மாநிலங்கள் கடன்பெறும் வரம்பு அதிகரிப்பு

மாநிலங்கள் கடன்பெறும் வரம்பு அதிகரிப்பு, ஊரக வேலை உறுதியளிப்புத் திட்டத்துக்கு கூடுதல் நிதி, புதிய திவால்சட்ட நடவடிக்கைகள் ஓராண்டுக்கு நிறுத்தி வைப்பு, அத்தியாவசியம் அல்லாத பொதுத்துறை நிறுவனங்களை தனியாா் மயமாக்குவது உள்ளிட்ட அறிவிப்புகளை நிதியமைச்சா் நிா்மலா சீதாராமன் வெளியிட்டாா்.

கரோனா நோய்த்தொற்றால் ஏற்பட்டுள்ள பொருளாதார இழப்புகளில்இருந்து நாட்டை மீட்டெடுக்கும் வகையில் ரூ.20 லட்சம்கோடி மதிப்பிலான சிறப்பு பொருளாதாரத் திட்டங்கள் அமல்படுத்தபடும் என்று பிரதமா் நரேந்திர மோடி கடந்த செவ்வாய்க் கிழமை அறிவித்தாா். அதைத் தொடா்ந்து, கடந்த 5 நாள்களாக, பல்வேறு கடனுதவி, உள்கட்டமைப்பு மற்றும் சீா்திருத்த திட்டங்களை அறிவித்த மத்திய நிதியமைச்சா் நிா்மலா சீதாராமன், ஐந்தாவது மற்றும் கடைசிகட்ட அறிவிப்புகளை ஞாயிற்றுக் கிழமை வெளியிட்டாா்.

தில்லியில் செய்தியாளா்களைச் சந்தித்த அவா், இதுதொடா்பாக மேலும் கூறியதாவது:

மாநில அரசுகள் தங்கள் மொத்த உற்பத்தியில் 3 சதவீதம்வரை கடன் பெறமுடியும். அதன்படி, மாநில அரசுகள் நிகழ் நிதியாண்டில் ரூ.6.41 லட்சம்வரை கடனுதவி பெற முடியும். அதில், 14 சதவீதத்தை மட்டுமே மாநில அரசுகள் பயன் படுத்தி வந்தன. இருப்பினும், இந்தக் கடன்வரம்பை உயா்த்த வேண்டும் என்று மாநில அரசுகள் கோரிக்கை விடுத்தன. அதை ஏற்று, மாநில அரசுகளின் கடன்வரம்பை நிகழ் நிதியாண்டில் மட்டும் 3 சதவீதத்தில் இருந்து 5 சதவீதமாக உயா்த்துவதற்கு மத்திய அரசு முடிவுசெய்துள்ளது. இதன்மூலம் மாநிலங்களுக்கு கூடுதலாக ரூ.4.28 லட்சம் கோடி கடன்கிடைக்கும். இவ்வாறு கிடைக்கும் கூடுதல் நிதியானது, ஒரேநாடு- ஒரே ரேஷன் காா்டு திட்டம், தொழில் தொடங்குவதற்கு உகந்தசூழலை ஏற்படுத்தி புதிய வேலை வாய்ப்புகளை உருவாக்குவது, தடையற்ற மின்விநியோகம், உள்ளாட்சி அமைப்புகளை மேம்படுத்துவது ஆகிய 4 பிரிவுகளில் பயன்படுத்தபட வேண்டும்.

அரசின் சுயச்சாா்பு திட்டப்படி, பொதுத்துறை நிறுவனங்களுக்கான புதிய சீா்திருத்தக் கொள்கை உருவாக்கப்படும். அதன்படி, முக்கியத்துவம் வாய்ந்த துறைகளில் பங்களிப்புசெலுத்தும் பொதுத்துறை நிறுவனங்கள் மட்டுமே அரசின்வசம் இருக்கும். முக்கிய துறைகளில் அதிகபட்சமாக நான்கு பொதுத்துறை நிறுவனங்கள் மட்டுமே அரசிடம் இருக்கும். மற்ற அனைத்து பொதுத்துறை நிறுவனங்களும் தனியாா் மயமாக்கப்படும். அரசின் சுயச்சாா்பு திட்டத்தை செயல்படுத்த அனைத்து துறைகளிலும் தனியாா்பங்களிப்பை அனுமதிக்க வேண்டியுள்ளது. எந்தெந்த நிறுவனங்கள் அரசின்வசம் இருக்கும் என பின்னா் அறிவிக்கப்படும்.

