நீரிழிவு நோயை கட்டுப்பாட்டில் வைத்துக்கொள்ள:

 நீரிழிவுநோயைக் கட்டுப்பாட்டில் வைத்துக் கொள்ளவும் அதன்மூலம் பாதிப்புகள் ஏற்படாவண்ணம் பாதுகாத்துக் கொள்ளவும் உதவக்கூடிய வழிகள் நான்கு அவை,

நீரிழிவு நோய் குறித்த விழிப்புணர்வைப் பெறுதல்
சரியான உணவுமுறைப் பழக்க வழக்கத்தை கடைபிடித்தல்
தேவையான உடற்பயிற்சிகளைத் தொடார்ந்து செய்தல்.
நோயுடையவர் உரிய மருத்துவம் பெறுதல்.

விழிப்புணர்வு
பொதுமக்கள் அனைவருக்கும் நீரிழிவுநோய் குறித்த விழிப்புணர்வை ஏற்படுத்த வேண்டும். நீரிழிவு குறித்த விழிப்புணர்வு என்றால், நீரிழிவுநோய் குறித்த அடிப்படைச் செய்திகளை அவர்கள் அறிந்து கொள்ளச் செய்வதே ஆகும்.

இந்நூல், நீரிழிவுநோய் குறித்த விழிப்புணர்வையும், நீரிழிவு நோயுள்ளவர்கள் பாதிப்புகள் வராமல் பாதுகாத்துக் கொள்ளும் வழிமுறைகளையும், விரிவாக விளக்கிக் கூறுகிறது.

முதல் செய்தி
நீரிழிவுநோய் குறித்த விழிப்புணர்வில் முதல் செய்தி, இந்நோய் எப்படி ஏற்படுகிறது என்பதை அறிந்து கொள்வதே.

உடல் இயக்கம்
நம் உடலுக்கு நாள் தோறும் அனைத்துப் பணிகளையும் செய்யச் சக்தி தேவைப்படுகிறது. நாம் உண்ணும் உணவுப்பொருட்கள்தான் நமக்கு வேலைகளைச் செய்வதற்குரிய சக்தியைக் கொடுக்கின்றன. இந்த உணவுப்பொருட்கள் முதலில் நம் உடலில் சர்க்கரையாக (குளுகோஸ்) மாற்றப்படுகின்றன. அப்படிச் சர்க்கரையாக மாற்றப்பட்டவை,உடலின் பல்வேறு பாகங்களில் உள்ள செல்களுக்கும் எடுத்துச் செல்லப்படுகின்றன.

இன்சுலின்
சர்க்கரையாக மாற்றப்பட்ட உணவுப்பொருட்கள்,சக்தியாக மாற்றப்பட்டு உடலில் உள்ள செல்களுக்கும் செல்ல 'இன்சுலின்' என்னும் திரவம் நுழைவாயிலாகச் செயல்படுகிறது.

இன்சுலின் என்பது, நமது உடலிலுள்ள 'கணையம்' என்ற உறுப்பில் இருந்து சுரக்கும் ஒரு திரவம் (ஹார்மோன்) ஆகும். சர்க்கரை சக்தியாக மாற இன்சுலின் அவசியம் தேவைப்படுகிறது.

நீரிழிவு நோய்
உடலிலுள்ள செல்கள் எனப்படும் மிக நுண்ணிய பாகங்கள், நம் உடல் இயக்கத்திற்கும் துணை புரிகின்றன. இச்செல்களுக்குள் குளுகோஸ் சக்தியாக மாறி சென்று சேர வேண்டும்.

இன்சுலின் போதுமான அளவில் கணையத்திலிருந்து சுரக்காவிட்டாலோ, சுரந்த இன்சுலின் செயலிழந்து இருந்தாலோ சர்க்கரை இரத்தத்தில் அப்படியே நின்று விடுகிறது.

இப்படி இரத்தத்தில் அதிக அளவில் சர்க்கரை சேருவதையே, நீரிழிவுநோய் அதாவது சர்க்கரை நோய் என்று குறிப்பிடுகிறோம்.

