நரேந்திரமோடி நாட்டுக்கு தலைமை ஏற்க வேண்டும் மத்திய அரசின் குறிக்கோள்கள் அற்ற நடவடிக்கையால் மக்களுக்கு உள்நாட்டிலும் பாதுகாப்பு இல்லை. எல்லையிலும் பாதுகாப்பு இல்லை என்று நரேந்திரமோடிக்கு பஞ்சாப் முதல்வர் பிரகாஷ்சிங் பாதல் அழைப்பு விடுத்துள்ளார்.

பஞ்சாப்பின் மாதோபூரில் நேற்று நடந்த பொதுக்கூட்டத்தில் மோடியை வரவேற்று பாதல் பேசினார்.அவர் பேசும்போது, நரேந்திர மோடி, இனி நாட்டுக்கு தலைமையேற்கவேண்டும். பா.ஜ.க.,வின் தேர்தல் பிரசாரக்குழு தலைவராக மோடி நியமிக்கப்பட்டுள்ளதன் மூலம் இந்தியா வளர்ச்சி அடைந்த நாடாகமுன்னேறும் என்ற நம்பிக்கைக்கு உயிர்கிடைத்துள்ளது.

அடுத்த ஆண்டு நடைபெறவுள்ள நாடாளுமன்ற தேர்தலில் சிரோமணி அகாலிதளம் – பாஜக கூட்டணி பஞ்சாபில் இருக்கும் 13 தொகுதிகளிலும் வெற்றிபெறும் என்று மோடிக்கு உறுதியளிக்கிறேன். மத்தியஅரசின் குறிக்கோள்கள் அற்ற நடவடிக்கையால் மக்களுக்கு உள்நாட்டிலும் பாதுகாப்பு இல்லை. எல்லையிலும் பாதுகாப்பு இல்லை. காங்கிரஸ் தலைமையிலான மத்திய அரசின்ஊழல், நிர்வாகச்சீர்கேடு உள்ளிட்டவற்றுக்கு எதிராக நாட்டுமக்கள் மீண்டும் ஒரு சுதந்திர போராட்டத்தை நடத்தவேண்டும் என்று பாதல் பேசினார்.