தென் மாநிலங்களில் பாஜக. வலுவிழந்து காணப்படும் நிலையை மாற்றி, வலிமைசேர்க்கும் வகையில் எதிர்வரும் பாராளுமன்ற பொதுத்தேர்தலில் பிரதமர் நரேந்திரமோடி வாரணாசி மற்றும் கர்நாடக மாநிலத்தில் உள்ள ஒருமுக்கிய தொகுதியில் போட்டியிடப் போவதாக சமீபத்தில் சில ஊடகங்கள் செய்தி வெளியிட்டிருந்தன.

இந்நிலையில், இது தொடர்பாக  செய்தியாளர்களுக்கு பேட்டியளித்த கர்நாடக மாநில பா.ஜ.க. தலைவரும் முன்னாள் முதல் மந்திரியுமான எடியூரப்பா, இது போல் வரும் செய்திகள் யாவும் உண்மைக்கு புறம்பானவை. தேவையில்லாமல் பரப்பப்படும் ஆதாரமற்ற தகவல்கள் என்று தெரிவித்தார்.

கர்நாடக மாநிலத்தில் நவம்பர் மூன்றாம்தேதி நடைபெறும் மூன்று தொகுதி பாராளுமன்ற தேர்தலில் போட்டியிடும் பா.ஜ.க. வேட்பாளர்கள் வரும் பத்தாம் தேதி கூடும் கட்சிமேலிட கூட்டத்தில் தேர்வு செய்யப் படுவார்கள் என்றும் அவர் குறிப்பிட்டார்