காங்கிரஸ் மூத்த தலைவரான குலாம்நபி ஆசாத், கட்சிக்காக மட்டும் அல்லாமல் நாட்டிற்காக கவலைப்பட்டவர் என அவரது பிரிவு உபசாரவிழாவில் ராஜ்யசபாவில் நடந்த உரையில் பிரதமர் மோடி உணர்ச்சிவசப்பட்டு கண்கலங்கினார்.

காஷ்மீரை சேர்ந்த காங்., மூத்த தலைவர் குலாம் நபி ஆசாத், அக்கட்சியின் ராஜ்யசபா எதிர்க்கட்சி தலைவராக பதவிவகித்து வருகிறார். இவரது பதவிகாலம் வரும் 15ல் முடிவுக்கு வருகிறது. காஷ்மீர் யூனியன் பிரதேசமாக மாற்றப்பட்ட பின்னர், சட்ட சபை தேர்தல் நடத்தப்பட வில்லை. எனவே குலாம் நபி சுாத் மீண்டும் ராஜ்யபசா எம்.பி.,யாக அங்கிருந்து தேர்வாக வாய்ப்பில்லை.

இந்நிலையில், ராஜ்யசபாவில் ஓய்வுபெறும் எம்.பி.,க்களுக்கான பிரிவு உபசாரவிழா நடந்தது.

அப்போது, அவர்களைபாராட்டி மோடி உருக்கமாக பேசியதாவது:
குலாம் நபி ஆசாத்தை உண்மையான நண்பனாக கருதுகிறேன். அவரதுகட்சிக்காக மட்டும் அல்லாமல், நாட்டிற்காகவும், இந்த அவைக்காகவும் கவலைப்பட்டவர். அவரது இடத்திற்கு வரும் புதியதலைவரால், குலாம் நபியின் பணியை நிரப்ப முடியாது. இவர் அவையைவிட்டு போனாலும் அவரது அறிவுரகைள் , கருத்துக்கள் என்றும் தேவைப்படும். அவருக்கு நான் தலை வணங்குகிறேன், என கண் கலங்கியவாரே பேசினார். மேலும் ” ஆசாத் சல்யூட் ” என நெற்றியில் கை வைத்து அடித்து காட்டினார். இந்நேரத்தில் அவையில் உறுப்பினர்கள் பலரும் உணர்ச்சிப்பூர்வமாக காணப்பட்டனர்.