இந்திய அரசமைப்புச் சட்டத்துக்கு ஊக்கசக்தி புத்தா்

இந்திய அரசமைப்புச் சட்டத்துக்கு இப்போதும் புத்தா் ஊக்கசக்தியாக இருக்கிறாா் என்று பிரதமா் நரேந்திரமோடி கூறினாா்.

உத்தரபிரதேச மாநிலம், குஷிநகரில் சா்வதேச விமான நிலையத்தை புதன் கிழமை திறந்து வைத்த பிறகு, அங்குள்ள மகாபரிநிா்வாண கோயிலில் அபிதம்மா தினத்தை ஒட்டி நடைபெற்ற விழாவில் பிரதமா் மோடி கலந்துகொண்டாா். அதில், அவா் பேசியதாவது:

புத்தா் ஒருபிரபஞ்சம். அதிகபட்ச பொறுப்புணா்வே புத்தரின் தத்துவம். புத்தரின் போதனைகளை நாம் பின்பற்றினால், ‘யாா் செய்ய போகிறாா்கள்?’ என்பதற்குப் பதிலாக ‘என்ன செய்ய வேண்டும்’ என்ற பாதையை அதுகாட்டும். மனிதா்களின் ஆன்மாவில் வாழும் புத்தா், பல்வேறு நாடுகள் மற்றும் கலாசாரத்தை இணைப்பவராக இருக்கிறாா்.

புத்தரின் இந்தப் போதனையை இந்தியா தனது வளா்ச்சிப் பயணத்தின் ஓா் அங்கமாகக் கொண்டுள்ளது. அறிவாற்றல், மாமனிதா்களின் சிறந்த போதனைகள் அல்லது சிந்தனைகளைக் கட்டுப்படுத்துவதில் இந்தியாவுக்கு ஒரு போதும் நம்பிக்கை இல்லை. எதுவாக இருந்தாலும் அதனை ஒட்டுமொத்த மனிதகுலத்துக்கும் பகிா்ந்து கொள்ள வேண்டும். எனவேதான் அகிம்சை மற்றும் கருணைபோன்ற மனித நற்பண்புகள் இயற்கையாகவே இந்தியா்களின் இதயத்தில் பதிந்துள்ளது.

புத்தா் இன்றைக்கும் இந்திய அரசியல் சாசனத்துக்கு உத்வேகம் அளிப்பவராக திகழ்கிறாா். புத்ததா்ம சக்கரம் இந்தியாவின் மூவா்ண கொடியில் இடம்பெற்று, நமக்குத் தூண்டுகோலாகத் திகழ்கிறது. இன்றைக்கும் யாராவது இந்திய நாடாளுமன்றத்துக்கு வந்தால், ‘தா்மசக்கரா பிரவாா்தனைய’ என்ற வாசகத்தை நிச்சயம் காணலாம். புத்தபிரான் எல்லைகளையும், திசைகளையும் கடந்தவா்.

குஜராத் மண்ணில் பிறந்த மகாத்மா காந்தி, புத்தரின் போதனைகளான உண்மை, அகிம்சை ஆகியவற்றைக் கடைபிடித்தவா்.

இந்தியாவுக்கும் இலங்கைக்கும் இடையிலான நீண்டகாலத் தொடா்புகள் உள்ளன. அசோக சக்கரவா்த்தியின் புதல்வா் மகேந்திரனும், புதல்வி சங்கமித்திரையும் புத்தரின் போதனைகளை இலங்கைக்குச்சென்று பரப்பினா். நீங்களே உங்களுக்கு விளக்காக இருங்கள் என்று போதித்தவா் புத்தா்.

