சென்னையில் இன்று பல்வேறு நிகழ்ச் சிகளில் பங்கேற்ற பிரதமர் மோடி, திமுக தலைவர் கருணாநிதியை அவரது இல்லத்தில் சந்தித்து உடல் நலம் குறித்து விசாரித்தார்.
தினத்தந்தி பவளவிழா, மற்றும் ஐ.ஏ.எஸ்., அதிகாரியின் இல்ல திருமணவிழா என பல்வேறு நிகழ்ச்சிகளில் பங்கேற்க பிரதமர் மோடி இன்றுகாலை சென்னை வந்தார்.

இதற்கிடையில் , சிலகாலமாக உடல் நலக் குறைவால் பாதிக்கப்பட்டு ஓய்வு எடுத்துவரும் கருணாநிதியை சந்திக்க பிரதமர் மோடி விரும்பினார். இதனை யடுத்து அவர் இன்று கோபாலபுரத்தில் உள்ள கருணாநிதி இல்லத்திற்கு சென்றார்.

அவரை திமுக செயல்தலைவர் ஸ்டாலின் , கனிமொழி, முன்னாள் அமைச்சர் துரைமுருகன் வரவேற்றனர். தொடர்ந்து அவர் கருணாநிதியை நேரில்சந்தித்து உடல் நலம்குறித்து விசாரித்தார். பிரதமர் மோடி திமுக தலைவரை சந்தித்ததில் அரசியல் ஏதுமில்லை என்று பா.ஜ., நிர்வாகிகள் தெரிவித்தனர்.