ஆஸ்திரேலியா சிட்னி நகரில் நேற்று ஒரு தீவிரவாதி பலரை சிறைவைத்து பரபரப்பை ஏற்ப்படுத்திய சம்பவம் முடிவுக்கு வந்த 24 மணி நேரத்திற்குள் பாகிஸ்தான் ராணுவபள்ளியில் பயங்கரவாதிகள் பயங்கர ஆயுதங்களுடன் நுழைந்து சரமாரியாக சுட்டு 120 மாணவர்கள் உட்பட 132 பேரை கொன்ற சம்பவம் பெரும் பரபரப்பை ஏற்படுத்தியுள்ளது.

பாகிஸ்தானின் வடமேற்கு மாகாணமான பெஷாவர் நகரில் ராணுவம் நடத்திவரும் பள்ளிக் கூடத்துக்குள் இன்று முற்பகல் 6 தலிபான்கள் தீவிரவாதிகள் திடீரென உள்ளே நுழைந்தனர். பாகிஸ்தான் ராணுவசீருடையுடன் உள்ளே நுழைந்த தலிபான் தீவிரவாதிகள் முதலில் பள்ளிவாகனத்துக்கு தீ வைத்தனர்.

அப்போது பள்ளிக் கூடத்தில் தேர்வு நடைபெற்றுக் கொண்டிருந்தது. வகுப்பறைகளுக்குள் அதிரடியாக நுழைந்த தலிபான் தீவிரவாதிகள் கண்மூடித்தனமாக குழந்தைகளை சுட்டு படுகொலை செய்யத்தொடங்கினர். தேர்வு எழுதி கொண்டிருந்த பள்ளிக் குழந்தைகள் பலரையும் துப்பாக்கி முனையில் கலையரங்கம் ஒன்றில் தலிபான்கள் பிணை கைதிகளாக சிறைவைத்தனர். தலிபான்களிடம் 500க்கும் மேற்பட்ட பள்ளி குழந்தைகள் பிணைக் கைதிகளாக சிக்கினர். அப்போது பள்ளிக் குழந்தைகளை வரிசையாக நிற்கவைத்தும் தலிபான்கள் சுட்டுப் படுகொலைசெய்து வெறியாட்டம் நடத்தினர். இதன் பின்னர் அங்கு குவிக்கப்பட்ட பாகிஸ்தான் ராணுவத்தினர் தலிபான் தீவிரவாதிகள் மீது தாக்குதல் நடத்தினர். அப்போது தீவிரவாதிகளில் ஒருவன் உடலோடு கட்டியிருந்த வெடிகுண்டுகளை வெடிக்கச்செய்ய அந்த இடமே பயங்கர போர்க்களமானது.

இந்த மோதலில் சிக்கி ஒரு 85 பள்ளி குழந்தைகள் உட்பட மொத்தம் 130 பேர் படுகொலை யாயினர். மொத்தம் 125 பேர் படுகாய மடைந்த நிலையில் சிகிச்சைபெற்று வருகின்றனர். பெஷாவரில் உள்ள மருத்துவ மனையில் அவசர நிலைப்பிரகடனம் அறிவிக்கப்பட்டது. எஞ்சிய 5 தீவிரவாதிகளுடன் பல மணிநேரம் துப்பாக்கிச் சண்டை நீடித்தது. ஒவ்வொரு தீவிரவாதியாக கொல்லப்பட்ட நிலையில் 5வது தீவிரவாதி மாலை 4 மணிக்கு சுட்டு கொல்லப்பட்டான். இந்த தீவிரவாதிகள் அனைவரும் தற்கொலைப் படைதாரிகள் என்பதும் தெரியவந்துள்ளது.