கர்நாடக சட்டமன்ற தேர்தலில் போட்டியிடும் , மீதமுள்ள பாஜக வேட்பாளர்களின் பட்டியல் வரும் ஏப்ரல் 15ஆம்தேதிக்குள் வெளியிடப்படும் என பாஜக தேசிய துணைதலைவர் சதானந்த கவுடா தெரிவித்துள்ளார்.

இதுவரைக்கும் பா.ஜ.க சார்பில் 175 இடங்களுக்கான வேட்பாளர்பட்டியல் வெளியிடப்பட்டுள்ளது. மீதம் இருக்கும் இடங்களுக்கு வரும் 15ஆம் தேதிக்குள் வேட்பாளர்கள் அறிவிக்க படுவார்கள் என சதானந்தகவுடா தெரிவித்தார்.

இது குறித்து அவர் செய்தியாளர்களிடம் கூறியதாவது:

காங்கிரஸ், ஜனதாதளம்(எஸ்) கட்சியிலிருந்து முக்கிய பிரமுகர்கள் தேர்தலில் ‘சீட்கேட்டு வருவார்கள் என பா.ஜ.க காத்திருப்பதாக காங்கிரஸ் குற்றம் சுமத்தியுள்ளது. பா.ஜ.க.,வில் வேட்பாளர்கள் தயார்நிலையில் உள்ளார்கள் . வேட்பாளர்பட்டியலும் அறிவிக்கப்பட்டு விட்டது. காங்கிரஸ் கட்சியில்தான் வேட்பாளர்களை அறிவிப்பதில் சிக்கல் உருவாகி போராட்டம் நடந்துவருகிறது.

வரும் 15–ந் தேதிக்குள் மீதமுள்ள பா.ஜ.க வேட்பாளர்பட்டியல் வெளியிடப்படும். அதற்கான பணிகள் நடந்து வருகிறது. சட்ட சபை தேர்தலில் பா.ஜ., கட்சி வேட்பாளர்களை ஆதரித்து பா.ஜ.க மூத்த தலைவர் அத்வானி, குஜராத் மாநில முதல்வர் நரேந்திரமோடி, பாராளுமன்ற எதிர் கட்சி தலைவர் சுஷ்மாசுவராஜ் நடிகை ஹேமமாலினி, ஆகியோர் பிரசாரம் செய்கின்றனர் என்று
சதானந்த கவுடா கூறினார்.