ஜார்க்கண்ட் மாநிலம், சிம்டேகா மாவட்டத்தில் ராமரேகை கோயில் உள்ளது. ராமர், சீதை, லட்சுமணன் ஆகிய மூவரும் 14 ஆண்டுகள் வனவாசம் சென்ற போது, ராம ரேகை என்ற இடத்தில் சிலநாள்கள் தங்கியிருந்ததாகக் கூறப்படுகிறது. அங்குள்ள குகையில் ராமர் உள்ளிட்ட தெய்வங்களின் சிலைகள் வைக்கப்பட்டுள்ளன. இந்தக்கோயிலில் வழிபடுவதற்காக மோகன் பாகவத், புதன் கிழமை சிம்தேகா மாவட்டத்துக்கு வருகைதந்தார். பின்னர், விசுவ ஹிந்து பரிஷத், ஹிந்து தர்ம ரக்ஷா சமிதி, தாம் விகாஸ் சமிதி ஆகிய அமைப்புகளின் பிரதிநிதிகள் மத்தியில் உரையாற்றினார்.

அவர் பேசியதாவது:புனிதத்தலங்களின் பெருமை பற்றி நிறைய கேள்விப்பட்டிருக்கிறேன். அந்த தலங்களுக்குச் சென்று வழிபடுவதை அதிருஷ்டமாகக் கருதுகிறேன்.
சனாதன தர்மத்தை பின்பற்றுவோர் மட்டுமே ஹிந்துக்கள் என்ற தவறானகருத்து நிலவுகிறது. சனதான தர்மம் உண்மையை அடிப்படையாக கொண்டது. எனவே, இதை நீங்கள் மனதில்நிறுத்தி அச்சமின்றி இறைச்சேவை புரிய வேண்டும்.

இந்தியா ஒருதேசம்; இதில், ஜாதி, மத ரீதியில் பாகுபாடுகிடையாது என்று நமது அரசமைப்புச் சட்டம் கூறுகிறது. நான் மகாராஷ்டிரத்தைச் சேர்ந்தவன், நீங்கள் ஜார்க்கண்ட் மாநிலத்தைச் சேர்ந்தவர்கள்.

ஆனால், நாம் அனைவரும் இந்தியர்கள். உலகம், நம்மை அப்படித் தான் அழைக்கிறது. மக்கள் ஒற்றுமையுடன் வாழவேண்டும் என்றே சனாதன தர்மம் கற்பிக்கிறது. இந்தியா மீண்டும் ஒரு நாள் உலக நாடுகளின் தலைமையாகமாறும் என்றார் மோகன் பாகவத்.