அரசியல் லாபத்திற்காக நாடாளுமன்ற அமைப்புகளை காங்கிரஸ்கட்சி சுய நலத்துடன் பயன் படுத்துகிறது என்று பா.ஜ.க., தலைவர் வெங்கய்யநாயுடு குற்றம் சுமத்தியுள்ளார்.

இதுகுறித்து செய்தியாளர்களிடம் வெள்ளிக் கிழமை அவர் மேலும் பேசியதாவது:

நாடாளுமன்ற கூட்டுக்குழு (ஜேபிசி.) வரைவு அறிக்கைமூலம் தொலைத் தொடர்பு துறையில் நடைபெற்ற ஊழலை காங்கிரஸ்கட்சி ஒட்டு மொத்தமாக மறைக்க பார்க்கிறது. இந்தவிவகாரத்தில் ஜேபிசி. தலைவர் பிசி.சாக்கோ ஒரு தலைப்பட்சமாக நடந்து கொண்டுள்ளார்.

இந்தவழக்கில் குற்றம் சாட்டப்பட்ட முன்னாள் அமைச்சர் ஆ.ராசா, ஜேபிசி. கூட்டத்தில் தானாகமுன்வந்து ஆஜராகி உண்மையை விளக்குவதாக சொல்வதை ஜே.பி.சி. ஏன் ஏற்கமறுக்கிறது.

மொத்தமுள்ள 30 ஜேபிசி. உறுப்பினர்களில் 15பேர் ஜேபிசி. தலைவரின் நடவடிக்கைகளில் நம்பிக்கையிழந்து அவர்மீது எதிர்ப்பு தெரிவித்துள்ளனர்.

மேலும் 2ஜி விவகாரத்தில் முன்னாள் பிரதமர் வாஜ்பாயின் மீது களங்கம் சுமத்த அவருடைய பெயரை ஜேபிசி. அறிக்கையில் சேர்க்க துடிக்கிறார்கள்.

ஊழல் குற்றச் சாட்டிலிருந்து தங்களை காத்துகொள்ள சிபிஐ, நுண்ணறிவுப்பிரிவு, அமலாக்க துறை, ஜேபிசி. உள்ளிட்ட நாடாளுமன்ற அமைப்புகளை சுய நலத்துடன் காங்கிரஸ் அரசு பயன் படுத்துகிறது.

நிலக்கரிசுரங்க ஒதுக்கீட்டில் நடைபெற்ற முறைகேடுகளை மூடிமறைத்து பிரதமரை காப்பாற்ற சி.பி.ஐ அறிக்கையில் சட்டத் துறை அமைச்சர் அஸ்வனிகுமார் திருத்தம்செய்கிறார். இதுபோன்ற நடவடிக்கைகளால் காங்கிரஸ் தலைமையிலான கூட்டணி அரசு, மத்தியில் ஆட்சியைத்தொடரும் உரிமையை தார்மீக ரீதியாக இழந்து விட்டது என்றார்