உத்தர பிரதேசத்தின் பிரயாக்ராஜில் பல்வேறு வளர்ச்சித் திட்டங்களை துவக்கி வைத்த பின் நடந்த பொதுக்கூட்டத்தில் பிரதமர் மோடி பேசியதாவது:

கடந்த முறை நடந்த கும்பமேளாவின் போது இங்கு புனித நீராடும் பாக்கியம் எனக்கு கிடைத்தது. இன்றைக்கு மறுபடியும் கங்கை தாயின் காலடியில் ஆசி பெறும் பாக்கியம் கிடைத்துள்ளது.

தேசிய அளவிலான பிரச்னைகள் குறித்து விவாதிக்கவும், அதை தீர்ப்பதற்கான வழிகாட்டுதல்களை அளிக்கவும் மகா கும்பமேளாவை நம் துறவிகள் நுாற்றாண்டு காலமாக பயன்படுத்தி வந்தனர். அன்றைய காலகட்டத்தில் கூட, சமூக மாற்றத்திற்கான அடித்தளமாக கும்பமேளா இருந்துள்ளது.

கடந்த கால ஆட்சிகளில் கும்பமேளாவுக்கு உரிய அங்கீகாரம் அளிக்கப்படவில்லை. பக்தர்கள் பல சங்கடங்களுக்கு ஆளாகினர். அதை அப்போதைய அரசும் கண்டுகொள்ளவில்லை. நம் கலாசாரத்துடன் அவர்கள் விலகி இருந்தே அதற்கு காரணம்.