குஜராத்மாநிலம் ஆமதாபாத் மாநகராட்சி தேர்தலில், போட்டியிட விரும்பி. பிரதமர் மோடியின் சகோதரர்மகள் சோனல் மோடி தாக்கல் செய்த மனுவை,கட்சி தலைவர்களின் உறவிர்களுக்கு வாய்ப்பு வழங்கப்படாது என்ற புதியவிதியை காரணம் காட்டி, பா.ஜ., நிராகரித்துவிட்டது.

பிரதமர் மோடியின் சகோதரர் பிரஹலாத்மோடி. இவர், நியாய விலைகடை வைத்துள்ள இவர், குஜராத்தில் உள்ள நியாயவிலை கடைகள் சங்கத்தின் தலைவராகவும் உள்ளார். இவரது மகள், சோன்மோடி. இவர், விரைவில் நடைபெற உள்ள ஆமதாபாத் மாநகராட்சி தேர்தலில், போடக்தேவ் வார்டில் இருந்து போட்டியிட சீட் கேட்டிருந்தார். ஆனால், சமீபத்தில், வேட்பாளர் பட்டியலை பா.ஜ., வெளியிட்டது. இதில் சோனல் பெயர் இடம்பெறவில்லை. எந்தவார்டிலும் போட்டியிட அவருக்கு வாய்ப்பு வழங்கபடவில்லை. இதற்கு, வரும்தேர்தலில் போட்டியிட, கட்சி தலைவர்களின் உறவினர்களுக்கு வாய்ப்பு வழங்கப்படாது என்ற விதிமுறை காரணமாக தெரிவிக்கபட்டுள்ளது.

இதுதொடர்பாக பா.ஜ., மாநில தலைவர் சி.ஆர்.பாட்டீல் கூறுகையில், வரும் தேர்தலில் கட்சி தலைவர்களின் உறவினர்களுக்கு போட்டியிட வாய்ப்பு வழங்கப்படாது என விதிமுறை வகுக்கப்பட்டது. விதிமுறைகள் அனைவருக்கும் சமம்தான். இவ்வாறு அவர் கூறினார்.

சோனல்மோடி கூறுகையில், பா.ஜ., தொண்டர் என்ற அடிப்படையில்தான் வாய்ப்பு கேட்டேன். பிரதமரின் உறவினர் என்பதற்காக வாய்ப்பு கிடைக்கவில்லை. வாய்ப்பு கிடைக்கவில்லை என்றாலும், வழக்கமான கட்சிதொண்டராகவே செயல்படுவேன். இவ்வாறு அவர் கூறினார்.

பிரஹலாத் மோடி கூறுகையில், எனது குடும்ப உறுப்பினர்கள், விருப்பமான முடிவை எடுக்க சுதந்திரம் உள்ளது. எனது குடும்பத்தினர் பிரதமர் மோடியின் பெயரை பயன்படுத்த வில்லை. அதனை பயன்படுத்தி எந்த சலுகையையும் அனுபவிக்கவில்லை. நாங்கள் சொந்தமாக உழைத்துவாழ்கிறோம். இவ்வாறு அவர் கூறினார்