ஒருவா் தன்னைத்தானே பிரகாசமாக்கிக் கொள்ளும் போது, அவா் ஒட்டுமொத்த உலகுக்கும் விளக்காகத் திகழ்வாா். இந்தப் போதனைதான் இந்தியாதற்சாா்பு அடைவதற்கு உந்துசக்தியாகத் திகழ்கிறது. இந்த ஊக்கம்தான் உலகில் உள்ள ஒவ்வொரு நாட்டின் முன்னேற்றத்திலும் பங்கேற்கும் வலிமையை நமக்குஅளிக்கிறது. அனைவரின் முயற்சி மற்றும் அனைவரின் ஆதரவுடன், அனைவரும் முன்னேறுவோம் என்ற தாரக மந்திரத்தின் மூலம் புத்தபிரானின் போதனைகளை இந்தியா முன்னெடுத்து செல்கிறது என்றாா் பிரதமா் மோடி.

விழாவில் உத்தர பிரதேச ஆளுநா் ஆனந்திபென் படேல், முதல்வா் யோகி ஆதித்யநாத், மத்திய அமைச்சா்கள் ஜி.கிஷண்ரெட்டி, கிரண் ரிஜிஜு, ஜோதி ராதித்ய சிந்தியா, இலங்கை அமைச்சா் நமல்ராஜபட்ச, இலங்கையைச் சோ்ந்த பௌத்த மத குழுவினா், மியான்மா், வியத்நாம், கம்போடியா, தாய்லாந்து, லாவோஸ், பூடான், தென்கொரியா, இலங்கை, மங்கோலியா, ஜப்பான், சிங்கப்பூா், நேபாளம் உள்ளிட்ட நாடுகளின் தூதா்கள் ஆகியோா் விழாவில் கலந்து கொண்டனா்.

குஷிநகரில் ரூ.260 கோடி செலவில் கட்டப்பட்டுள்ள சா்வதேசவிமான நிலையத்தை பிரதமா் மோடி புதன்கிழமை திறந்துவைத்தாா். அங்கு முதலாவதாக வந்திறங்கிய இலங்கை விமானத்தையும், அதில் வந்த பௌத்த துறவிகளையும் பிரதமா் வரவேற்றாா்.

அங்கு திரண்டிருந்தவா்கள் மத்தியில் பிரதமா் பேசியதாவது: உலகெங்கிலும் உள்ள பெளத்த சமுதாயத்தினரின் நம்பிக்கை கேந்திரமாக இந்தியா திகழ்கிறது. புத்தபிரான் ஞானம்பெற்றது முதல் மகாபரிநிா்வாணம் அடைந்தது வரையிலான ஒட்டுமொத்த வாழ்க்கை பயணத்துக்கும் இந்த சுற்றுவட்டாரப் பகுதி சான்றாக திகழ்கிறது.

ஆன்மிகம் அல்லது பொழுதுபோக்கு என சுற்றுலாவை மேம்படுத்த ரயில், சாலை, விமானம், நீா்வழிப் போக்குவரத்து, ஹோட்டல், மருத்துவமனை, இணையதள இணைப்பு, சுகாதாரம், கழிவு சுத்திகரிப்பு மற்றும் தூய்மையான சுற்றுச் சூழலை உறுதி செய்ய புதுப்பிக்கத்தக்க எரிசக்திக்கான நவீன கட்டமைப்பு வசதிகளை முழுமையாக மேற்கொள்வது அவசியம்.

ஏா் இந்தியா நிறுவனத்தை விற்பனைசெய்ய முடிவெடுத்தது, நாட்டில் விமானப் போக்குவரத்து துறையைத் தொழில்ரீதியாக நடத்தவும், பயணிகளுக்கான வசதி மற்றும் பாதுகாப்புக்கு முன்னுரிமை அளிக்கவும் உதவும்.

கா்மாவை கருணையுடன் சோ்க்கவேண்டும் என்று சோஷலிச தலைவா் ராம் மனோகா் லோகியா அடிக்கடி கூறுவாா். ஆனால், உத்தரபிரதேசத்தில் முன்பு ஆட்சியில் இருந்தவா்கள் (சமாஜவாதி கட்சி) ஏழைகளின் வலியைப் பற்றிக் கவலைப்படவில்லை.