 

ஒருவரது உடலில்

இன்சுலின் சுரக்கவே இல்லை என்றாலும் (No Secretion)
இன்சுலின் சுரந்தாலும் – அது போதுமான அளவு இல்லை-(பற்றாக்குறை) என்றாலும் (In Adequate)
இன்சுலின் சுரந்தாலும் – அது சரியாக வேலை செய்யாமல் பயனற்றுப் போனாலும் (In Active)

அவருக்கு ஏற்படுகிற பாதிப்பைதான் நீரிழிவுநோய் என்கிறோம்.

இயற்கையின் விந்தை
இன்சுலின் இன்மை,இன்சுலின் பற்றாக்குறை, இன்சுலினின் செயலற்றத்தன்மை ஆகிய மூன்று காரணங்களில் ஏதோ ஒன்று, ஒருவருக்கு ஏற்படுவதற்குக் காரணம் என்ன என்பது எதுவும் அறியப்படவில்லை. அது இயற்கையாக நடக்கிற ஒன்றாகவே அமைகிறது.
இயற்கையின் விந்தை

நன்றி : டாக்டர் வேணு புருஷோத்தமன்

Leave a Reply

Tamilthamarai

தற்போதைய செய்திகள்

ஸ்மிரிதி வனம் இடம் பெற்றிருப்ப ...

ஸ்மிரிதி வனம் இடம் பெற்றிருப்பது குறித்து மோடி மகிழ்ச்சி 2001-ம் ஆண்டு ஏற்பட்ட துயர சம்பவத்தில் உயிரிழந்தவர்களுக்கு அஞ்சலி ...

இந்தியா-வின் முற்போக்கான பாதை எ ...

இந்தியா-வின் முற்போக்கான பாதை என்ற தலைப்பில் நாளை நடக்கும் மாநாடு 2023 டிசம்பர் 25ந்தேதி. "பாரதிய நியாய சன்ஹிதா 2023", ...

கடற்படையின் தயார்நிலை குறித்த ...

கடற்படையின் தயார்நிலை குறித்து பாதுகாப்புத்துறை அமைச்சர் ஆய்வு பாதுகாப்பு அமைச்சர் ராஜ்நாத் சிங், இன்று (ஜூன் 14, ...

குவைத் தீ விபத்து இந்தியர் உடல ...

குவைத்  தீ விபத்து இந்தியர் உடல்களுடன் சிறப்பு விமானம் கொச்சி வந்தடைந்தது சென்னை: குவைத் தீ விபத்தில் உயிரிழந்த 7 தமிழர்கள் ...

நீட் தேர்வு பற்றிய தர்மேந்திர ப ...

நீட் தேர்வு பற்றிய தர்மேந்திர பிரதானின் கருத்து மருத்துவ நுழைவுத் தேர்வான நீட் தேர்வில் வினாத்தாள் கசிந்ததாக ...

குவைத் தீ விபத்து-மோடி ஆலோசனை

குவைத்  தீ விபத்து-மோடி ஆலோசனை குவைத் தீ விபத்து தொடர்பாக வெளியுறவுத் துறை இணை ...

மருத்துவ செய்திகள்

நீரிழிவுநோய் உடையவர்களுக்கு உணவு முறை

நீரிழிவுநோய் உடையவர்களுக்கு இந்த அட்டவணையில் சில மாற்றங்களைச் செய்து கொள்ள வேண்டும். அதற்கு ...

இலந்தையின் மருத்துவ குணம்

ஒரு கைப்பிடியளவு இலந்தையின் கொழுந்து இலையை ஒரு புதுச்சட்டியில் போட்டு நன்றாக வதக்கிய ...

அத்தியின் மருத்துவ குணம்

சிலருக்கு மூலம் வெளியே வரும் உள்ளே போகும். இப்படிப்பட்டவர்கள் அத்தி இலையில் ...