தலைநகர் டெல்லியில் பிப்ரவரி 8-ம் தேதி சட்ட சபை தேர்தல் நடைபெறவுள்ளது. இத்தேர்தலில் ஆளும் கட்சியான ஆம் ஆத்மியை வீழ்த்துவதற்கான வியூகம் வகுத்து பாஜக மற்றும் காங்கிரஸ் கட்சிகள் செயல் படுகின்றன.

இதற்கிடையே, பாஜக சார்பில் வேட்பாளர்கள் அறிவிக்கப்பட்டு தீவிரபிரசாரமும் நடைபெற்று வருகிறது, பிரதமர் மோடி, உள்துறை மந்திரி அமித் ஷா, பாஜக தேசிய தலைவர் ஜே பி நட்டா உள்ளிட்ட முக்கிய தலைவர்கள் பிரசாரத்தில் ஈடுபட்டுவருகின்றனர்.

இந்நிலையில், சட்டசபை தேர்தலுக்கான தேர்தல் அறிக்கையை பாஜக இன்று வெளியிட்டுள்ளது. கட்சி அலுவலகத்தில் நடைபெற்ற கூட்டத்தில் மத்திய மந்திரிகள் நிதின்கட்காரி, ஹர்ஷ் வர்தன், டெல்லி பாஜக தலைவர் ,மனோஜ் திவாரி உள்ளிட்டோர் வெளியிட்டனர்.

அனைத்து வீடுகளுக்கும் தூயகுடிநீர் வழங்குவது, கல்லூரி மாணவிகளுக்கு இலவச ஸ்கூட்டி, 9,10ம் வகுப்பு மாணவிகளுக்கு இலவசசைக்கிள், பிறக்கும் குழந்தைகளுக்கு குறைந்தபட்சம் ரூ.2 லட்சம் வழங்கப்படும் மற்றும் விதவை பெண்களின் மகளின் திருமணத்திற்கு ரூ.51 ஆயிரம் வழங்கப் படும் உள்ளிட்ட பல்வேறு வாக்குறுதிகள் வழங்கப்பட்டுள்ளது.