கன்னியாகுமரி மாவட்டத்தில் 48 ஆயிரம் கோடிக்கான திட்டங்களை கொண்டுவந்துள்ளோம்

தமிழகத்தில் அமைந்துள்ள தேசிய ஜனநாயக கூட்டணியின் வெற்றி, தமிழகத்தினுடைய வெற்றியாகஅமையும். ஏராளமான திட்டங்கள் தமிழகத்தில் வந்துகுவிய வேண்டும். தமிழக மக்கள் மத்தியில் தேசிய ஜனநாயக கூட்டணிக்கு அமோகமான வரவேற்பு இருக்கிறது. நரேந்திரமோடி மீது இவ்வளவுபெரிய நம்பிக்கையை மக்கள் வைத்திருப்பது உள்ளத்தை உருக்கக்கூடிய வகையில் உள்ளது. வருகின்ற தேர்தலில் தமிழகத்தினுடைய பங்கு பெரியதாக இருக்கும். அதிலும் குறிப்பாக கன்னியாகுமரி பாராளுமன்ற தொகுதியின் வெற்றிஎன்பது பாரத அன்னையினுடைய நெற்றியில் அமையக்கூடிய திலகமாக அமையும்.

கன்னியாகுமரி மாவட்டத்தில் 48 ஆயிரம்கோடி ரூபாய்க்கான திட்டங்களை ஐந்து ஆண்டுகளில் கொண்டுவந்துள்ளோம். அதற்குமுன்னர் மருத்துவக் கல்லூரி உள்ளிட்ட திட்டங்கள் அனைத்தும் தேசியஜனநாயகக் கூட்டணி ஆட்சியில் அமைந்தவைதான். 2014 முதல் 2019 வரை நாங்கள் பலதிட்டங்களை கொண்டு வந்தோம். அப்படி கொண்டு வந்த திட்டங்களை முடித்து வைக்கக்கூடிய அளவில் ஏன் நடவடிக்கை எடுக்கவில்லை. நான்குவழிச் சாலை என்பது தனிப்பட்ட மனிதனுக்கு சொந்தமானவிஷயம் அல்ல. இந்தியா முழுமைக்கும் இருக்கக்கூடிய பயணிகளுக்கு வசதிசெய்து கொடுக்கும் திட்டமாகும்.

2019-க்கு பிறகு நான்குவழிச் சாலை உள்ளிட்ட திட்டங்கள் ஏன் நிறுத்தப்பட்டன. மேலும், 1,041 கோடி ரூபாய் இந்ததிட்டத்திற்காக மத்திய அரசு கொடுத்துள்ளது. அந்த பணத்தில் ஏறக்குறைய 350 கோடி ரூபாய் பழைய ஒப்பந்ததாரருக்கு நஷ்டஈடு வழங்கி இருக்கின்றோம். மக்களின் வரிப்பணத்தில் எவ்வளவுபெரிய இழப்பு. நான்குவழிச் சாலை காரணமாக இழப்பீடு கொடுக்கப்பட்டதற்கு யார்பொறுப்பு? நான்குவழிச் சாலையை கொண்டுவரக் கூடாது என அமைச்சர் மனோ தங்கராஜ் 2019-ம் வருடம் மதுரை உயர் நீதிமன்றத்தில் வழக்கு தொடர்ந்திருக்கிறார். இதெல்லாம்சேர்ந்துதான் சாலை பணி நிற்பதற்கு காரணம். பாராளுமன்ற உறுப்பினர் சில நாள்களுக்கு முன்பு கொடுத்த அறிக்கையில், இந்ததிட்டம் வராமல் போனதற்கு பா.ஜ.க-தான் காரணம் என்று அறிக்கை கொடுத்திருக்கிறார். அவருக்குவெட்கம் கிடையாதா? கொஞ்சமாவது மனசாட்சி இருக்கிறதா? மக்களை இவர்கள் ஏமாற்றுவதில் கில்லாடிகளாக இருக்கிறார்கள்.