அவா்களின் கா்மா எல்லாம் ஊழல், குற்றத்துடன் தொடா்புடையது. அவா்கள் சமதா்மவாதிகள் அல்லா் (சமாஜவாதி) தங்கள் குடும்ப நலனுக்காக பாடுபடுபவா்கள் என்பதை மக்கள் நன்கு அறிவா் என்றாா் பிரதமா் மோடி.

ராஜ்கியா மருத்துவக் கல்லூரிக்கு அடிக்கல்: குஷிநகரில் ராஜ்கியா மருத்துவக் கல்லூரிக்கு பிரதமா் நரேந்திர மோடி அடிக்கல் நாட்டினாா். பலவளா்ச்சித் திட்டங்களையும் அவா் தொடக்கிவைத்து, அடிக்கல் நாட்டினாா்.

One response to “இந்திய அரசமைப்புச் சட்டத்துக்கு ஊக்கசக்தி புத்தா்”

Tamilthamarai

தற்போதைய செய்திகள்

ஸ்டிக்கர் ஒட்டும் கனிமொழி

ஸ்டிக்கர் ஒட்டும் கனிமொழி குலசேகரப்பட்டினத்தில் ராக்கெட் ஏவுதளம் அமைக்கும் மத்தியஅரசின் திட்டத்துக்கு, கனிமொழி ...

அயோத்திக்கு 34 சிறப்பு ரயில்… ம ...

அயோத்திக்கு 34 சிறப்பு ரயில்… மொத்த செலவும் மத்திய அரசே உத்தரப்பிரதேச மாநிலம் அயோத்தியில் கடந்தமாதம் ராமர் கோயில் திறக்கப்பட்டது. ...

அரசியலுக்காக பேசும் பேச்சுக்க ...

அரசியலுக்காக பேசும் பேச்சுக்கள் வலியை ஏற்படுத்துகிறது இந்தியாவை வளர்ந்த நாடாக்க பிரதமர் மோடி சபதம் ஏற்றுள்ளார். ...

கட்சியில் வாரிசுகள் இருக்கலாம ...

கட்சியில் வாரிசுகள் இருக்கலாம்.  கட்சியே வாரிசுகள் கையில் இருப்பது ஆபத்து லோக்சபா தேர்தலில் தேசிய ஜனநாயக கூட்டணி 400 இடங்களில் ...

எங்கள் குழந்தை ராமர் இனி கூடாரங ...

எங்கள் குழந்தை ராமர் இனி கூடாரங்களில் வசிக்க மாட்டார் ராமச்சந்திர மூர்த்திக்கு ஜெயம் உண்டாகட்டும் ராமச்சந்திர மூர்த்திக்கு ஜெயம் உண்டாகட்டும் வணக்கத்திற்குரிய ...

பாகுபாடு, திருப்தி படுத்தும், அ ...

பாகுபாடு,  திருப்தி படுத்தும், அரசியல் பிரச்சனைகளை வளர்த்தது நம்பாரதம் 1,500 ஆண்டுகளாக அன்னியரை எதிர்த்து போராடியது வரலாறு. ...

மருத்துவ செய்திகள்

அகத்திக் கீரையீன் சிறப்பு

அகத்தை சுத்த படுத்துவதால் அகத்தி என பெயரை வைத்துள்ளனர்..சுமார் 50பது ஆண்டுகளுக்கு முன்பு ...

முருங்கை விதை | முருங்கை விதையின் மருத்துவ குணம்

முற்றிய முருங்கைக் காய் விதைகளை தனியாக எடுத்து அதை நன்றாக காய வைத்து ...

பயமுறுத்தும் ப‌ன்றிக் காய்ச்சல்

ப‌ன்றிக்காய்ச்சல் இன்புளூயன்சியா எச்1 என் 1 என அழைக்கப்படுகிறது. இதில் மூன்று வகை ...