இந்தியா மன்னிப்பு கேட்காது.!

தொலைக்காட்சி விவாதம் – பா.ஜ.க உறுப்பினர் பேச்சு.!
இந்தியா மன்னிப்பு கேட்காது.!
இந்திய மக்கள் அதற்கு ஒருபோதும் சம்மதிக்கவும் மாட்டார்கள்.!

இந்தியத் தொலைக்காட்சி நிகழ்ச்சி ஒன்றில் நடந்த விவாதத்தில் பங்கு பெற்ற பாரதிய ஜனதா கட்சியின் செய்தி தொடர்பாளர்கள் நுகர்பா சர்மா மற்றும் ஜிண்டால் ஆகியோர் இஸ்லாமிய இறை தூதுவர் பற்றி ஆட்சேபத்திற்குரிய கருத்து தெரிவித்ததாக எழுந்த சர்ச்சையைத் தொடர்ந்து அவர்கள் இருவரும் அக்கட்சியிலிருந்து நீக்கப்பட்டு விட்டனர். எனினும் அரபு நாடுகளான கத்தார், சவுதி அரேபியா, துபாய், ஆப்கானிஸ்தான், பாகிஸ்தான், ஈரான் உள்ளிட்ட நாடுகளிலிருந்து கண்டனம் எழுப்பப்படுவதுடன் இந்திய அரசு மன்னிப்பு கேட்க வேண்டும் எனவும் வலியுறுத்தப்படுவதாகத் தெரிகிறது.

இந்திய நாடு 140 கோடி மக்கள் தொகை கொண்ட மிகப்பெரிய ஜனநாயக நாடு. அதில் பல அரசியல் கட்சிகள் உண்டு; அவற்றில் ஒன்றான பாரதிய ஜனதா கட்சி தற்போது ஆட்சியில் உள்ளது. அக்கட்சியின் உறுப்பினர்கள் இருவர் இன்னொரு மதப் பிரிவினர் மனம் வருந்தும்படி கருத்து தெரிவித்தார்கள் என்பதற்காக அவர்கள் அக்கட்சியிலிருந்து நீக்கப்பட்டு விட்டனர். எனினும் அதில் திருப்தி அடையாமல் சில நாடுகள் இந்திய அரசு மன்னிப்பு கேட்க வேண்டும் எனத் தொடர்ந்து வலியுறுத்தி வருகின்றனர். அவர்களின் அழுத்தத்திற்குச் செவி சாய்த்து இந்திய அரசு மன்னிப்பு கேட்டால் 140 கோடி மக்களும் மன்னிப்பு கேட்டதாக அர்த்தம். அது போன்ற ஒரு நடவடிக்கையை இந்திய மக்கள் ஒருபோதும் ஏற்றுக் கொள்ளமாட்டார்கள்; இந்திய அரசும் அதற்குச் செவி சாய்க்கக் கூடாது. இந்தியா என்றால் எப்படி பாஜகவையோ அல்லது வேறு எந்த ஒரு கட்சியையோ அடையாளப்படுத்துவது ஆகாதோ, அதே போன்று தான், பாஜக கட்சி என்றால் அதுவே இந்திய தேசம் என்றும் ஆகிவிடாது. எனவே அரேபிய நாடுகள் இந்தியா மன்னிப்பு கேட்க வேண்டும் என்னும் சிறிதும் பொருத்தமில்லாத கோரிக்கையை வலியுறுத்தக் கூடாது. மேலும் கடந்த இரண்டு நாட்களாக வரும் செய்திகள் இந்திய மக்களை பெரும் கவலைக்கு உட்படுத்துகின்றன. வளைகுடா நாடுகளில் பணியாற்றும் இந்திய மக்களை வேலையை விட்டு நீக்கிட அச்சுறுத்துவதாகவும், இந்தியப் பொருட்கள் அந்நாடுகளில் புறக்கணிக்கப்படுவதாகவும் வரும் செய்திகள் எந்நாட்டவர்க்கும் நல்லதல்ல.

ஆயிரம் ஆண்டுகள் இந்திய தேசமும், இந்திய மக்களும் ஆப்கானிஸ்தானியர்கள் மற்றும் முகலாயர்களின் படையெடுப்பால் இழந்தவைகள் ஏராளம். அவற்றைச் சொல்லிமாளாது. அப்படையெடுப்புக்களால் இந்திய வழிபாட்டுத் தலங்களுக்கும், பண்பாட்டிற்கும் மீட்க முடியாத சேதம் ஏற்பட்டுள்ளது. அவற்றிற்கெல்லாம் யார் இதுவரை மன்னிப்பு கேட்டார்கள். யார் மன்னிப்பு கேட்பார்கள்?

2021 ஆம் ஆண்டு அக்டோபர் மாதம் துர்கா பூஜை பண்டிகையின் போது பங்களா தேசத்தில் இந்துக்களின் வழிபாட்டுத் தலங்களும், உடைமைகளும் அழித்தொழிக்கப்பட்டன; 21 பேர் உயிரிழந்தனர். பாகிஸ்தானில் இந்துக்கள் தினம் தினம் சித்திரவதை செய்யப்படுகின்றனர். இந்தியாவின் அங்கமாக உள்ள காஷ்மீரில் கூட இந்துக்கள் தினமும் கொல்லப்படுகிறார்கள். ஆப்கானிஸ்தானில் இந்து வழிபாட்டுத் தலங்கள் அழிக்கப்படுகின்றன. இதற்கெல்லாம் வளைகுடா நாடுகளிலிருந்து ஒரு கண்டனம் கூட எழவில்லையே? இந்தியா மற்றும் இந்துக்களிடம் இதுவரை எவரும் மன்னிப்பு கேட்கவில்லையே?

