பிரேசிலில் நடைபெற்ற ஜி 20 உச்சி மாநாட்டை வெற்றிகரமாக நடத்தி முடித்த அந்நாட்டு அதிபர் லூயிஸ் இனாசியோ லூலாவுக்கு பிரதமர் மோடி நன்றி தெரிவித்தார்.

பிரதமர் நரேந்திர மோடி, மூன்று நாடுகளுக்கு அரசு முறைப்பயணம் மேற்கொண்டுள்ளார். முதலாவதாக, ன நைஜீரியா சென்றடைந்தார்.அங்கு, அந்நாட்டு அதிபர் போலா அகமது டினுபுவை சந்தித்து பேசினார். அங்கிருந்து புறப்பட்ட மோடி, பிரேசிலுக்கு சென்றடைந்தார்.

பிரேசிலின் ரியோ டி ஜெனிரோ நகரில் நடந்த, ‘ஜி – 20’ உச்சி மாநாட்டில் மோடி பங்கேற்று மாநாட்டின் துவக்க அமர்வில், ‘சமூக உள்ளடக்கம், பசி மற்றும் வறுமைக்கு எதிரான போராட்டம்’ என்ற தலைப்பில் பிரதமர் மோடி பேசினார்.