அன்னா ஹசாரே காலவரையற்ற உண்ணாவிரத போராட்டம் நடத்தி வருகிறார். ஊழலை ஒழிப்பதற்கு வலிமையான லோக்பால் சட்டம் நிறைவேற்றக் கோரி அவர் போராட்டத்தில் ஈடுபட்டுள்ளார்.

ஹசாரேவுக்கு இந்தியா முழுவதும் ஆதரவு இருந்து வருகிறது. இந்த ஆதரவு நாளுக்கு நாள் அதிகரித்த வண்ணமாய் உள்ளது. ஒவ்வொரு நகரிலும் அவருக்கு ஆதரவான பேரணி நடந்து வருகிறது. அன்னா

ஹசாரேவுக்கு ஆதரவான பேரணி மும் பையில் நேற்று நடந்தது. மும்பையை குலுக்கும் வகையில் இந்த பேரணி நடந்தது. இதில் 1 லட்சம் பேர் வரை பங்கேற்றனர். மக்கள் வெள்ளம் கடலலை போல் இருந்தது.

இந்த பேரணியில் இளைஞர்கள், வயதானவர்கள், ஆண்கள், பெண்கள் என பல தரப்பு மக்கள் பங்கேற்றனர். குறிப்பிட்ட இடத்தில் மக்கள் குவிய 3 மணி நேரம் ஆனது. பாந்த்ராவில் இருந்து ஜுகு வரை மக்கள் குவிந்து இருந்தனர். அவர்கள் கையில் தேசிய கொடி வைத்திருந்தனர். பேரணியில் பங்கேற்ற வர்கள் அன்னா ஹசாரே வுக்கு ஆதரவாக கோஷம் எழுப்பினார்கள்.

டுவிங்கிள் டுவிங்கிள் லிட்டில் ஸ்டார் அன்னா இஸ் ஏ சூப்பர் ஸ்டார் என்ற கோஷத்தை எழுப்பினர். மேலும் வந்தே மாதரம், பாரத் மாதா கீ ஜே, இன்குலாப் ஜிந்தாபாத் போன்ற கோஷங்களையும் எழுப்பினர். இந்த பேரணியில் பங்கேற்ற 81 வயதான லீலா பெண் என்பவர் கூறும்போது என்னால் எவ்வளவு நடந்து செல்ல முடியுமோ அவ்வளவு தூரம் செல்வேன் என்றார்.

பேரணியில் பங்கேற்ற கப்பல்படை அதிகாரி மனிஷ் குமார் கூறும்போது அன்னா ஹசாரேவுக்கு ஆதரவு தெரிவிக்க இதுதான் சரியான நேரம் என்றார்.