ஐநா சபையில் இந்தியாவுக்கு எதிராக போலியான புகைப் படத்தைக் காட்டி அனுதாபம்தேட முயன்ற பாகிஸ்தானுக்கு இந்தியா பதிலடி கொடுத்துள்ளது. காஷ்மீர் விவகாரம்தொடர்பாக ஐநா சபையில் பேசிய பாகிஸ்தான் பிரதிநிதியான மலிஹா லோதி காஷ்மீரில் மனித உரிமைகள் மீறப்படுவதாக குற்றம் சாட்டினார். அப்போது முகம் முழுவதும் பெல்லட் குண்டுகளால் தாக்கப்பட்ட பெண்ணின் புகைப் படத்தையும் அவர் காட்டினார். அந்தப் புகைப்படம் காஷ்மீரில் எடுக்கப் பட்டது என்றும் காஷ்மீரில் இதுபோன்ற தாக்குதல்கள் நடப்பதாகவும் அவர் குற்றம் சாட்டினார். மேலும் இதுதான் இந்திய ஜனநாயகத்தின் உண்மை முகம் என்றும் அவர் கூறினார்.

அந்த புகைப்படம் பாகிஸ்தான் வெளியுறவுத்துறையின் அதிகாரபூர்வ டுவிட்டர் பக்கத்திலும் வெளியிடப் பட்டது. ஆனால் உண்மையில் அந்தப் பெண காஷ்மீரைச்சேர்ந்தவர் அல்ல என்பதை இந்தியா தெளிவு படுத்தியது.

அந்தப்பெண் 17 வயதான பாலஸ்தீனத்தின் காஸா பகுதியைச்சேர்ந்த ரவியா அபு ஜோமா ஆவார்.மேலும் அந்தப்படம் கடந்த 2014-ம் ஆண்டில் காஸா நகர் மீது இஸ்ரேல் போர்விமானங்கள் தாக்குதல் நடத்தியபோது ரவியாவின் முகத்தில் பலத்த காயங்கள் ஏற்பட்டன.