லோக்சபா தேர்தலுக்கான முதல்வேட்பாளர் பட்டியலை பாஜக., வெளியிட்டுள்ளது. முதல் கட்டமாக 54 இடங்களுக்கான வேட்பாளர்களின் பெயர்கள் அறிவிக்கப்பட்டுள்ளன.

டில்லியில் நடந்த பாஜக., மத்திய தேர்தல் கமிட்டியின் ஆலோசனைக்குப் பின் இந்தபட்டியல் வெளியிடப்பட்டுள்ளது. இந்த பட்டியலின் படி, கட்சியின் முன்னாள் தலைவர் நிதின்கட்காரி, நாக்பூர் தொகுதியிலிருந்து போட்டியிடுகிறார். கோபிநாத் முண்டே மகாராஷ்டிர மாநிலம் பீட்தொகுதியிலிருந்தும், யுவமோர்ச்சா தலைவர் அனுராக்தாகூர் ஹமீர் புர் தொகுதியிலிருந்தும் போட்டியிடுகின்றனர்.

பாஜக., நேற்று வெளியிட்ட வேட்பாளர்பட்டியலில் இரண்டு முஸ்லிம் வேட்பாளர்களின் பெயரும் இடம் பெற்றுள்ளன. குலாம் முகமதுமிர் ஜம்மு காஷ்மீர் மாநிலம் பாரமுல்லா தொகுதியிலிருந்தும், முஷ்டாக் அகமதுமாலி அனந்த் நாக் தொகுதியிலிருந்தும் போட்டியிடுகின்றனர். மொத்தமுள்ள 54 வேட்பாளர்களில் தலா 17பேர், மகாராஷ்டிரா மற்றும் மேற்கு வங்கத்திலிருந்தும், ஆறுபேர் ஒடிசாவிலிருந்தும்,

5 பேர் ஜம்முகாஷ்மீர் மாநிலத்திலிருந்தும், 3பேர் இமாச்சல பிரதேசத்திலிருந்தும், தலா 2 பேர் கோவா, மணிப்பூர் மற்றும் அருணாச்சல பிரதேசத்திலிருந்தும் போட்டியிடுகின்றனர்.