தற்சார்பு இந்தியா என்பது நம் உணர்வு சார்ந்தது

தற்சார்பு இந்தியா என்பது, வெறும்கோஷமல்ல; நம் உணர்வு சார்ந்தது. இதனால், மக்களிடையே தன்னம்பிக்கை அதிகரித்துள்ளது. அதன் தாக்கத்தை எல்லையில் பார்த்திருப்பீர்கள்,” என, பிரதமர் நரேந்திரமோடி பெருமையுடன் குறிப்பிட்டார்.

‘நாஸ்காம்’ எனப்படும், தேசிய மென்பொருள் மற்றும் சேவைநிறுனங்கள் சங்கத்தின் சார்பில், தொழில்நுட்பம் மற்றும் தலைமைபண்பு தொடர்பான கருத்தரங்கம் நேற்று நடந்தது. இதில், ‘வீடியோ கான்பரன்ஸ்’ முறையில் பங்கேற்ற, பிரதமர் நரேந்திரமோடி பேசியதாவது:’ஆத்மநிர்பர் பாரத்’ எனப்படும், தற்சார்பு இந்தியா என்பது வெறும் கோஷமல்ல. அது, நம் உணர்வுசார்ந்தது; நம் மண்ணைச் சார்ந்தது என்று மக்களிடையே விழிப்புணர்வு ஏற்பட்டுள்ளது.
உள்நாட்டு தொழில்நுட்பம், உள்நாட்டில் தயாரிக்கப் பட்டது என, நம் நாட்டின் வளர்ச்சியுடன் இணைந்தது. இது, மக்களிடையே தன்னம்பிக்கையை அதிகரிக்க செய்துள்ளது.லடாக்கில் சீனாவின் அத்துமீறலை, நம்ராணுவம் முறியடித்துள்ளது. அங்கு முகாமிட்டிருந்த, சீன படைகள் திரும்பப் பெறப்பட்டுள்ளன.

இதுவே, தற்சார்பு இந்தியா, மக்களிடையே ஏற்படுத்தியுள்ள நம்பிக்கையின் ஒருஉதாரணம்.நாட்டின் பொருளாதாரத்தை, 350 லட்சம் கோடி ரூபாய் மதிப்பிற்கு உயர்த்துவதற்கு, தற்சார்புமுயற்சிகளே முக்கியம். அந்த வகையில், ‘மேப்பிங்’ எனப்படும் நாட்டின் வரைபடங்கள் தயாரித்தல் மற்றும் புவி சார் தகவல்களை சேகரிப்பதில், புதிய சீர்திருத்தத்தை ஏற்படுத்திஉள்ளோம்.இதுவரை இருந்த அனைத்து கட்டுப்பாடுகளும் நீக்கப்பட்டுள்ளன. நம்நாட்டு மக்கள் மற்றும் நிறுவனங்கள் மீது, இந்த அரசு மிகுந்த நம்பிக்கை வைத்துள்ளது. அதன்படியே, இந்தகட்டுப்பாடுகள் நீக்கப்பட்டுள்ளன.அதனால், ‘ஸ்டார்ட்அப்’ நிறுவனங்கள் உட்பட, நம் தொழில்துறை மிகுந்த பலனை பெற உள்ளன. புவிசார் தகவல்சேகரிப்பு வாயிலாக, உள்நாட்டில், 1 லட்சம் கோடி ரூபாய் மதிப்புள்ள தொழில் வளர்ச்சியை காணலாம்; 22 லட்சம்பேருக்கு வேலைவாய்ப்பு கிடைக்கும் என கணிக்கப்பட்டுள்ளது.இவ்வாறு, அவர் பேசினார்.

நாஸ்காம்’ நிகழ்ச்சியில், பிரதமர் மோடி மேலும் பேசியதாவது:உலக நாடுகளுக்கு தலைமையேற்கும் மிகப்பெரும் திறன் இந்தியாவுக்கு உள்ளது. நம்மிடம் அறிவுத்திறன் உள்ளது; புதுமை கண்டுபிடிப்புகள் உள்ளன. ஆனால், அவை நடைமுறைக்கு வருவதே முக்கியம்.நாட்டின் சிறியநகரங்களில், பலதிறமையான கண்டுபிடிப்பாளர்கள் உள்ளனர். அவர்களுக்கு உங்கள் ஆதரவு தேவை. அதற்கு உதவுவதற்காக, இரண்டாம் நிலை நகரங்களில் கட்டமைப்பை மேம்படுத்தும் திட்டங்கள் செயல்படுத்தப்படும்.கொரோனா காலத்தில், மற்றதுறைகள் தத்தளித்தாலும், தகவல் தொழில்நுட்பத் துறை, 2 சதவீத வளர்ச்சியை அடைந்தது.

எண்ணெய் மற்றும் எரிவாயு உற்பத்தியில், உள்நாடு, வெளிநாடு முதலீடுகளை ஈர்க்க நடவடிக்கை எடுக்கப்படுகிறது. இதனால், தென் மாநிலங்களில், பல்வேறு பகுதிகள் பயன் அடையும்.