ஓராண்டுக்கு திவால் நடவடிக்கைகள் இல்லை: கரோனா காலத்தில் சிறு, குறு, நடுத்தர நிறுவனங்களுக்கு ஏற்பட்டுள்ள இழப்பை ஈடுசெய்யும் வகையில் திவால்சட்டத்தில் திருத்தம் கொண்டுவரப் பட்டுள்ளது. அதன்படி, ரூ.1 கோடி வசூல்செய்ய வேண்டிய நிறுவனங்கள் மட்டுமே திவாலானதாக அறிவிக்கப்பட்டு, அதன்மீது நடவடிக்கை எடுக்கப்படும். தற்போது, இந்தக்கடன் வரம்பு ரூ.1 லட்சமாக உள்ளது. மேலும், திவாலாகும் நிறுவனங்கள் மீது நடவடிக்கை எடுப்பதற்கான அவகாசம் ஓராண்டாக உயா்த்தப் பட்டுள்ளது. இதுதொடா்பாக, விரைவில் திவால் சட்டத்தில் திருத்தம் கொண்டுவரப் பட்டு அவசரச் சட்டம் இயற்றப்படும்.

இதேபோல், நிறுவனங்கள் சட்டத்தில் குறிப்பிடப் பட்டுள்ள சிறு தொழில்நுட்பக் குறைகள், நடைமுறை தவறுகள், அறிக்கைகள்-வரவுசெலவு கணக்குகள் தாக்கல் செய்வதில் தாமதம் போன்றவை குற்றமாகக் கருதப்படாது. அதன்படி, 7 வகையான குற்றங்கள் ஒருங்கிணைக்கபட்டு 5 வகையான குற்றங்களாகக் குறைக்கப்படும்.

தனியாா் நிறுவனங்கள் மத்தியஅரசின் ஒப்புதலைப் பெறாமலேயே வெளிநாட்டுப் பங்குச் சந்தைகளில் பட்டியலிட அனுமதி அளிக்கபட்டுள்ளது.

 தேசிய ஊரக வேலை உறுதி திட்டத்துக்கு ஏற்கெனவே பட்ஜெட்டில் ரூ.61,000 கோடி ஒதுக்கீடு செய்யப் பட்டுள்ளது. இது தவிர, இந்தத் திட்டத்துக்காக கூடுதலாக ரூ.40,000 கோடி ஒதுக்கீடு செய்யபடும். வெளிமாநிலங்களில் இருந்து சொந்த ஊா் திரும்பிய தொழிலாளா்களுக்கு ஊரக வேலைவாய்ப்பு அளிக்கும் வகையில் கூடுதலாக இந்த நிதி ஒதுக்கப்படுகிறது.

மருத்துவத் துறையில் முதலீடு: சுகாதாரத்துக்கான பொது செலவினம் அதிகரிக்கப்படும். கீழ்நிலை அளவில் மருத்துவம் சாா்ந்த கல்வி நிறுவனங்களில் கூடுதலாக முதலீடு செய்யபடும்.

இணையவழிக் கல்வி ஊக்குவிப்பு: இணையவழிக்கல்வி முறை விரைவில் தொடங்கப்படும். அதன் ஒருபகுதியாக, ஒவ்வொரு வகுப்புக்கும் தனித்தனி தொலைக் காட்சி அலைவரிசை தொடங்கப்படும்.

100 முன்னணி பல்கலைக் கழகங்கள் இணையவழி படிப்புகளை தொடங்குவதற்கு வரும் 30-ஆம் தேதிக்குள் அனுமதி அளிக்கப்படும்.

பொதுமுடக்கம் அமலுக்கு வந்தபிறகு அமைப்பு சாா்ந்த தொழிலாளா்களின் துயரத்தை தணிக்கும்விதமாக, அவா்களின் ஓய்வுக்கால சேமிப்பான வருங்கால வைப்பு நிதியில் (இ.பி.எஃப்.) இருந்து 75 சதவீதம் வரை எடுத்து கொள்ளலாம் என்று மத்தியஅரசு அறிவித்தது. அதன்படி, கடந்த 2 மாதங்களில் 12 லட்சம் தொழிலாளா்கள், ரூ.3,360 கோடிவரை பெற்றுள்ளனா்.

வங்கிகளின் ரொக்க இருப்பை உறுதிசெய்யவும் பணப்புழக்கத்தை அதிகரிக்கவும் கடந்த மாா்ச்மாத இறுதியில் இருந்து ரிசா்வ் வங்கி ரூ.8.01 லட்சம் கோடி மதிப்பிலான திட்டங்களை அறிவித்துள்ளது. இந்த அறிவிப்புகளும் பிரதமா் நரேந்திரமோடி அறிவித்த ரூ.20 லட்சம் கோடி சிறப்பு பொருளாதாரத் திட்டத்தில் அடங்கும்.

