பாரத சாரணர் மற்றும் சாரணியர் இயக்கத்தின் தமிழ்நாடு மாநிலத் தலைவ ருக்கான தேர்தலில் போட்டியிடும் பாஜக தேசிய செயலர் எச்.ராஜாவுக்கு வாக்களிக்குமாறு கல்வித் துறை அதிகாரிகள் மிரட்டப்படுவதாகவும், அவருக்கு அப்பதவியைத் தாரை வார்க்க தமிழக முதலமைச்சர் எடப்பாடி பழனிச்சாமியும், கல்வி அமைச்சர் செங்கோட்டையனும் முயற்சிப்பதாக திமுக பொருளாளரும் தமிழகசட்டமன்ற எதிர்கட்சி தலைவர் மு.க ஸ்டாலின் கூறியிருப்பதற்கு ராஜா மறுப்புத் தெரிவித்துள்ளார்.

இது குறித்து பேசியவர், "அரண்டவன் கண்ணுக்கு இருண்டதெல்லாம் பேய் என்பதுபோல, தமிழகத்தில் எது நடந்தாலும் அதற்கு பாரதிய ஜனதாவைக் குறைகூறும் மனநோய் ஸ்டாலினுக்கு உள்ளது," என்று கூறினார்.

பிரிக்கப்படாத ராமநாதபுரம் மாவட்டத்தின் சாரணர்-சாரணியர் இயக்கத்தில் தனதுதந்தை பணியாற்றியதால், சிறுவயதில் இருந்தே தனக்கு அந்த அமைப்புடன் தொடர்பு இருப்பதாகவும், நண்பர்கள் கேட்டுக்கொண்டதன் பேரில் போட்டியிட ஒப்புக்கொண்டதாகவும் ராஜா கூறினார்.

மாணவர்கள் மனதில் காவி எண்ணங்களை விதைக்கும்முயற்சி என்று அவர் கூறுவது முற்றிலும் தவறானது. இது ஒரு கௌரவப்பதவி மட்டுமே. தேவையில்லாமல் ஸ்டாலின்தான் இந்தவிவகாரத்தை அரசியலாக்குகிறார். நான் போட்டியிடுவதில் என்ன தவறு என்று அவர்தான் கூறவேண்டும்," என்றும் ராஜா தெரிவித்தார்.

தமது பள்ளிக்காலத்தில் தான், தேசிய மாணவர் படையில் இருந்ததால் சாரணர் இயக்கத்தில் இருந்த தில்லை. ஆனால், அதில் தனக்கு பலநண்பர்கள் உள்ளனர் என்றார் ராஜா.

பாரத சாரணர் மற்றும் சாரணியர் இயக்கத்தின் தமிழ்நாடு மாநில தலைவருக்கான தேர்தலில் மனுதாக்கல் செய்திருந்த ஐந்துபேரில், தற்போது எச்.ராஜா மற்றும் முன்னாள் பள்ளி கல்விதுறை இயக்குனர் பி.மணி ஆகியோர் மட்டுமே களத்தில் உள்ளனர். மற்றமூவரும் போட்டியில் இருந்து விலகிக்கொண்டனர்.