சமையல் உருளை விலை உயர்வினை கண்டித்து நாடு முழுவதும் போராட்டம் மேற்கொள்ள இருப்பதாக பா.ஜ.க அறிவித்துள்ளது.
.
சமீபத்தில்தான் மத்திய அரசு மானிய விலை சிலிண்டர்களுக்கான கட்டுப்பாட்டை அறிவித்திருந்தது . இந்த நிலையில் மானிய விலை

சமையல் கியாஸ் சிலிண்டரின் விலை ரூ.11.42 க்கு உயர்த்தப்பட்டுள்ளது.

சமையல் கியாஸ் ஏஜென்சிகளுக்கு வழங்க கூடிய கமிஷனை உயர்த்துவதற்காக இந்த விலைஉயர்வு அமல்படுத்தப் படுவதாக மத்திய அரசு வட்டாரங்கள் அறிவித்தன. இதனால் கேஸ் சிலிண்டரின் விலை ரூ.386.50ல் இருந்து ரூ.398 ஆகியுள்ளது. வருடத்துக்கு 6 சிலிண்டர்களுக்குமேல் வீடுகளுக்கு சப்ளைசெய்ய வேண்டுமானால், கூடுதல் சிலிண்டர்கள் சந்தை விலையில் தான் வினியோகிக்கப்படும். இந்தசிலிண்டரின் விலையும் ரூ.12.17 உயர்த்தப்பட்டுள்ளது.

சமையல் கேஸ்சிலிண்டர் விலை உயர்வுக்கு பாரதிய ஜனதா கடும் கண்டனம் தெரிவித்துள்ளது. இந்த விலை உயர்வை எதிர்த்து நாடுதழுவிய போராட்டத்தை நடத்த உள்ளதாக பா.ஜ.க,வின் மகளிர் அணி தலைவர் ஸ்மிருதிஇரானி தெரிவித்துள்ளார். இந்தபோராட்டத்தில் கட்சியின் மூத்த தலைவர்கள் பங்கேற்பார்கள் என அவர் கூறினார் . வரும் 12ம் தேதி இந்தபோராட்டம் நடைபெற உள்ளதாக அவர் மேலும் தெரிவித்துள்ளார்.