அறிந்து கொள்வோம் : சிறுநீரகம்

மனித உடலின் இடுப்புக்கு மேலே இருபுறமும் விலா எழும்புக் கூண்டுக்குள் மறைந்து இருப்பவை சிறுநீரகங்கள். அவரை விதை வடிவில் சிறிதாக இருக்கும் சிறுநீரகங்களுக்கு, உடல் முழுவதும் ஓடும் மொத்த ரத்தத்தில் 25 சதவீதம் ஓடுகிறது.

உடல் முழுவதுக்கும் தேவைப்படும் ஆக்சிஜனில் 10 சதவீதம் சிறுநீரகத்துக்கு செல்கிறது. ஒரு நிமிடத்துக்கு 2.4 லிட்டர் ரத்தத்தை வடிகட்டி, அதில் உள்ள கழிவுகளை நீக்குகின்றன. உடலுக்கு தேவையான நீர்சத்து சம நிலையில் இருக்க உதவுகிறது.

ரத்த அழுத்தம்: ரத்த அழுத்தத்தை கட்டுப்பாட்டில் வைக்க சிறுநீரகங்கள் உதவுகின்றன. அமில-காரத் தன்மையைக் காக்க உணவுகின்றன. மேலும் ரத்த சிவப்பணுக்கள் உற்பத்திக்குப் சிறுநீரகங்கள் உதவுகின்றன. சிவப்பணுக்கள் உற்பத்திக்கு உதவும் எரித்தோபாய்ட்டின் (Erythopietin) என்ற ஹார்மோனை சிறுநீரகங்கள் சுரக்கின்றன. இந்த ஹார்மோன் சுரப்பியில் குறையேற்படும் போது, ரத்த சோகை ஏற்படுகிறது.

இவ்வாறு அத்தனை பணிகளையும் ஒரு மனிதன் ஆயுள் முழுவதும் சிறுநீரகங்கள் செவ்வனே செய்கின்றன. அதில் எதாவது வேலை செய்யாமல் மக்கர் செய்ய ஆரம்பிக்கும் போது பிரச்சனைகள் ஆரம்பம் ஆகின்றன.

சிறுநீரகத்தில் ரத்த வடிகட்டிகள்:

பொதுவாக ஒவ்வொரு மனிதனும் இரண்டு சிறுநீரகங்களுடன் பிறக்கிறான். அதன் எடை 150 கிரம். 12 செ.மீ நீளம் 5 செ.மீ அகலம் உடையது. சிறுநீரகத்தைப் பொருத்தவரை அதன் அளவு முக்கியம். எனெனில் நோய்காரணமாக இவை பாதிக்கப்படும் நிலையில் அதன் அளவு குறையவோ கூடவோ வாய்ப்பு உள்ளது.

உடல், உயிரின் முக்கிய ஆதாரமாக இதயம் உள்ளது போல், சிறு நீரகங்களில் இயல்பான பணியைத் தீர்மானிப்பவை அவற்றில் உள்ள ரத்த வடிகட்டிகள் (Nephorons). ஒரு சிறுநீரகத்தில் 10 லட்சம் என இரண்டு சிரகத்திலும் சேர்த்து மொத்தம் 20 லட்சம் வடிகட்டிகள் உள்ளன. இந்த வடிகட்டிகள் சல்லடை போன்றவை. இந்த வடிகட்டிகள் கழிவுகளை வடிகட்டி வெளியேற்றி, சுத்தமான ரத்தத்தை மட்டும் உடலுக்குள் மீண்டும் அனுப்புகின்றன. எஞ்சிய கழிவுகள் சிறுநீர்பையில் தேங்கி, அங்கிருந்து சிறுநீராக வெளியறுகிறது. இந்த வடிகட்டிகள் 24 மணி நேரமும் செயல்பட்டுக் கொண்டே இருக்கின்றன.

சிறுநீரகங்கள் பாதிக்கப்படுவது ஏன்?

