கரோனா தடுப்பூசி மீதான காப்புரிமையை நீக்குக மோடி

கரோனா தடுப்பூசி மீதான காப்புரிமையை நீக்குமாறு உலகவா்த்தக அமைப்பிடம் விடுத்துள்ள கோரிக்கைக்கு ஆதரவு அளிக்குமாறு ஜி7 நாடுகளிடம் பிரதமா் நரேந்திரமோடி கேட்டுக் கொண்டாா்.

பிரிட்டன், அமெரிக்கா, கனடா, பிரான்ஸ், ஜொ்மனி, இத்தாலி, ஜப்பான் இடம்பெற்றுள்ள ஜி7 நாடுகளின் உச்சி மாநாடு, பிரிட்டனில் உள்ள காா்ன்வால் நகரில் ஜூன் 11-ஆம் தேதி தொடங்கியது. இதில், சிறப்பு அழைப்பாளா்களாக, இந்தியா, தென்ஆப்பிரிக்கா, ஆஸ்திரேலியா, தென்கொரியா ஆகிய நாடுகளின் தலைவா்கள் கலந்து கொள்வதற்கு அழைப்பு விடுக்கப் பட்டிருந்தது.

மாநாட்டின் இரண்டாவது நாளான சனிக் கிழமையும், நிறைவு நாளான ஞாயிற்றுக்கிழமையும் பிரதமா் நரேந்திர மோடி காணொலி முறையில் பங்கேற்று உரையாற்றினாா்.

நிறைவுநாளான ஞாயிற்றுக்கிழமை, சுகாதாரம், பருவநிலை மாற்றம், சுதந்திரமான சமூகம் ஆகிய 3 தலைப்புகளில் நடைபெற்ற அமா்வுகளில் அவா் உரையாற்றினாா். அவா் பேசியதாவது:

சுதந்திரமான சமூகத்தைப் பொருத்தவரை ஜனநாயகம், கருத்துசுதந்திரம் ஆகியவற்றைக் காப்பதில் இந்தியா பற்றுறுதியுடன் உள்ளது. மேலும், இந்தியாவில் ஆதாா் அட்டை வழங்குவது, நேரடிமானிய உதவித் திட்டங்கள், பிரதமரின் ஜன்தன் வங்கி கணக்கு திட்டம், வங்கிக் கணக்கில் ஆதாா் எண், தொலைபேசி எண் இணைப்பு என சமூக அங்கீகாரமளித்தலில் புரட்சிகரமான தாக்கத்தை மின்னணு தொழில்நுட்பம் ஏற்படுத்தியுள்ளது. சுதந்திரமான சமூகம்குறித்து பேசுகையில், எளிதில் தாக்குதலுக்குள்ளாகும் அபாயமும் உள்ளது. எனவே, தொழில்நுட்ப நிறுவனங்களும், சமூக ஊடக நிறுவனங்களும் தங்கள் பயனா்களுக்கு இணைய வழியில் பாதுகாப்பான சூழலை உறுதி செய்யவேண்டும்.

பருவநிலை மாற்றம் தொடா்பாக உலகநாடுகள் கூட்டு நடவடிக்கை எடுக்கவேண்டும். இந்த விஷயத்தில் இந்தியா உறுதியான நடவடிக்கை மேற்கொண்டு வருகிறது. 2030-ஆம் ஆண்டுக்குள், மாசு இல்லா போக்குவரத்தை ஏற்படுத்த இந்திய ரயில்வே உறுதி மேற்கொண்டுள்ளது. பாரீஸ் ஒப்பந்த உறுதிகளை நிறைவேற்றி கொண்டிருக்கும் ஒரே ஜி-20 நாடு இந்தியா. இந்தியா மேற்கொண்ட பேரிடா்மீட்பு கட்டமைப்பு கூட்டணி மற்றும் சா்வதேச சூரிய மின் சக்தி கூட்டணி என்ற இரண்டு முக்கிய உலகளாவிய முயற்சிகளின் பயன்கள் அதிகரித்து வருகின்றன. பருவநிலை மாற்றத்துக்கான நிதி, வளரும்நாடுகளுக்கு சிறந்த முறையில் கிடைக்கவேண்டும்.

அனைவருக்கும் கரோனா தடுப்பூசி எளிதில் கிடைக்கவேண்டும் என்பதற்காக, கரோனா தடுப்பூசி மீதான காப்புரிமையை தற்காலிகமாக நீக்குமாறு உலகவா்த்தக அமைப்பில் இந்தியாவும், தென் ஆப்பிரிக்காவும் தொடா்ந்து வலியுறுத்தி வருகின்றன. இந்தக் கோரிக்கைக்கு ஜி7 நாடுகள் ஆதரவுதெரிவிக்க வேண்டும்.