குமரி மாவட்டத்தில் கனிமவளங்களை கடத்த தமிழ்நாடு அரசு முனைப்பு காட்டுகிறது. மத்திய அரசின் ஆணையின் பெயரில்தான் நாங்கள் கனிமவளம் கொண்டுபோகிறோம் என்று அமைச்சர் மனோ தங்கராஜ் சொல்கிறார். மத்திய அரசாங்கம் என்ன ஆணை அனுப்பி இருக்கிறது சொல்லுங்கள் என இரண்டு மாதங்களுக்கு முன்பே நாங்கள் எழுத்து பூர்வமாக கேட்டுள்ளோம். மாவட்ட ஆட்சியர் அலுவலகத்தில் கேட்டும் அரசினுடைய ஆணையை எடுக்கமுடியவில்லை. அப்படி என்றால் அவர்கள் பொய் சொல்கிறார்கள் என்றுதானே அர்த்தம். கனிம வளங்கள் கொண்டுபோகும் நூற்றுக்கணக்கான லாரிகள் யாருக்கு சொந்தமான லாரிகள்… யாருடைய பினாமிபெயரில் ஓடிக்கொண்டிருக்கிறது. இதற்கு அமைச்சர் மனோதங்கராஜ் பதில் சொல்லட்டும். கல்வி உதவித்தொகை கொடுத்தால் அனைவருக்கும் கொடுங்கள் என்றோம். ஆகவே இந்து மாணவர்களுக்கு நியாயம் வழங்கப் பட்டிருக்கிறது. கன்னியாகுமரி மாவட்ட மக்களை பிரித்து சூழ்ச்சி செய்து அரசியல் நடத்தியதுபோதும். சாதியின் பெயரிலோ, மதத்தின் பெயரிலோ, மொழியின் பெயரிலோ அரசியலை வைத்தோ எந்த காரணத்தைக் கொண்டும் எங்கள் மக்களை நாங்கள் பிரிப்பதற்கு அனுமதிக்கமாட்டோம். எல்லா மக்களுடைய ஒருங்கிணைந்த வளர்ச்சிக்கு என்னென்ன செய்ய முடியுமோ அது அனைத்தையும் நாங்கள் செய்வோம்.

நம் கனிம வளங்களை காப்பாற்றும் கட்டாயம் நிலைமையில் நாம்இருக்கிறோம். கனிமவள டாரஸ் லாரிகள் மூலமாக ஒன்றரை மாதத்திற்குள் ஆறுபேர் படுகொலை செய்யப்பட்டிருக்கிறார்கள். அதற்கு அமைச்சர் மனோ தங்கராஜ் பதில் சொல்ல வேண்டும். ஆறு பேர் கொலைக்கு அமைச்சர் மனோ தங்கராஜ்தான் காரணம். அதில் நான்கு பேர் கிறிஸ்தவர்கள். அவருக்கு கிறிஸ்தவர்களைப்பற்றி கவலை கிடையாது, சாதிக்காரர்களைப் பற்றி கவலை கிடையாது, தி.மு.க-வினரைப்பற்றியும் கவலை கிடையாது. எல்லாம் சொந்த காரியம், சிந்தாபாத் என்று நடந்து கொண்டிருக்கிறார். டாரஸ் லாரிகள் மூலமாக இங்கிருந்து ஒரு லாரி மண்கூட தேவையில்லாமல் கேரளாவுக்கு கடத்தக் கூடாது. கெஜ்ரிவாலை திடீரென கைதுசெய்து விட்டார்களா…

