அடுத்த 5 ஆண்டுகளில் ஐந்து லட்சம்கோடி டாலர்களை கடந்த பொருளாதார நாடக  இந்திய பொருளாதாரத்தை உயர்த்துவதே தம் அரசின்நோக்கம் என இந்திய பிரதமர் மோடி தெரிவித்துள்ளார் .  5 லட்சம்கோடி என்பது முதல் கட்டம்தான் என்று தெரிவித்த அவர் அதையும் தாண்டி பொருளாதாரத்தை உயர்த்த இலக்கு நிர்ணயிக்கப் பட்டுள்ளதாக கூறினார் .  எப்போதும் இல்லாத அளவிற்கு இந்தியாவின் பொருளாதாரம் வீழ்ச்சி அடைந்துள்ள நிலையில் அவர் இவ்வாறு கூறியுள்ளார் பாஜக ஆட்சியில் நாட்டின் வளர்ச்சி  அபரிதமாக இருக்கும் என்றும் ,  வேலையில்லா திண்டாட்டத்தை முற்றிலும் ஒழித்து  5 கோடி புதிய வேலை வாய்ப்புகள் உருவாக்கப்படும் என்றும் கூறிதான  பாஜக ஆட்சிக்கு வந்தது.

மோட்டார் பம்புகள் தயாரிப்பில் முன்னோடியாக திகழும் கிர்லோஸ்கர் பிரதர்ஸ் நிறுவனத்தின்  100 ஆம் ஆண்டு நிறைவுவிழா டெல்லியில் நடைபெற்றது .  அதில் பிரதமர் நரேந்திர மோடி கலந்துகொண்டு உரையாற்றினார்.   அப்போது பேசிய அவர் ,  தொழில் துறைக்கு எந்த இடையூறும் இருக்கக்கூடாது என்ற நோக்கில் மத்திய அரசும் செயல்படுகிறது என்றார்,  முன்னெப்போதும் இல்லாதளவிற்கு பெரும் நிறுவனங்களுக்கான வரி வெகுவாக குறைக்கப் பட்டுள்ளது.  எந்த காரணத்திற்காகவும் தொழில்துறையினர் அதிர்ச்சி அடைய தேவையில்லை ,  சீரியவளர்ச்சியுடன் புதியசக்தியுடன் முன்னேறி செல்லுமாறு கேட்டுக் கொண்டார் .