குஜராத்தில் வரவிருக்கும் சட்டமன்ற தேர்தலில் மோடி வெற்றிபெற்று மூன்றாவது முறையாக ஆட்சியை பிடிப்பதை எந்த சக்தியாலும் தடுக்கமுடியாது என சிவசேனா தலைவர் பால்தாக்கரே கருத்து தெரிவித்துள்ளார்.

இதுகுறித்து தனது கட்சி பத்திரிகையான சாம்னாவில் தெரிவித்திருப்பதாவது :-

மோடியின் தலைமையில் குஜராத் கடந்த பத்து வருடத்தில் வேகமான வளர்ச்சியை அடைந்துள்ளது. எனவே, மோடியின் வெற்றி அணி வகுப்பை தடுத்து நிறுத்துவது எளிதான ஒன்றல்ல .

குஜராத் கலவரத்தின் போது, மோடியை மரணவியாபாரி என காங்கிரஸ் கட்சி குற்றம் சுமத்தியது . ஆனால் நடந்தது என்ன? தேர்தலில் காங்கிரஸ் கட்சியால் வெறும் 55 இடங்களையே பிடிக்க முடிந்தது . மோடி தலைமையிலான பாரதிய .ஜனதா 121 இடங்களை பெற்றது.

தற்போது குஜராத்தில் நடை பெற்ற பேரணியில் பேசிய சோனியாகாந்தி, ஒருமுறை கூட மோடியின் பெயரை குறிப்பிடவில்லை. இது தேர்தலுக்கு முன்பே காங்கிரஸ்சின் தோல்வியை குறிக்கும் அறிகுறியாகும் என்று
பால்தாக்கேரே கூறியுள்ளார்.