இந்தியாவில் சக்கரை நோயின் காரணமாக 30 சதவீதமும், உயர் ரத்த அழுத்தத்தால் 10 சதவீதமும் சிறுநீர்கோளாறுகள் ஏற்படுகின்றது. சிறுநீரகங்கள் முழுவதும் சிறு சிறு ரத்த நாளங்கள் அதிக அளவில் உள்ளன. இயல்பான அளவுக்கு அதிகமான ரத்த அழுத்தம் மற்றும் கட்டுப்பாட்டில் இல்லாத சக்கரை நோய் காரணமாக ரத்த நாளங்கள் பழுதடைந்துவிடுகின்றன. நஞ்சுப்பொருள்கள் ரத்தத்தில் அதிக அளவில் கலப்பதால் இத்தகைய நோயாளிகள் கொஞ்சம் கொஞ்சமாக பாதிப்புக்கு உள்ளாகிறார்கள். குறிப்பாக உயர் ரத்த அழுத்த நோயானது, சிறுநீரக செயல்பாட்டை குறைப்பதோடு மற்றும் கோளாறுகளால் ஏற்படும் சிறுநீரக பாதிப்பை அதிகப்படுத்துகிறது.

ரத்த அழுத்தம் பார்க்க மறக்காதீர்கள்: உயர் ரத்த அழுத்தம் மற்றும் சக்கரை நோயாளில் எப்பொழுது டாக்டரிடம் சென்றாலும், ரத்த அழுத்த அளவைப் பார்த்துக்கொள்வது அவசியம். அவ்வப்பொழுது ரத்த அழுத்த அளவையும், ரத்தத்தில் சக்கரையின் அளவையும் பரிசோதனை செய்து கொண்டு டாக்டரின் பரிந்துரைப்படி சிகிச்சை எடுத்துக் கொள்வது அவசியம். ரத்த அழுத்தத்தை கட்டுப்பாட்டில் வைத்துக் கொள்வதன் மூலம் நீண்ட நாள் ஆரோக்கியத்துடன் வாழலாம்.

சிறுநீரக செயலிழப்பு அறிகுறிகள் என்ன?

ஆரோக்கியமான நிலையில் உள்ளவர்கள் எப்பொழுதும் கீழ் கண்ட அறிகுறிகள் வெளிப்பட்டால் உஷார்அடைவது அவசியம்.

பாதத்தில் வீக்கம்.

சுவாசிப்பதில் சிரமம்.

சிறுநீர் கழிக்கும் போது வலி.

அடிக்கடி சிறுநீர் கழித்தல் (ஒரு மணி நேரத்துக்குள் இரண்டு முறைக்கு மேல் கழித்தல்).

சிறுநீரகம் உள்ள இடத்துக்கு மேல் (விலாபுரத்தில்) வலி இருத்தல் போன்ற அறிகுறிகள் தென்பட்டால் உடனே டாக்டரிடம் செல்வது அவசியம்.

கோளறைக் கண்டுப்பிடிக்கும் சிறுநீர், ரத்தப் பரிசோதனை: சிறுநீரில் எப்பொழுதும் கழிவு மட்டும் வெளியேற வேண்டும். உடலுக்குள் செல்ல வேண்டிய புரதச் சத்து சிறுநீரில் வெளியேறவே கூடாது. சிறுநீரக கோளாறு உள்ளவர்களில் 80 சதவீதத்தினருக்கு சிறுநீறுடன் புரதமும் வெளியேறுகிறது. எனவே ரத்தம், சிறுநீர்ப் பரிசோதனை செய்து சிறுநீரக கோளறு குறித்த சந்தேகத்தை டாக்டர் எளிதாக உறுதி செய்துவிடுவார். குறிப்பாக ரத்த பரிசோதனையின் மூலம் சிறுநீரகங்களில் உள்ள ரத்த வடிகட்டிகளின் செயல் திறனைக் கண்டுப்பிடிக்க முடியும். ரத்த அழுத்த அளவு 120/80 எம்எம் எச்ஜி என்ற இயல்பான அளவுக்கு அதிகமாக இருந்தாலோ , சிறுநீரில் புரதச் சத்து வெளியேறுவதாக தெரிந்தாலோ தொடர் சிகிச்சை அவசியம்.

