தமிழக சட்டமன்ற தேர்தலில் பா.ஜ.க.,வின் வெற்றிக்கு ஐ.டி. பிரிவு தொண்டர்கள் முக்கிய பங்காற்றுவார்கள். நாட்டில் சமூக வலைதளங்கள் அதிகமாக பயன்படுத்தப்படுகின்றன. பா.ஜ.,வும், இதன் மூலம் மக்களை நேரடியாக தொடர்பு கொள்ள உள்ளது பா.ஜ.க அரசின் சாதனைகளையும், அரசு கொண்டுவந்த திட்டங்களின் பயன்களையும் மக்களிடம் எடுத்துக் கூறவுள்ளது.

சட்ட மன்ற தேர்தலில் அதிமுக.வுடன் கூட்டணி அமைப்போம் என்று நாங்கள் ஒருபோதும் கூறவில்லை. அதற்கான தளங்கள் இன்னும் உருவாகவில்லை. காமராஜர் விழா வினை கொண்டாட பா.ஜ.க.,விற்கு தகுதி இல்லை என்று ஈ.வி.கே.எஸ்.இளங்கோவன் கூறியதற்கு நான் கண்டனம் தெரிவித்துகொள்கிறேன்.

நாட்டிற்கு உழைத்தவர்கள், நல்லாட்சி தந்தவர்களை பா.ஜ.க மதிக்கும், துதிக்கும். அந்தவகையில் பா.ஜ.க காமராஜரை துதிக்கிறது. கார்த்தி ப.சிதம்பரம் காமராஜர் பெயரை பயன் படுத்தினால் வெற்றிப் பெறமுடியாது என்று கூறியிருந்தார். இதையெல்லாம் வைத்து பார்க்கும் போது காங்கிரசார்தான் காமராஜர் பெயரை உச்சரிக்க உரிமை இல்லை"

பாஜக தொண்டர்களுக்கான சமூக ஊடகப் பயிலரங்கு சென்னை தியாகராயநகரில் உள்ள ராமகிருஷ்ண மிஷன் பள்ளியில் பாஜக தகவல் தொழிநுட்ப பிரிவால் ஞாயிற்றுக்கிழமை நடத்தப்பட்டது இதில் கலந்துகொண்டு பாஜக மாநிலத் தலைவர் தமிழிசை சௌந்தர்ராஜன் பேசியது