மராட்டியத்தில் பா.ஜனதா- சிவசேனா கூட்டணி அரசின் 100 நாள் சாதனை பட்டியலை முதல்-மந்திரி தேவேந்திர பட்னாவிஸ் நாளை வெளியிடுகிறார்.
மராட்டியத்தில் பா.ஜனதாவுக்கு பெரும்பான்மை இல்லாத போதிலும் கடந்த அக்டோபர் மாதம் 31-ந் தேதி அக்கட்சி தனித்து ஆட்சி அமைத்தது. முதல்-மந்திரியாக 44 வயது தேவேந்திர பட்னாவிஸ் பதவி ஏற்றுக் கொண்டார். பின்னர் ஆட்சியில் சிவசேனா பங்கு பெற்று கூட்டணி அரசாக மாறியது. இந்த அரசு அமைந்து ஜனவரியுடன் 3 மாதங்களை நிறைவு செய்துவிட்டது. அரசு தனது 100-வது நாளை நெருங்கி கொண்டு இருக்கிறது.
இந்த நிலையில் அரசின் 100 நாள் சாதனை பட்டியலை வெளியிட முதல்-மந்திரி தேவேந்திர பட்னாவிஸ் முடிவு செய்து உள்ளார். இதற்காக மத்திய அரசில் பிரதமர் நரேந்திர மோடி பாணியில், முதல்-மந்திரி தேவேந்திர பட்னாவிசும் தனது மந்திரி சபை சகாக்களிடம் இதுவரை செய்த சாதனை பட்டியலை தாக்கல் செய்ய உத்தரவிட்டு உள்ளார். பா.ஜனதா மற்றும் சிவசேனாவை சேர்ந்த அனைத்து மந்திரிகளுக்கும் இந்த உத்தரவு பிறப்பிக்கப்பட்டு உள்ளது.
இதுகுறித்து சிவசேனாவை சேர்ந்த தொழில் துறை மந்திரி சுபாஷ் தேசாய் கூறுகையில், "மந்திரிகள் தங்களது இலாகாக்களில் இதுவரை செய்த பணிகள், நிறைவேற்ற முடிவு செய்துள்ள முக்கிய திட்டங்கள் பற்றிய பட்டியலை தாக்கல் செய்யும்படி எங்களுக்கு முதல்-மந்திரி உத்தரவிட்டு இருக்கிறார். அதன்படி நானும் எனது இலாகாவில் செய்த பணிகளை விவரித்து பட்டியலை தாக்கல் செய்துள்ளேன்" என்றார்.
முதல்-மந்திரி தேவேந்திர பட்னாவிஸ் 'மராட்டியத்தில் உருவாக்குவோம்' என்ற திட்டத்தின் கீழ் மாநிலத்தை வளர்ச்சியடைய செய்ய உறுதிபூண்டு உள்ளார். அதன் ஒருகட்டமாக அவர் தனது அரசின் 100 நாட்கள் சாதனை பட்டியலை வருகிற 7-ந் தேதி (நாளை) பொதுமக்கள் அறிந்து கொள்ளும் வகையில் வெளியிட முடிவு செய்து உள்ளார்.
இதற்காகவே அனைத்து மந்திரிகளிடமும் சாதனை பட்டியலை கேட்டு உள்ளார். பா.ஜனதா கட்சி மாநில வளர்ச்சியை முன்னிலைப்படுத்தியே வாக்கு சேகரித்தது. அதனை நம்பி மக்களும் பா.ஜனதாவுக்கு அதிகாரம் கொடுத்து உள்ளனர். இதனால் மக்களுக்கு பதிலளிக்க வேண்டும் என்ற நோக்கத்தில் மந்திரிகளிடம் சாதனை பட்டியலை முதல்-மந்திரி கேட்டு உள்ளார்.
குறிப்பாக உணவு மற்றும் வினியோகத்துறை 'பயோமெட்ரிக்' முறையை அமல்படுத்த திட்டமிட்டு உள்ளது. சேவை உரிமை மசோதாவை பொது நிர்வாகத்துறை அறிமுகப்படுத்தி உள்ளது. காலாவதியான திட்டங்களை சீரமைக்க சமூக நீதித்துறை நடவடிக்கை எடுத்து வருகிறது. இதுபோன்ற அம்சங்கள் சாதனை பட்டியலில் இடம்பெறும்.
இவ்வாறு அந்த அதிகாரி கூறினார்.
முருங்கை பட்டையை நன்றாக சிதைத்து அதனுடன் சிறிது உப்பு சேர்த்து வீக்கங்களின் மீது-வைத்து ... |
பன்றிக்காய்ச்சல் இன்புளூயன்சியா எச்1 என் 1 என அழைக்கப்படுகிறது. இதில் மூன்று வகை ... |
சாதனா என்றால் அப்பியாசா" அல்லது 'நீடித்த பயிற்சி" என்று பொருள். நீடித்த பயிற்சி ... |
Leave a Reply
You must be logged in to post a comment.