மாற்று எரிசக்தி பயன்பாட்டை அதிகரிக்க, சூரிய மின் உற்பத்திக்கு ஊக்கம் அளிக்கப்படுகிறது. எல்.இ.டி., பல்புகளை பயன்படுத்துவதன் வாயிலாக, மின்சாரத் தேவை குறைக்கப்பட்டு வருகிறது.சூரிய மின்சாரத்தில் இயங்கும் மோட்டார்கள், விவசாயிகளுக்கு உதவியாக உள்ளன. இந்தியாவில் அதிகரிக்கும் எரிசக்தி தேவையை சமாளிக்க, மாற்று எரிசக்திகள் உதவியாக இருக்கும். இந்தியாவின் முக்கிய நகரங்களில் மெட்ரோ ரயில் சேவை துவங்கப்பட்டுள்ளது. சுத்தமான மற்றும் பசுமையான எரிசக்திக்காகவும், எரிசக்திக்காக மற்ற நாடுகளை சார்ந்திருப்பதை குறைப்பதற்காகவும், உழைக்க வேண்டியது நம் கடமை. கடந்த, 2019 – -2020ம் ஆண்டில், உள்நாட்டின் தேவைக்காக, 85 சதவீத எண்ணெய் மற்றும் 53 சதவீத இயற்கை எரிவாயுவை, இந்தியா இறக்குமதி செய்தது; இதற்காக யாரையும் நான் குற்றஞ்சாட்ட விரும்பவில்லை.

ஆனால் எரிசக்தியில், இறக்குமதியை சார்ந்திருப்பதை குறைப்பதில், முந்தைய அரசுகள் அதிக கவனம் செலுத்தி இருந்தால், நடுத்தர வர்க்கத்தினர் பாதிக்கப்பட்டிருக்க மாட்டார்கள். விவசாயிகள் மற்றும் நுகர்வோருக்கு உதவ, எத்தனால் பயன்பாட்டை அதிகரிக்க, மத்திய அரசு கவனம் செலுத்தி வருகிறது. மக்களின் வாழ்க்கை எளிதாக இருக்க வேண்டும் என்பதற்காக, பொது போக்குவரத்தை பயன்படுத்த வேண்டும் என, ஊக்கப்படுத்தி வருகிறோம். இயற்கை எரிவாயுவை, ஜி.எஸ்.டி., எனப்படும் சரக்கு மற்றும் சேவை வரி விதிப்புக்கும் கொண்டுவர திட்டமிடப்பட்டுள்ளது இவ்வாறு அவர் பேசினார்.

Comments are closed.

Tamilthamarai

தற்போதைய செய்திகள்

அனைவரும் இணைவோம்-அனைவரின் வளர் ...

அனைவரும் இணைவோம்-அனைவரின் வளர்ச்சிக்காக முயற்சிப்போம் பிரதமர் திரு நரேந்திர மோடி, அசாம் மாநிலம் பார்பேட்டாவில் ...

‘க்வாட்’ அமைப்பின் மதிப்பை சீா ...

‘க்வாட்’ அமைப்பின் மதிப்பை சீா்குலைக்க முயற்சி ‘தவறான தகவ ல்கள் மூலம் ‘க்வாட்’ அமைப்பின் மதிப்பை ...

வடகிழக்கு மாநிலங்கள் அதிக தொகு ...

வடகிழக்கு மாநிலங்கள் அதிக தொகுதிகளில் களமிறங்கும் பாஜக மேகாலயாவில் மொத்தமுள்ள 60 தொகுதிகளிலும், நாகாலாந்தில் 20 தொகுதிகளிலும் ...

தீய சக்திகளை ஒழிக்க அதிமுக ஒன்ற ...

தீய சக்திகளை ஒழிக்க அதிமுக ஒன்றுசேர வேண்டும் ஈரோடு கிழக்கு சட்ட சபை இடை தேர்தலுக்காக அதிமுக ...

வளர்ந்த இந்தியாவிற்கான விருப் ...

வளர்ந்த இந்தியாவிற்கான விருப்பங்கள் மற்றும் தீர்வுகளுக்கன அடித்தளம் வளர்ந்த இந்தியாவிற்கான விருப்பங்கள் மற்றும் தீர்வுகளுக்கு வலுவான அடித்தளத்தை ...

மத்திய பட்ஜெட் ஒரு பார்வை

மத்திய பட்ஜெட் ஒரு பார்வை அனைவரையும் உள்ளடக்கிய வளர்ச்சி கடைசி நபரையும் சென்றடைந்தது முதலீடு மற்றும் கட்டமைப்பு ஆற்றல் மற்றும் வெளிக்கொணர்தல் பசுமை வளர்ச்சி இளைஞர் சக்தி ...

மருத்துவ செய்திகள்

கர்ப்ப காலத்தில் எத்தனை நாட்களுக்கு ஒருமுறை மருத்துவரைப் பார்ப்பது நல்லது?

முதல் 20 வாரம் வரை, மாதம் ஒரு முறை மருத்துவரை அணுகி சிசுவின் ...

வெண் தாமரைப் பூ

இதய நோய் இந்த இதழ்களைச் சாப்பிடுவதால் இருதய நோய்கள் நீங்கும். தொடர்ந்து சாப்பிட ஆண்மை ...

பப்பாளியின் மருத்துவக் குணம்

கல்லீரல் கோளாறுகளுக்கு பப்பாளி மருத்துவரீதியாக உதவி செய்யும். முறையான மாதவிலக்கு ஒழுங்குக்கு பப்பாளி ...