ஆனால் இப்பொழுது ஒரு தேசிய கட்சியின் இரண்டு உறுப்பினர்கள் ஒரு மதம் குறித்து பேசியதற்காக 140 கோடி இந்திய மக்களையும் மன்னிப்பு கேட்கச் சொல்வது உள்நோக்கம் கொண்டது. மேலும் அவை அரேபிய வளைகுடா நாடுகளில் உள்ள இந்துக்களுக்குக் கொடுக்கப்படும் அச்சுறுத்தல்களாகவே இதை கருதப்பட வேண்டியுள்ளது. உலகளவில் போர் மேகம் சூழ்ந்துள்ள நிலையில் இது போன்ற எந்தவித நடவடிக்கைகளும் பொது அமைதிக்கு உதவாது. மேலும் இந்திய தேசத்தில் வசித்துக் கொண்டே இந்த பிரச்சினையை மையப்படுத்தி இந்தியத் தேசத்திற்கு எதிரான கருத்துக்களைத் தொடர்ந்து சமூக வலைதளங்களில் பதிவிடுவோர் மீதும் உள்துறை அமைச்சகம் உரிய நடவடிக்கை எடுக்க வேண்டும்.

எனவே, இந்த பிரச்சனையை அரபு நாடுகள் இதற்குமேல் வளர்த்துக் கொண்டு போகாமல் பாஜக எடுத்த நடவடிக்கையில் திருப்தி அடைந்து பிரச்சினைகளுக்கு முற்றுப்புள்ளி வைக்க வேண்டும் எனவும் வலியுறுத்துகிறேன்.

ஒரு கட்சியின் இரு உறுப்பினர்கள் பிரச்சினையை எவரும் இந்திய தேச பிரச்சினையாக்கக் கூடாது.!
இந்தியா ஒருபோதும் மன்னிப்பு கேட்காது.!
கேட்க வேண்டிய எவ்வித அவசியமும் கிடையாது.!

டாக்டர் க.கிருஷ்ணசாமி MD., Ex.MLA,
நிறுவனர் & தலைவர்,
புதிய தமிழகம் கட்சி.

Comments are closed.

Tamilthamarai

தற்போதைய செய்திகள்

அயோத்திக்கு 34 சிறப்பு ரயில்… ம ...

அயோத்திக்கு 34 சிறப்பு ரயில்… மொத்த செலவும் மத்திய அரசே உத்தரப்பிரதேச மாநிலம் அயோத்தியில் கடந்தமாதம் ராமர் கோயில் திறக்கப்பட்டது. ...

அரசியலுக்காக பேசும் பேச்சுக்க ...

அரசியலுக்காக பேசும் பேச்சுக்கள் வலியை ஏற்படுத்துகிறது இந்தியாவை வளர்ந்த நாடாக்க பிரதமர் மோடி சபதம் ஏற்றுள்ளார். ...

கட்சியில் வாரிசுகள் இருக்கலாம ...

கட்சியில் வாரிசுகள் இருக்கலாம்.  கட்சியே வாரிசுகள் கையில் இருப்பது ஆபத்து லோக்சபா தேர்தலில் தேசிய ஜனநாயக கூட்டணி 400 இடங்களில் ...

எங்கள் குழந்தை ராமர் இனி கூடாரங ...

எங்கள் குழந்தை ராமர் இனி கூடாரங்களில் வசிக்க மாட்டார் ராமச்சந்திர மூர்த்திக்கு ஜெயம் உண்டாகட்டும் ராமச்சந்திர மூர்த்திக்கு ஜெயம் உண்டாகட்டும் வணக்கத்திற்குரிய ...

பாகுபாடு, திருப்தி படுத்தும், அ ...

பாகுபாடு,  திருப்தி படுத்தும், அரசியல் பிரச்சனைகளை வளர்த்தது நம்பாரதம் 1,500 ஆண்டுகளாக அன்னியரை எதிர்த்து போராடியது வரலாறு. ...

புனிதத்துவத்தை உணர்ந்த மனிதர்

புனிதத்துவத்தை உணர்ந்த மனிதர் இந்தமனிதன் நினைத்திருந்தால் நேரடியாக ஜனவரி 22 ஆம் தேதி ...

மருத்துவ செய்திகள்

மருதாணிப் பூவின் மருத்துவக் குணம்

மணமிக்க சிறு பூக்கள் மலர்வதைப் பார்க்க அழகாக இருக்கும். பூஜைக்கும் உதவும் இப்பூக்கள். ...

காட்டாமணக்கு இலையின் மருத்துவக் குணம்

இலை தாய்ப்பால், உமிழ்நீர் பெருக்கியாகவும், பல் இரத்தக் கசிவை நிறுத்தவும், வீக்கத்தை குறைப்பதாகவும் ...

சம்பங்கிப் பூவின் மருத்துவக் குணம்

தலைவலி குணமாக தேவையான பூக்களைக் கொண்டு ஆலிவ் எண்ணெய் சேர்த்து அரைத்து, அரைத்த விழுதை ...