சென்ற வாரம் உ.பி.,யில் எட்டு கிராமங்களை சேர்ந்த, 36 குடும்பங்களாக உள்ள 180 பேர் தங்களை பிற்போக்கு மதங்களிலிருந்து விடுவித்துக் கொண்டு, சுதந்திர சிந்தனையையும், மெய்ஞானத்தையும் போதித்து, உலகுக்கே விளக்காய் திகழும் தர்ம வழியாம் ஹிந்து மதத்திற்கு திரும்பினர்.

நம் தமிழ்நாட்டிலும் சமீப காலங்களில் தாய் மதம் திரும்புவோரின் எண்ணிக்கை அதிகரிப்பது குறிப்படத்தக்கது. விவரங்களை வெளியிட்டால் சம்பந்தப்பட்டவர்களை பாதிக்கும் என்பதால் வெளியிடாமல் இருக்கிறோம்.

கோடிக்கனக்கான டாலர்களை இரைத்து பிரச்சாரம் செய்து மதமாற்றப்பட்ட மக்கள், ஆரம்பத்தில் "புது மாப்பிள்ளைகளாய்" உணர்ந்தாலும், ஒரு கட்டத்தில் அதை வெறுக்க தொடங்கி விடுகிறார்கள். கட்டத்தில் ஆயிரமாயிரம் குருமார்களும், ஞானிகளும் போதித்த, அனுபவித்த, ஞானக்கடலாம் ஹிந்து தர்மத்திற்கு திரும்பவும் விளம்பரம் இல்லாமல் வந்து சேர்ந்து விடுகிறார்கள்.

ஒரே ஒரு புத்தகத்துக்குள் புதைந்து போகும் அடிமை சித்தாந்தங்களை உதறி தள்ளி விட்டு, நம் தத்துவ கடலாம் ஹிந்து மஹா சமுத்திரத்தில் மீண்டும் ஐக்கியமாகின்றனர். பல ஆயிரம் வருட பாரம்பரியம் உள்ள எகிப்தியர்களை சில நூறு ஆண்டுகளில் மதமாற்றம் செய்ய முடிந்தவர்களால், ஆயிரம் ஆண்டுகளுக்கு மேலாகியும் நம்மில் பெரும் பான்மையினரை ஒன்றும் செய்ய முடியவில்லை.

பல தேசங்களை கிறிஸ்துவத்தின் பக்கம் இழுத்து காட்டிய, ஆங்கிலேயர்களும், போர்ச்சுகீயர்களும் நம் நாட்டின் தர்மத்தை ஒன்றும் செய்ய முடியவில்லை.

நம‌க்கு எல்லாம் பின்புலமாய் இருக்கும் இந்த புனித பூமியும், அதில் அவதரித்த‌ குருமார்களும், ரிஷிகளும், நாம் வழிபடும் இறைவனும் நம் தர்மத்திற்கு ஆதாரமாய் இருக்கையில் நம்மை யார் என்ன செய்ய முடியும் ?

என்னதான் மூளைச் சலவை செய்யப்பட்டாலும் மனிதன் ஒரு கட்டத்தில் சுயமாய் சிந்திக்க தொடங்குகிறான். அது இந்த தலைமுறையில் இல்லாவிட்டாலும், அடுத்த தலைமுறையில் நடக்கலாம். இதனால்தான் வெளிநாடுகளில் பலர் நம் உபநிடந்தங்களையும், கீதையும் படித்துவிட்டு ஞான விளக்காம் ஹிந்து தர்மத்தை சுயமாக எந்த மூளைச் சலவையும் இல்லாமல் தழுவி வருகிறார்கள்.

ஆகையால் நண்பர்களே, வேற்று மதத்தவரை நாம் வெறுக்க வேண்டாம். அவர்கள் சூழ்நிலைக் கைதிகள். நம் மூதாதையர்கள் கத்தி முனையிலும், ஏழ்மையை வைத்தும், யாராவது மாற்றி இருந்தால் நாமும் அவர்கள் போல அல்லவா பேசிக் கொண்டிருப்போம் ? ஆகையால் அவர்களை நாம் அரவனைத்து செல்வோம். அவர்களுக்கு முடிந்தவரை நாம் நம் தர்மம் குறித்து எடுத்துச் சொல்லுவோம். வழி மாறி சென்ற அவர்கள் தாய் மதம் திரும்பும் நாளும் வரும். எல்லாம் வல்ல இறைவன் மற்றதை பார்த்துக் கொள்வான்.

"தர்மோ ரக்ஷ்தி ரக்ஷிதஹ" (தர்மத்தை காபாற்றுபவனை, தர்மம் காப்பாற்றும்) எனும் வேத வாக்கிற்கு இணங்க நாம் வெறும் கருவியாய் இருந்து நம் தர்மத்தை காப்பாற்றுவோம். அது நம்மை காப்பாற்றும். இது சத்திய வாக்கு.