சரக்கு-சேவை வரி(ஜிஎஸ்டி) விதிப்பால் மாநிலங்களுக்கு ஏற்பட்டுள்ள இழப்புகுறித்து தொடா்ந்து விவாதித்து வருகிறோம். அனைத்து மாநிலங்களுக்கும் இழப்பீட்டுத்தொகை நிலுவையில் உள்ளது. கடந்த டிசம்பா், ஜனவரி, பிப்ரவரி, மாா்ச் ஆகிய நான்கு மாதங்களுக்கான இழப்பீட்டுத் தொகை மாநிலங்களுக்கு இன்னும் அளிக்கப்படவில்லை.

வெளிமாநிலத் தொழிலாளா்களின் பிரச்னையை முன்வைத்து ராகுல் காந்தி நாடகமாடுகிறாா். வெளிமாநிலத் தொழிலாளா்களை சொந்தஊருக்கு அழைத்துவர ஏற்கெனவே 1,500 சிறப்பு ரயில்கள் அறிவிக்கப்பட்டுள்ளன. எனவே, காங்கிரஸ் உள்ளிட்ட அனைத்து அரசியல் கட்சிகளும் வெளிமாநிலத் தொழிலாளா்களின் பிரச்னையை வைத்து அரசியல் செய்வதை நிறுத்திக் கொள்ளவேண்டும். மேலும், பிரச்னைகளுக்குத் தீா்வு காண்பதற்கு அரசுக்கு ஒத்துழைப்பு அளிக்க வேண்டும் என்றாா் நிா்மலா சீதாராமன்.

Comments are closed.

Tamilthamarai

தற்போதைய செய்திகள்

மற்றவர்களை அச்சுறுத்துவதும் த ...

மற்றவர்களை அச்சுறுத்துவதும் தொல்லை கொடுப்பதும் காங்கிரஸின்  கலாச்சாரம் நீதித்துறையின்மீது அழுத்தம் தரப்படுவதாகவும் நீதிமன்றங்கள் அவமதிப்படுவதாகவும் நூற்றுக்கணக்கான வழக்குரைஞர்கள் ...

நாட்டில் ஊழலை முற்றிலும் ஒழிக் ...

நாட்டில் ஊழலை முற்றிலும் ஒழிக்க பாஜக உறுதிபூண்டுள்ளது மக்களிடம் இருந்து கொள்ளையடிக்கப்பட்ட பணத்தை திரும்பக் கொண்டு வருவதற்காக ...

ஆளுநராக இருந்த நான், உங்கள் அக் ...

ஆளுநராக இருந்த நான், உங்கள் அக்காவாக வந்திருக்கின்றேன் நாடாளுமன்ற தேர்தலில் பாஜக சார்பில் தென்சென்னை தொகுதியில் தமிழிசை ...

டீ குடிப்பது என்றாலும் சொந்தக் ...

டீ குடிப்பது என்றாலும் சொந்தக்காசில் குடிப்போம் 2019 தேர்தலில் அளித்த 295 வாக்குறு திகளையும் பாஜக ...

கன்னியாகுமரி மாவட்டத்தில் 48 ஆய ...

கன்னியாகுமரி மாவட்டத்தில் 48 ஆயிரம் கோடிக்கான திட்டங்களை  கொண்டுவந்துள்ளோம் தமிழகத்தில் அமைந்துள்ள தேசிய ஜனநாயக கூட்டணியின் வெற்றி, தமிழகத்தினுடைய ...

ஒரு லட்சம் பெண்களுக்கு வேளாண் ப ...

ஒரு லட்சம் பெண்களுக்கு வேளாண் பணி சார்ந்த ட்ரோன் மத்திய அரசு சார்பில் கடந்த2022-ம் ஆண்டு ‘நமோ ட்ரோன் ...

மருத்துவ செய்திகள்

தோல் ; தெரிந்து கொள்வோம் மனித உறுப்புகளை

பொதுவாக மனித தோலை தோலமைப்பு பல தொழில் விற்ப்பன்னர் என அழைக்கலாம் உடலின் ...

கண்களில் எவ்வகைக் கோளாறுகள் ஏற்படுகின்றன?

1. கண்பார்வைத்திறன் குன்றியிருத்தல் 2. கண்நோய் 3. மாலைக்கண் நோய் 4. கண்ணில் சதை வளருதல் 5. கண்ணின் ...

இலவங்கப் பத்திரி மூலம் நாம் பெறும் மருத்துவம்

இலவங்கப்பத்திரி மூலம் பிரமேகம், கடுமையான காய்ச்சல், குளிர்சுரம், ஆஷ்துமா போன்றவைகளைக் குணப்படுத்தலாம். பெண்களுக்கு ...