மகாபாரதம் என்னும் இதிகாசம் முழுதும் பல்வேறு விதமான அரசியல் சூழ்ச்சிகளையும் அதர்மங்களையும் கொண்டதாக இருப்பினும் அதில் மறக்க இயலாத கதாபாத்திரங்கள் பலதையும் தன்னகத்தே கொண்டுள்ளது!! அதிலே ஒரு பாத்திரம்தான் மகாபாரதத்தில் 'மகாத்மா' என்ற பெயர் பெற்ற விதுரர்!!

விதுரனின் கதை நமக்கெல்லாம் ஒரு பாடம்!! ஒரு கோணத்தில் மட்டுமல்ல பல கோணங்களில்!! 'தர்மம்' காப்பதில், தர்மத்தை எடுத்துரைப்பதில் எந்த விதமான சிக்கலான சூழலிலும் கூடத் தன்னிலை மாறாமல் இருந்த ஒரே தர்மவான் விதுரன் மட்டுமே!! அது மட்டுமல்ல பிறப்பினால் உண்டாவதல்ல சிறப்பு என்னும் மொழியை நிரூபிக்கும் மாமனிதனாக விதுரர் நிற்கிறார்!!

விதுரரின் பிறப்பு பற்றி யோசித்துப் பார்த்தால் பெரும் வியப்புண்டாகிறது!! அவர் தர்மதேவதையின் அம்சமாகவே சொல்லப் படுகிறார்!! நான் முந்தைய அம்பையின் கதையில் சொன்ன விசித்திரவீரியன் அம்பிகை மற்றும் அம்பாலிகை இரு சகோதரிகளை மணந்த கதையை அறிவீர்கள்!! அதன் பின்னர் நடந்த நிகழ்வில் விதுரரின் பிறப்பு வருகிறது!!!

பெயருக்கேற்ப விசித்திரவீரியன் ஏதோ ஒரு விசித்திரமான வீரியக் குறைபாட்டால் பாதிக்கப் பட்டு அவனுக்கு வாரிசின்றிப் போனது! அது குறித்து அரச வம்சம் விளங்க வேண்டுமே என்னும் கவலை கொண்ட பீஷ்மர் ஒரு முடிவு செய்தார்!! அதுவே வியாசமுனிவர் மூலம் அம்பிகையும் அம்பாலிகையும் 'கர்ப்ப தானம்' பெறுவது!!

இது சற்று இன்றைய சூழலில் சிந்தித்துப் பார்த்தால் கொஞ்சம் ஆபாசமாகத் தோன்றலாம்!! ஆனால் அன்றைய மக்கள் காமத்தை வாரிசு உருவாக்கும் ஒரு விஷயமாகவே மட்டும் எடுத்துக் கொண்டு அதில் அதிக ஈடுபாடு கொள்ளாமல் இருந்தனர் என்பது குறிப்பிடத்தக்கது!! இந்நிலையில் மன்னனுக்கு வாரிசின்றிப் போகாமல் இருக்க ஓர் நல்ல ஞானி, ரிஷி,முனிவர் மூலம் கர்ப்பதானம் பெறுவதென்பது அன்று நடைமுறையில் இருந்த விஷயமே!! இது மரபியல் ரீதியில் நல்லதொரு வாரிசு உருவாக்கும் முறையாகவே சொல்லப் பட்டது!! அதே போல கர்ப்பதானம் தரும் ஞானியும் கூட அதில் பெரிய ஈடுபாடின்றி ஒரு சேவை போலவே செய்து வந்தனர்!!

இந்நிலையில் கர்ப்பதானம் தர முன்வந்த வியாச ரிஷியின் மூலம் என்ன நிகழ்ந்தது என்பதையும் அதில் எவ்விதமாக விதுரர் பிறந்தார் என்பதையும் அடுத்த பதிவில் சொல்கிறேன்!!

நன்றி ;#‎TREASURES_OF_HINDUISM‬
‪#‎Dhrona_charya‬

தொடரும் …..