ...

கலச ஸ்தாபனம் எப்போது செய்ய வேண் ...

கலச ஸ்தாபனம் எப்போது செய்ய வேண்டும்? பிரபல ஜோதிடர் ஸ்ரீ விமல் ஜெயின் கூறுகையில்: அதிகாலை ...

மருத்துவ செய்திகள்

நன்னாரியின் மருத்துவ குணம்

நன்னாரி வேரைப் பொடியாக வெட்டிக் கைப்பிடியளவும், கைப்பிடியளவு கொத்து மல்லி விதையையும் ஒரு ...

அமுக்கிரா கிழங்கு

இதன் இலையை உண்டால், உடல் வெப்பம் நீங்கும், காய் உண்டால் சிறு நீர் ...

சின்னம்மை ( நீர்க்கோளவான் )

சின்னம்மைக்கு காரணம் 'வேரிசெல்லா' என்கிற வைரசாகும், இது காற்றின் மூலம் பரவ கூடியது. ...