காஷ்மீரிலுள்ள பா.ஜ.க கூட்டணி அரசை அகற்ற காங்கிரஸ் திட்டமிடுவதாக மத்திய செய்தி ஒளிபரப்பு துறை அமைச்சர் வெங்கய்ய நாயுடு குற்றம் சாட்டியுள்ளார்.

டெல்லியில் செய்தியாளர்களிடம் பேசிய அவர், காஷ்மீர் விவகாரத்தில் காங்கிரஸ் மூத்த தலைவர்கள் மாறிமாறி பேசிவருவதாக கண்டனம் தெரிவித்துள்ளார். காஷ்மீர் குறித்த காங்கிரஸ் கட்சியின் நிலைப்பாடு என்ன என கேள்வி எழுப்பியவர், முன்னாள் காங்கிரஸ் அமைச்சர் காஷ்மீர் பற்றி ஒருகருத்தை தெரிவித்தார். ஆனால் காங்கிரஸ் கட்சியோ அது தன்னுடைய கருத்துஇல்லை என மறுப்பு தெரிவிக்கிறது . சல்மான் குர்ஷித் கூறிய கருத்திற்கும் இதேமுறையில் மறுப்பு வெளியிட்டுள்ள காங்கிரஸ், ப.சிதம்பரம் காஷ்மீர் பற்றி கூறியகருத்தையும் கட்சியின் நிலைப்பாடு இல்லை என காங்கிரஸ் தலைமை மறுப்பது முரண்பாடாக இல்லையா என வினவியுள்ளார்.

காங்கிரஸ், பிடிபி மற்றும் தேசியஜனநாக கட்சி சேர்ந்து புதிய ஆட்சியமைக்க வேண்டும் என முன்னாள் உள்துறை அமைச்சர் ப.சிதம்பரம் பேசியுள்ளதை சுட்டிக் காட்டிய அவர், காஷ்மீரில் ஏற்கனவே மக்களால் தேர்ந்தெடுக்கப்பட்ட அரசு இருப்பதாக குறிப்பிட்டார். அதை அகற்றுவதுதான் காங்கிரஸ் கட்சியின் திட்டமா என்றும் வெங்கய்ய நாயுடு வினவியுள்ளார். மேலும் தம்மை பொறுத்தவரை காங்கிரஸ் கட்சி காஷ்மீர் விவகாரத்தில் பல முரண்பட்ட கருத்துக்களை கொண்டுள்ளதாக சாடினார். காஷ்மீர் பிரச்சனையில் காங்கிரஸ்கட்சி சந்தர்ப்பவாத அரசியல் நடத்துவதாக வெங்கய்ய நாயுடு     புகார்தெரிவித்துள்ளார். காஷ்மீர் பிரச்சனையில் பிண்ணனியில் பாகிஸ்தான் இருப்பது கூடவா காங்கிரஸ் கட்சிக்குதெரியாது என கேள்வி எழுப்பிய அவர், மக்களின் உணர்வுகளுக்கு மதிப்பளிக்குமாறும் காங்கிரஸ் தலைவர்களை கேட்டுக் கொண்டுள்ளார்.