அதிமுக அரசிற்கு தெம்பிருந்தால் மேயர்பதவிக்கு நேரடித் தேர்தலை நடத்துங்கள்

தமிழகத்தில் உள்ளாட்சி தேர்தலுக்கான தேதியை தேர்தல்ஆணையம் டிசம்பர் 2ஆம் தேதி அறிவிக்க வாய்ப்புண்டு என்று கூறுகின்றனர். இதனால் ஆளுங்கட்சியான அதிமுக சார்பாக, உள்ளாட்சி தேர்தலில் போட்டியிடவிரும்பும் கட்சி உறுப்பினர்கள் விருப்பமனு தாக்கல் செய்யலாம் என்று அதிமுக தலைமை அறிவித்துள்ளது. தற்போது, எதிர்க்கட்சியான திமுக.,வும் தங்களது தொண்டர்களுக்கு விருப்பமனு தாக்கல் செய்ய அழைப்பு விடுத்துள்ளது. இந்நிலையில் கூட்டணி கட்சிகள் மேயர் பதவிகேட்டு அதிமுக தலைமைக்கு அழுத்தம் கொடுத்து வருவதாக சொல்லப்படுகிறது. இதில் பாஜக, பாமக, தேமுதிக கட்சியினர் மேயர் பதவி வேண்டும் என்று கூறுவதாக சொல்லப்படுகிறது.

இதனையடுத்து தனியார் தொலைக்காட்சி ஒன்றில் பாஜக மாநில பொருளாளர் எஸ்.ஆர்.சேகர் பேசும்போது, கூட்டணி கட்சிகளுக்கு இடம் தராமல் தவிர்க்கவே ஆளும் அதிமுக ஆட்சி மேயர் பதவிகளுக்கு நேரடிதேர்தலை தவிர்த்து, மறைமுக தேர்தல் மூலம் நடத்த ஆளும்கட்சி முயற்சிசெய்து வருகிறது என்று பாஜக மாநில பொருளாளர் எஸ்.ஆர்.சேகர் கடுமையாக விமர்சித்துள்ளார். மேலும் அதிமுக அரசிற்கு தெம்பிருந்தால் மேயர்பதவிக்கு நேரடித் தேர்தலை நடத்த வேண்டும் என்று தமிழக அரசை பாஜக கட்சி கேட்கிறோம் என்றும் தெரிவித்துள்ளார்.