பிரதமர் நரேந்திர மோடி தலைமையில் கடந்த 18 மாதகால பாஜக. ஆட்சியில் நடுநிலையான பொருளாதார வளர்ச்சியை பெற்றுள்ளது. கடந்த 50 ஆண்டுக்கால காங்கிரஸ் ஆட்சியில் நிறைவேற்றப்படாத, மக்களுக்கு பயன்தரும் திட்டங்களை நரேந்திரமோடி அரசு குறுகியகாலத்தில் நிறைவேற்றி உள்ளது. கடந்த நாடாளுமன்ற தேர்தலில் பெற்றதோல்வியை காங்கிரஸ் கட்சியால் இன்னும் ஜீரணிக்க முடியவில்லை. அதனால்தான் அரசை செயல்பட விடாமல் தடுத்தும், நாடாளுமன்றத்தை முடக்கியும், சட்டங்களை ஏற்றவிடாமலும் தடுத்து வருகிறது.

காங்கிரஸ் ஆட்சியில் 50 ஆண்டுகளில் 3 கோடிபேருக்கு மட்டுமே வங்கி கணக்குகள் தொடங்கப்பட்டன. ஆனால் நரேந்திர மோடி ஆட்சியில் 20 கோடி பேருக்கு வங்கிக்கணக்கு தொடங்கப்பட்டுள்ளது. நரேந்திர மோடியின் நல்லாட்சியில் ஏழைகள், பெண்கள், தாழ்த்தப் பட்டோர், ஒடுக்கப்பட்ட மக்களுக்கு சமூக பாதுகாப்பு உறுதி செய்யப்பட்டுள்ளது. காப்பீடுதிட்டங்கள், அனைவருக்கும் வங்கிக்கணக்கு, விவசாயிகள் பயிர்காப்பீடு திட்டம் போன்றவை மக்களின் வாழ்க்கை தரத்தை மேம்படுத்தும்.

காங்கிரஸ் தலைமையிலான ஆட்சியில் நிலத்தின்மீதும், நிலத்தின் அடியிலும், காற்றிலும், ஆகாயத்திலும் ஊழல்புரிந்தனர். ஆனால் பாஜக. ஆட்சியில் ஊழல்புகாரே இல்லை. காங்கிரஸ் ஆட்சியில் பல முறை மாநில அரசுகளை கலைத்தனர். 465 அவசரச்சட்டங்களை கொண்டுவந்தனர். ஆனால் நரேந்திரமோடி அரசு அருணாசலப்பிரேதச அரசை கலைத்ததற்கும், 2 அவசரச் சட்டங்களை கொண்டுவந்ததற்கும் எதிர்க்கட்சிகள் கூக்குரலிடுகின்றன.

ஐதராபாத் பல்கலைக்கழகத்தில் மாணவன் ரோத் தற்கொலை செய்துகொண்டது வேதனை தருவதாகும். ஆனால் காங்கிரஸ் உள்ளிட்ட எதிர்க்கட்சிகள் அரசியலாக்கி வருகின்றன. காங்கிரஸ் ஆட்சியின்போது தான் அந்த பல்கலைக்கழகத்தில் 10 மாணவர்கள் தற்கொலை செய்து கொண்டனர். அப்போது ஏன் பிரச்சினையை எழுப்பவில்லை.

விழுப்புரத்தில் 3 கல்லூரிமாணவிகள் தற்கொலை தொடர்பாகவும், சென்னை ஐஐடி.யில் மாணவன் செந்தில் குமார் தற்கொலை தொடர்பாகவோ ஏன் காங்கிரஸ் குரல்தரவில்லை. அக்கட்சியின் தலைவர்களும் வந்து ஆறுதல் கூறவில்லை. நாட்டின் நலனை கருதியே மோடியும், பாஜக.வும் செயலாற்றி வருகிறது. புதுச் சேரியில் மாநில வளர்ச்சிக்கு தேவையான அனைத்து உதவிகளையும் மத்திய அரசு செய்யும். புதுவையில் தற்போது பாஜக.வில் 75 ஆயிரம் உறுப்பினர்கள் சேர்ந்துள்ளனர். பாஜக. தொண்டர்கள் மத்திய அரசின் சாதனைகள், திட்டங்களை மக்களிடம் கொண்டு செல்ல வேண்டும்.

மத்திய மந்திரி வெங்கையா நாயுடு