இது அரசியல் செய்வதற்கான நேரமல்ல
டெல்லியில் நேற்று காங்கிரஸ் கட்சியின் காரியக் கமிட்டி கூட்டம், காணொலி காட்சி வழியாக நடந்தது. இந்தகூட்டத்துக்கு தலைமை தாங்கிபேசிய காங்கிரஸ் தலைவர் சோனியா காந்தி, மத்திய அரசை தாக்கிப்பேசினார்.
அப்போது அவர், திட்டமிடாமல் 21 நாள் ஊரடங்கை மத்திய அரசு அறிவித்தது, இந்தியாவில் உள்ள லட்சோபலட்சம் இடம்பெயர்ந்த தொழிலாளர்கள் வாழ்வில் குழப்பத்தையும், வலியையும் ஏற்படுத்தி இருக்கிறது என்று குறிப்பிட்டார்.
ஊரடங்கால் கோடிக் கணக்கான மக்களின் வாழ்வாதாரம் பாதிக்கப்பட்டுள்ள நிலையில், பொதுவான குறைந்தபட்ச நிவாரண திட்டத்தை தயாரித்து மத்திய அரசு அறிவிக்க வேண்டும் என்று வலியுறுத்தினார்.
21 நாள் ஊரடங்கு பிரச்சினையை சோனியாகாந்தி அரசியலாக்கி இருப்பதற்கு பாரதீய ஜனதா மூத்த தலைவரும், மத்திய உள்துறை மந்திரியுமான அமித்ஷா கண்டனம் தெரிவித்துள்ளார்.
இதையொட்டி அவர் டுவிட்டரில் வெளியிட்ட பதிவில் கூறி இருப்பதாவது:-
பிரதமர் நரேந்திர மோடி தலைமையின் கீழ் கொரோனா வைரசை எதிர்த்து போராடுவதில் இந்தியாவின் முயற்சிகள் உள்நாட்டிலும், உலகளவிலும் பாராட்டப்படுகின்றன.
கொரோனா வைரசை வீழ்த்துவதில் நாட்டின் 130 கோடி மக்களும் ஒன்றுபட்டுள்ளனர். ஆனாலும்கூட, காங்கிரஸ் கட்சி அற்ப அரசியல் விளையாட்டு நடத்துகிறது. நாட்டுநலனை கருத்தில் கொண்டு, மக்களை தவறாக வழிநடத்துவதை அந்தகட்சி நிறுத்த வேண்டிய அவசரமான தருணம் இது. இவ்வாறு அமித் ஷா அதில் கூறி உள்ளார்.
சோனியா காந்தியின் விமர்சனத்துக்கு பாரதீய ஜனதா தலைவர் ஜேபி.நட்டாவும் டுவிட்டரில் பதில் கொடுத்துள்ளார். அதில் அவர் கூறி இருப்பதாவது:-
கொரோனா வைரசுக்கு எதிரானபோரில், பிரதமர் நரேந்திர மோடி தலைமையிலான இந்திய அரசின் முயற்சிகள் உலகளவில் பாராட்டப்படுகின்றன. பிரதமர், அனைத்து மாநிலங்களுடன் சேர்ந்து ஒரேஅணியாக போராடுகிறார். கடினமான காலங்களில் காங்கிரஸ் கட்சி ஒருபொறுப்பான அரசியல் கட்சியாக செயல்பட வேண்டும்.
ஒட்டுமொத்த நாடும் பிரதமர் மோடியின் தலைமையில் கொரோனா வைரசுக்கு எதிராக ஒன்று பட்டுள்ளது. அத்தகைய ஒருநேரத்தில் சோனியா காந்தி வெளியிட்டுள்ள கருத்து உணர்வற்றது, அநாகரீகமானது. இது அரசியல் செய்வதற்கான நேரமுமல்ல. தேசத்துக்காக ஒன்றுபட்டு செயல்படவேண்டிய தருணம் இது. இவ்வாறு அவர் கூறி உள்ளார்.
தற்போதைய செய்திகள்
உங்களிடம் ஆசிர்வாதம் பெறவே வந் ...
இது சாதாரண தேர்தல் அல்ல
60 ஆண்டில் காங்கிரசால் முடியாதத ...
இந்திய கல்வி முறையில் மாற்றம் வ ...
மற்றவர்களை அச்சுறுத்துவதும் த ...
மருத்துவ செய்திகள்
கறிவேப்பிலையின் மருத்துவக் குணம்
கறிவேப்பிலையை மைபோல அரைத்துக் கொட்டைப்பாக்களவு எடுத்து ஒரு டம்ளர் எருமைத் தயிரில் கலந்து ... |
நெல்லியின் மருத்துவ குணம்
நெல்லி இலைகளினால் விஷ்ணுவை அர்ச்சிப்பது மிகவும் விஷேசமானது .தேவலோகத்தில் இந்திரன் அமுதத்தை ... |
தொட்டாற்சிணுங்கியின் மருத்துவக் குணம்
இதன் இலை, வேர் உபயோகப்படுகிறது. இதன் சுவை இனிப்பு, துவர்ப்பு, கார்ப்பு உடையது. ... |
அதிகம் படித்தது
- பல்லி விழும் பலன்
- வாசிப்பை நேசிப்போம் !
- ஜாதிக்காயின் மருத்துவ குணம்
- தனி ஒரு மனிதனுக்கு உணவில்லை எனில் இந்த ஜகத்தினை அழித்திடுவோம்
- நாடி சுத்தி பயிற்சி
- நோனியின் மருத்துவ குணம்
- காதில் வரும் நோய்கள்
- கன்னம் குண்டாக வேண்டுமா ?
- ஸ்ரீ சக்கரம் எப்படி வரைவது
- குழந்தையின் வயிற்றில் பூச்சி தொல்லை நீங்க
- வாய், தொண்டை சம்பந்தமான நோய்கள் தீர!
- கற்றோருக்கு சென்ற இடம் எல்லாம் சிறப்பு
- மற்றவர்களை குறை சொல்லி தப்பிப்பதே உங்கள் வழக்கமாகிவிட்டது
- பூனை குறுக்கே குதித்தால் அபசகுணமா
- அம்மான் பச்சரிசியின் மருத்துவ குணம்