மத்திய பா.ஜ.க அரசு நேர்மையான சிறந்த நிர்வாகத்தை செயல்படுத்த நடவடிக்கை எடுத்து வருகிறது . இதன் ஒரு அம்சமாகவே மத்திய மந்திரிகளுக்கும், பா.ஜ.க எம்.பி.க்களுக்கும் பல்வேறு கட்டுப்பாடுகள் விதிக்கப்பட்டுள்ளன.

பா.ஜ.க.,வில் 150–க்கும் அதிகமான எம்.பி.,க்கள் புதுமுகங்கள். இவர்களுக்கு பயிற்சிவகுப்புகள் நடத்தப்பட்டு எவ்வாறு செயல்பட வேண்டும் என்று சொல்லிக் கொடுக்கப்பட்டது.

பாராளுமன்றம் மற்றும் டெல்லி மேல்சபை என மொத்தம் 320 பேர் பா.ஜ.க எம்.பி.க்கள். இவர்களுக்கும் மக்களுக்கும் நேரடிதொடர்பு உள்ளதால் பா.ஜனதா எம்.பி.க்கள் சிறப்பாக செயல்பட வேண்டும் என்று பிரதமர் மோடியும் கட்சி மேலிடமும் விரும்புகிறது.

எனவே, பா.ஜ.க எம்.பி.க்களின் செயல் பாடுகளை கண்காணித்து அறிக்கை தயாரிக்கப்பட உள்ளது. பாராளுமன்ற கூட்டத்திற்கு எம்.பி.க்களின் வருகை, கேள்விகேட்பது, விவாததிறமை ஆகியவை எப்படி இருந்தன என்பதற்கு ஏற்க மதிப்பெண்கள் வழங்க முடிவுசெய்யப்பட்டுள்ளது.

கூட்டம் நடைபெறாத நாட்களிலும் எம்பி.க்களின் செயல்பாடுகள், பொதுமக்களுடன் உள்ள தொடர்பு, பொதுநலன் பற்றிய செயல்பாடு ஆகியவை பற்றியும் ஆய்வுசெய்யப்படும்.

சிறப்பாக செயல்படும் எம்.பி.க்களுக்கு மத்திய மந்திரிபதவி வழங்குவும் திட்டமிடப்பட்டுள்ளது பாராளுமன்ற முக்கியவிவாதத்தில் பங்கேற்க அனுமதி மற்றும் முக்கிய பதவிகள் வகிக்கவும் வாய்ப்பளிக்கப்பட இருக்கிறது.

பிரதமர் மோடி, பா.ஜ.க தலைவர் அமித்ஷா ஆகியோர் இணைந்து இந்தமுடிவை எடுத்துள்ளதாக தககவல்கள் வெளியாகியுள்ளன.