மகாராஷ்டிரா மாநிலம் பல்கார் பகுதியில் நேற்று பிரதமர் நரேந்திர மோடி பிரசாரம்செய்தார். அப்போது அவர் பல்கார் மாவட்டத்தை முழுவளர்ச்சி பெற்ற மாவட்டமாக மாற்றுவதே பாஜக.,வின் குறிக்கோள் என்றார்.

இதுபுதிதாக உருவாக்கப்பட்ட மாவட்டம் என்பதால் இந்தமாவட்டத்துக்கு முழுமையான ஆதரவு தேவைப்படும். முழு பெரும் பான்மையுடன் பாஜக அரசை தேர்ந்தெடுங்கள் இந்த மாவட்டத்தை சிறந்த மாவட்டமாக உருவாக்குகிறோம். எங்கள் நோக்கம் 2022ம் ஆண்டில் நாட்டில் உள்ள ஒவ்வொரு குடும்பத்துக்கும் வீடுவழங்க வேண்டும் என்பது தான். காங்கிரஸ் தலைவர்கள் நான் கடந்த 60 நாட்களில் என்ன செய்தேன் என கேள்வி எழுப்புகிறார்கள்.

நாட்டை 60 ஆண்டுகளாக ஆண்டகாங்கிரஸ் நாட்டிற்கு என்ன செய்துள்ளது. மீனவர்கள் பிரச்னை குறித்து பாகிஸ்தான், பிரதமர் நவாஸ் ஷெரீப்பிடம் பேசியுள்ளேன். இதன் காரணமாக, கடந்த பத்து ஆண்டுகளில் முதல்முறையாக 50 படகுகளை பாகிஸ்தான் விடுவித்துள்ளது. பொது மக்களாகிய நீங்கள் தான் எனது எஜமானர்கள். எனது அரசுசெய்யும் ஒவ்வொரு காரியத்திற்கும் நான் உங்களுக்கு பதில்சொல்லியாக வேண்டும். என்று பேசினார்.