மேற்கு வங்காளத்தில் அமைந்துள்ள தினஜ் பூர் மாவட்டத்தைச் சேர்ந்த தேபேந்திர நாத் ராய், மார்க்சிஸ்ட் கம்யூனிஸ்ட் சார்பில் ஹேமதா பாத் தொகுதியில் போட்டியிட்டு எம்எல்ஏ. ஆனார். பின்னர் அக்கட்சியில் இருந்து விலகியவர், கடந்த ஆண்டு பாஜக-வில் இணைந்தார்.
இந்நிலையில், இன்று காலை தேபேந்திர நாத்தின் உடல் அவரது வீட்டின்முன்பு தூக்கில் தொங்கியவாறு கண்டறியப்பட்டது. தகவலறிந்து வந்த போலீஸார், உடலைக் கைப்பற்றி விசாரணை நடத்திவருகின்றனர். தேபேந்திர நாத் ராய் சிலரால் அடித்துக் கொல்லப்பட்டு தூக்கில் தொங்கவிடப்பட்டதாக அம்மாநில பாஜக குற்றம் சாட்டியுள்ளது. அவர் பாஜகவில் இணைந்தது குற்றமா எனவும் கேள்வி எழுப்பியுள்ளது.
சந்தேகத்திற்கிடமாக தேபேந்திர நாத் ராய் கொல்லப்பட்டுள்ளது மம்தா பானர்ஜி அரசு சட்டம் ஒழுங்கில் தோல்வியடைந்து விட்டதை காட்டுவதாக பாஜக தேசிய தலைவர் ஜே.பி.நட்டா ட்விட்டரில் கண்டனம் தெரிவித்துள்ளார்.
குழந்தை பிறந்த மூன்றாம் நாள் ஒரு சொட்டு விளக்கெண்ணெயை உள்ளங்கையில் விட்டு, சிறிது ... |
குடிதண்ணீரில் நஞ்சு, சுவாசிக்கும் காற்றில் அசுத்தம், உண்ணும் உணவில் கலப்படம், மது, ... |
சின்னம்மைக்கு காரணம் 'வேரிசெல்லா' என்கிற வைரசாகும், இது காற்றின் மூலம் பரவ கூடியது. ... |