மலிவு விளையில் மாத்திரைகள்: ரத்த அழுத்தத்தை இயல்பான அளவுக்கு கொண்டுவந்து கட்டுப்பாட்டில் வைத்துக் கொள்ளவும், சக்கரையின் அளவைக் கட்டுப்பாட்டில் வைத்துக் கொள்ளவும் சிறுநீரில் புரதம் வெளியேறுவதைத் தடுக்கவும் மலிவான விலையில் நல்ல மாத்திரைகள் உள்ளன. இவ்வாறு செய்வதன் மூலம் விலை மதிப்பற்ற சிறுநீரகங்கள் செயலிழப்புக்கு உள்ளாவதைத் தடுத்துக் கொள்ள முடியும். டயாலிசிஸ் போன்ற சிகிச்சைக்கு ஆகும் பணமும் மிச்சமாகும்.

சிறுநீரக செயலிழப்பு, சிறுநீரக பாதிப்பு கல்,  கற்கள், கோளறு , நோய் அறிகுறி ,சிறுநீரகம் மருத்துவ குறிப்பு

Leave a Reply

Tamilthamarai

தற்போதைய செய்திகள்

உலகின் 3வது பெரிய பொருளாதார நாட� ...

உலகின் 3வது பெரிய பொருளாதார நாடாக மாற செய்ய வேண்டியது என்ன? சிறு நகர வளர்ச்சிக்கு பிரதமர் மோடி முக்கியத்துவம் உலகின் நான்காவது பெரிய பொருளாதார நாட்டிலிருந்து மூன்றாவது பெரிய ...

குஜராத்தில் ரூ.78 ஆயிரம் கோடியில� ...

குஜராத்தில் ரூ.78 ஆயிரம் கோடியில் வளர்ச்சி திட்டங்கள் குஜராத்தில் ரூ.78 ஆயிரம் கோடி மதிப்பிலான திட்டங்களை பிரதமர் ...

இனி வெளிநாட்டுப் பொருட்களைப் ப� ...

இனி வெளிநாட்டுப் பொருட்களைப் பயன்படுத்த வேண்டாம் -பிரதமர் மோடி வேண்டுகோள் காந்திநகரில் நடைபெற்ற நிகழ்ச்சியில் உரையாற்றிய பிரதமர் நரேந்திர மோடி, ...

பிரதமர் மோடியின் 11 ஆண்டு கால ஆட் ...

பிரதமர் மோடியின் 11 ஆண்டு கால ஆட்சியை மறந்து விட்டது பாகிஸ்தான் – அமித்ஷா மகாராஷ்டிரா மாநிலம் நாந்தேட்டில் நடைபெற்ற பொதுக் கூட்டத்தில் மத்திய ...

அரசு ரப்பர் தொழிலாளர்களுக்கு ப� ...

அரசு ரப்பர் தொழிலாளர்களுக்கு பாதுகாப்பு கவசங்கள்: திமுக அரசுக்கு பா.ஜ., வலியுறுத்தல் கடந்த 152 நாட்களாக தொடர் போராட்டத்தில் ஈடுபட்டுள்ள கீரிப்பாறை ...

தவிக்கும் தென் மாவட்ட மக்கள்

தவிக்கும் தென் மாவட்ட மக்கள் ''தாமிரபரணி ஆற்றிலிருந்து நேரடியாக எடுக்கப்படும் குடிநீர் மாசுபட்டிருப்பதால் தென் ...

மருத்துவ செய்திகள்

Down Syndrome என்றால் என்ன? அதைப் பற்றிய விழிப்புணர்வு எல்லோருக்கும் தேவையா ?

கண்டிப்பாக Down Syndrome பற்றி எல்லோரும் தெரிந்து கொள்ள வேண்டும். ஒரு ...

கெட்ட கொழுப்பை குறைக்கும் ஓட்ஸ்

உடல் கொழுப்பு குறைந்து மெலிய விரும்புவர்களுக்கு பரிந்துரைக்கபடும் உணவு வகையில் முதன்மையாக இடம் ...

திராட்சையின் மருத்துவக் குணம்

திராட்சையானது பத்திய உணவுக்கு ஏற்றது. பசியையும் தூண்டவல்லது. தொண்டை, முடி, தோல், கண்களுக்கு ...