22 முறை அவருக்கு விசாரணைக்குவர வேண்டும் என்று அழைப்பு கொடுத்திருக்கிறார்கள். மடியில் கனமில்லை என்றால் வழியில்பயமில்லை என முதலிலேயே அவர் போய் ஆஜராகி இருக்கவேண்டும். ஏன் போகவில்லை… நீங்கள் சி.எம்-ஆக இருந்தால் எல்லாத்துக்கும் மேல் உள்ளவரா… தேர்தல் வந்தால் என்னை யாரும் தொடமாட்டார்கள் என்று நினைத்து அவர் செயல்பட்டார். யாராக இருந்தாலும் தவறுசெய்தால் தண்டனை அனுபவித்து ஆக வேண்டும். பொன்முடி விவகாரத்தில் கோர்ட் றியதுபற்றி கேட்கிறீர்கள். நீட்டும் பேப்பரில் எல்லாம் கையெழுத்து போடுவது ஆளுநர் வேலை கிடையாது. இதற்கு முன்பு இருந்த ஆளுநர்களைப் போன்று ஒரு ரப்பர் ஸ்டாம்ப் நமக்கு தேவையா. சிந்திக்கக்கூடிய ஆளுநர் வேண்டாமா… அமைச்சரவை என்ன நோக்கத்தோடு எதை செய்கிறது என்பதை பார்த்து அதை முடிவெடுக்க வேண்டிய பொறுப்பு ஆளுநருக்கு இருக்கிறது”

கன்னியாகுமரி நாடாளுமன்ற தொகுதி பா.ஜ.க வேட்பாளர் பொன்.ராதாகிருஷ்ணன், நாகர்கோவிலில் செய்தியாளர்களைச் சந்தித்தார். அப்போது அவர் பேசியது  ,

Comments are closed.

Tamilthamarai

தற்போதைய செய்திகள்

100 நாளுக்கான செயல் திட்டத்தின் ம ...

100 நாளுக்கான செயல் திட்டத்தின் முக்கிய முன்முயற்சிகள் குறித்து மத்திய அமைச்சர் ஆய்வு மத்திய சமூகநீதி மற்றும் அதிகாரமளித்தல் துறை அமைச்சர் டாக்டர் ...

செங்கோடி 2024 பயிற்சியில் பங்கேற் ...

செங்கோடி 2024 பயிற்சியில் பங்கேற்ற இந்திய விமானப்படை ஜூன் 04 முதல் ஜூன் 14 வரை அமெரிக்க ...

பாதஹஸ்தாசனம் காணொளிக்காட்சிகள ...

பாதஹஸ்தாசனம் காணொளிக்காட்சிகளை மோடி பகிர்ந்துள்ளார் பாதஹஸ்தாசனம் அல்லது கைகளால் கால்களைத் தொடும் யோகா நிலை ...

ஜி 20 மாநாட்டில் மோடி- இன் உரை

ஜி 20 மாநாட்டில் மோடி- இன் உரை தொழில்நுட்பத்தை ஆக்கப்பூர்வமானதாக ஆக்குங்கள் என்றும்; அழிவுகரமானதாக அல்ல என்றும் ...

ஸ்மிரிதி வனம் இடம் பெற்றிருப்ப ...

ஸ்மிரிதி வனம் இடம் பெற்றிருப்பது குறித்து மோடி மகிழ்ச்சி 2001-ம் ஆண்டு ஏற்பட்ட துயர சம்பவத்தில் உயிரிழந்தவர்களுக்கு அஞ்சலி ...

இந்தியா-வின் முற்போக்கான பாதை எ ...

இந்தியா-வின் முற்போக்கான பாதை என்ற தலைப்பில் நாளை நடக்கும் மாநாடு 2023 டிசம்பர் 25ந்தேதி. "பாரதிய நியாய சன்ஹிதா 2023", ...

மருத்துவ செய்திகள்

அதிக சப்தத்துடன் குறட்டை ஆரோக்கியத்துக்கு கேடு

அதிக சப்தத்துடன் குறட்டை விட்டு தூங்குபவர்களை பார்க்கும் போது, நிம்மதியாகத் தூங்கிறார் என்று ...

அல்லிப் பூவின் மருத்துவக் குணம்

அல்லிப் பூ குளிர்ச்சி உள்ளது. உடலுக்கும் குளிர்ச்சியைத் தரவல்லது. எனவே உடலில் காணும் ...

முள்ளங்கியின் மருத்துவக் குணம்

முள்ளங்கி உடலுக்கு வலிமை சேர்க்கும். மலமிளக்கும். இதயத்திற்கு மிகவும் நல்லது. செரிமானம் எளிதில் ...