சா்வாதிகாரம், பயங்கரவாதம், தீவிரவாதம், பொருளாதார நெருக்கடி என பல்வேறு வழிகளில்வரும் அச்சுறுத்தல்களில் இருந்து ஜி7 நாடுகளை காப்பதில் இந்தியா இயற்கையில் அமைந்த கூட்டாளியாக திகழ்கிறது என்றாா் பிரதமா் மோடி.

கரோனா தடுப்பூசி மீதான வா்த்தகம் சாா்ந்த அறிவுசாா் சொத்துரிமையை நீக்க வேண்டும் என்று உலகவா்த்தக அமைப்பிடம் இந்தியாவும், தென்ஆப்பிரிக்காவும் கோரிக்கை விடுத்துள்ளன. இந்தக் கோரிக்கையை எழுப்பி பிரதமா் மோடி பேசியபோது, இதுதொடா்பாக எழுத்துபூா்வமான ஒப்பந்தம் நடைபெறுவதற்கு ஜி7 நாடுகள் ஆதரவு அளித்துள்ளன. சுதந்திரமான, விதிகளின் அடிப்படையிலான இந்தோ பசிபிக்மீதான தமது உறுதிப்பாட்டையும், பிராந்தியத்தில் கூட்டாளா்களுடன் ஒத்துழைப்பு அளிப்பதையும் ஜி7 நாடுகளின் தலைவா்கள் உறுதிப்படுத்தினா் என்றாா் அவா்.

Comments are closed.

Tamilthamarai

தற்போதைய செய்திகள்

கர்நாடகாவின் போர்ப்படை தளபதிய ...

கர்நாடகாவின் போர்ப்படை தளபதியாகும் அண்ணாமலை தமிழக பாஜக தலைவராக உள்ள அண்ணாமலை கர்நாடக மாநிலதேர்தல் ...

விளையாட்டுத் துறையை விளையாட்ட ...

விளையாட்டுத் துறையை  விளையாட்டு வீரர்களின் பார்வையில் அணுக துவங்கியுள்ளோம் ''விளையாட்டுத் துறையை தங்கள் வாழ்க்கையாக தேர்ந்தெடுக்க இளைய தலைமுறையினரை ...

ஆசியாவிலேயே மிகப்பெரிய ஹெலிகா ...

ஆசியாவிலேயே மிகப்பெரிய ஹெலிகாப்டர் தொழிற்சாலை; பிரதமர் நாட்டுக்கு அர்ப்பணிப்பு கர்நாடகா மாநிலம் பெங்களூரு சென்ற பிரதமர்மோடி மாதவரா அருகில் ...

அனைவரும் இணைவோம்-அனைவரின் வளர் ...

அனைவரும் இணைவோம்-அனைவரின் வளர்ச்சிக்காக முயற்சிப்போம் பிரதமர் திரு நரேந்திர மோடி, அசாம் மாநிலம் பார்பேட்டாவில் ...

‘க்வாட்’ அமைப்பின் மதிப்பை சீா ...

‘க்வாட்’ அமைப்பின் மதிப்பை சீா்குலைக்க முயற்சி ‘தவறான தகவ ல்கள் மூலம் ‘க்வாட்’ அமைப்பின் மதிப்பை ...

வடகிழக்கு மாநிலங்கள் அதிக தொகு ...

வடகிழக்கு மாநிலங்கள் அதிக தொகுதிகளில் களமிறங்கும் பாஜக மேகாலயாவில் மொத்தமுள்ள 60 தொகுதிகளிலும், நாகாலாந்தில் 20 தொகுதிகளிலும் ...

மருத்துவ செய்திகள்

குழந்தைகளின் மேனி பட்டுப்போல் இருக்க

பிறந்த குழந்தைக்கு தலையில் நல்லெண்ணை தேய்க்கக் கூடாது. தேங்காயெண்ணையைக் காய்ச்சித்; தேய்க்கணும். குழந்தை ...

கோரைக் கிழங்கு மருத்துவக் குணம்

உடல்பலம் பெருக்கியாகவும் தாதுவெப்பு அகற்றியாகவும், சிறுநீர், வியர்வை பெருக்கியாகவும், சதை நரம்புகளைச் சுருங்கச் ...

மூலநோய் குணமாக

தினமும் கடுக்காய்ச் சூரணம் செய்து வைத்துக்கொண்டு, உணவுக்குப் பின் திரிகடியளவு சுடுநீரில் கலந்து ...