பூரண மதுவிலக்கை அமல்படுத்தும்வரை எங்கள் போராட்டம் தொடரும் மதுவிலக்கு வேண்டும் என ஒவ்வொருவரும் போராடிக்கொண்டு இருக்கும் நிலையில் 'எலைட்' மதுபான கடைகளை திறக்கப்போவதாக அரசு அறிவித்திருப்பது கண்டத்துகுரியது .என்று தமிழக பாஜக தலைவர் தமிழிசை சவுந்தர ராஜன் கூறியுள்ளார்.

சென்னை பாஜக தலைமையகமான கமலால யத்தில் செய்தியாளர்களை சந்தித்த தமிழிசை சவுந்தரராஜன், தமிழகத்தில் பாஜக ஒரு மாற்றுசக்தியாக உருவெடுத்து வருகிறது. காமராஜர் பிறந்தநாள் விழாவை பாஜக கொண்டாட தகுதி இருக்கிறதா? என்று காங்கிரசார் சொல்கிறார்கள். நாட்டுக்காக தன்னலமற்று உழைத்த தலைவர்களை போற்றும்கட்சி பாரதிய ஜனதா, எனவே, காமராஜர் விழாவை கொண்டாட பாஜகவிற்கு தகுதி உள்ளது

திருச்சியில் ராகுல் காந்தி நேற்று பேசும்போது, இப்போதுதான் அவருக்கு வாய்ப்புகிடைத்தது போல் பேசி இருக்கிறார். பல ஆண்டுகள் பதவியில் இருந்த அவர்கள் எத்தனைமுறை காமராஜர் விழாவுக்கு வந்தார்கள்? ராகுலின் வரவு தமிழகத்தில் எந்ததாக்கத்தையும் ஏற்படுத்த போவதில்லை.

புதிய மதுக் கொள்கையை கொண்டு வரப் போவதாக பேசி இருக்கிறார். அப்படியானால் காங்கிரஸ் ஆளும் மாநிலங்களில் எப்படிப்பட்ட மதுக் கொள்கையை வைத்திருக்கிறார்கள். ராகுல்கையில் அதிகாரம் இருந்தபோது இலங்கையில் தமிழர்கள் படுகொலை செய்யப் பட்டார்கள். அதை கண்டித்து அவர் நாடாளுமன்றத்தில் ஏன் பேசவில்லை.

பூரண மது விலக்கை அமல்படுத்தும் வரை எங்கள் போராட்டம் தொடரும். அடுத்தமாதம் மதுவிலக்கை கொண்டு வருவதற்கான அறிகுறி தென்படா விட்டால் மிகப்பெரிய போராட்டத்தை அறிவிப்போம்.

மதுவிலக்கு வேண்டும் என்று ஒவ்வொருவரும் போராடிக்கொண்டு இருக்கும் நிலையில் 'எலைட்' மதுபான கடைகளை திறக்கப் போவதாக அரசு அறிவித்திருப்பது கண்டத்துக்குரியது. ஒரு கடைகூட திறக்க விடாமல் தடுப்போம்.

சினிமாக்களில் மதுகுடிக்கும் காட்சிகளையும், புகைபிடிக்கும் காட்சிகளையும் தடுக்கவேண்டும். மதுகுடிக்கும் காட்சிகள் உள்ள திரைப்படங்களுக்கு வரிச்சலுகை தரக்கூடாது.

ஜெயலலிதா முதல்வர் பதவி ஏற்றபிறகும் ஆட்சியில் வேகமும் இல்லை. மாற்றமும் இல்லை. தண்ணீர் பற்றாக் குறை பயமுறுத்துகிறது. இதையெல்லாம் தடுக்க அரசு நடவடிக்கை எடுக்க வில்லை. தமிழகத்தில் 50 சதவீதம் ஏரிகள் முற்றிலும் ஆக்கிரமிக்கபட்டுள்ளது. மத்திய அரசு நிதி ஒதுக்கியும் தமிழக ஏரிகள் தூர்வாரப் படவில்லை என்றார்