மத்திய சாலை மற்றும் கப்பல் போக்கு வரத்து துறை மந்திரி நிதின்கட்காரி இன்று ஐதராபாத்தில் நடைபெற்ற நிகழ்ச்சியில் கலந்துகொண்டார். அப்போது அவர் பேசியதாவது:-

இந்தியாவின் தேசியநெடுஞ்சாலைகள் மத்திய அரசின் தேசிய நெடுஞ்சாலைத்துறையால் பராமரிக்கப்படுகின்றன. மாநில நெடுஞ்சாலைகள் அந்தந்த மாநில அரசுகளால் நிர்வகிக்கப் படுகின்றன.

தேசிய நெடுஞ்சாலைகளின் நீளம் தற்போது 96 ஆயிரம் கிலோமீட்டர் உள்ளது. அது 2 லட்சம் கிலோ மீட்டராக அதிகரிக்கப்படும். தற்போது ஒருலட்சத்து 65 ஆயிரம் கி.மீ. சாலைகள் தேசிய நெடுஞ்சாலைகளாக மாற்றப்பட்டுள்ளது.

முதலில் தேசிய நெடுஞ் சாலைகளின் நீளத்தை அதிகரிக்க முடிவுசெய்துள்ளோம். அதன்பின்னர், போக்குவரத்து நிலைமைக்கு ஏற்ப 4 வழி மற்றும் 6 வழிச் சாலையாக அவற்றை மாற்றுவதற்கு திட்ட மிட்டுள்ளோம்.

வரும் காலங்களில் சாலை விபத்துக்களில் அப்பாவிமக்கள் உயிரிழப்பதை கட்டுப்படுத்த அனைத்து தரப்பினரும் அதிக முக்கியத்துவம் கொடுத்து பொறுப்புணர்வுடன் செயல்படவேண்டும்.